بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



old tourist old tourist
تجارب سائح قديم
18-12-2014 - 05:38 am

من خلال سفراتيالمتعددة تقريبا لنص دول العالم<img width="32" height="32" alt=":)" title="Smile :)">
اكتشفت اشياء الكثير من سياحناالعرب غافل عنها ومايدري ويصير صيد وفريسةلضعاف النفوس والنصابين
بتكلم عن اول نقطة
** الحجوزات **
اكبر خطا تحجز عن طريق مكتب او سفرياتبتعجبون
المكاتب والسفريات
مشاكل المكاتب
1
- المكتب يبيع لك اغلى من سعر الفندق نفسة واغلا من النت
2- عروض المكاتب جميع الفنادق تقدم عروض اسكن 3 ليالي تحصل على ليلة وحدةمجانية ابو الشباب حاسب عليكم المجانيه
3- المكتب حجز لو يصير مو اوكي وانت بالرسبشن دايخ لازم تدق عليه وتكلمةومكالمه دولية وعوار راس ويمكن تدق المكتب يكون مسكر وتبتلش زيادة
حلول المكاتب
1- ياخي طلع لك فيزا انترنت بخمس دنانير وعبها مو عجزان تصير متطور وتفيدنفسك<img width="32" height="32" alt=":)" title="Smile :)">خلك اجنبي بالسفر وتعلم
2- الحجز عن طريق النت متعه بحد ذاته تحجز وانت قاعد بالبيت ومرتاح تختارالفندق على حسب ميزانيتك
3- الانترنت يعطيك موقع الفندق والمميزات الي جنبه عشان تعرف انت وين ساكن
4- الانترنت ارخص مكان لحجوزات الفنادق واغلب مكاتب السفر تستخدم الانترنت
5- حجز الانترنت يعطيك التاكيد الفوري والفندق لو مايسكنك يدفع للموقع غراماتيمكن توصل للمليون دولار يعني ساكن ساكن غصبن عنهم<img width="32" height="32" alt=":)" title="Smile :)">
6- تحصل عروض مو طبيعيه وتقدر تختار نوع الغرفة وتبيها مزودجه ولا سرير كنجمع مدخنين من دون
7- كل ماحجزت الفندق قبل السفرة بشهور تحصلة ارخص
السفريات
المشاكل
1- حجز عن طريق مكتب يكون اغلى
2- لايمكن حجز مقعد الطائرة
3- الخيارات محدودة بالنسبه للوقت
4- مايعطيك الاوكي يمكن تبتلش معاهم ويمكن التذكرة الي بايعها لك ماتقدر تعدلعليها
الحلول
1- حجز الانترنت متعه مابعدها متعه تدش مواقع جميع شركات الطيران وتسويمقارنة بالنسبة للاسعار وتاخذ اقل سعر يعجبك
2- تقدر تختار الوقت المناسب وتعرف الترنزيت وجم مدة الرحله ... الخ
3- تقدر تختار المقعد وتقدر تختار الوجبه وتقدر تسوي شيك ان
4- تعرف حجم الامتعه الى معاك
5- حجز الانترنت كل ماحجزت قبل السفره بشهور تحصل سعر ارخص
صرف العمله
1- اصرف من الكويت دولار ويليت يكون الدولار سريل ونضيف يعني مرتب بالنسبهللارقام الدولار ونضيف يعني ماعليه ختم في صرافين مايقبلون الدولار المختوم لاسافرت وتوهق وفي بعضهم يبون سريل يعني دولارت مرتبه بالارقام
2- لاتشيل فلوس كويتية وتسافر للبلد وتصرف الكويتي هناك بيكسرون فيك كسره قهر
3- الفلوس احفضها في مكان امن ولا تكشف عنها قدام الناس بالمطار في ناس متخافالله
4- اخذ دولارت 100 وفئه 50 بس لاتاخذ الخرده<img width="32" height="32" alt=":)" title="Smile :)">
شنط السفر
1- اشتر اغلى جنطة بالسوق ويكون لها تواير<img width="32" height="32" alt=":)" title="Smile :)">لك ولزمن صدقوني الشنطهكل مكانت اغلى كل مكان سعرها فيها وتريحك بالسفر والتواير ماتخرب وتهرقل<img width="32" height="32" alt=":)" title="Smile :)">
2- اشتر جنطه ضهر ماركه معروفة لك ولزمن حط فيها الاب توب وتقدر تستخدمهابالرحلات تكون جنطة ماركه قوية لانه تبين بضهرك وانت شايلها الرخيصة عن القوية عنواقع تجربه<img width="32" height="32" alt=":)" title="Smile :)">
3- اعتب على العوائل الي يسافرون مو يحطون قفل للجنطه يجماعة ترا العمالهرواتبهم ولا شي وانتم تشترون هدايا وساعات وبلاوي بسعار عاليه
والجنطه الي بدون قفل سهل فتحها وياخذ محتواها وتاكلها بعدين اشترقفل لو بمية فلس سكر الجنط وخل المفاتيح معاك وريح راسك حتي لو توصل الفندقويقولون انطر نجهز لك غرفه اخذ فرة ساعة وتعال ترتاح انه جناطك مقفلة محد يقدريتعبث فيهم
البلد
1- يجماعة انا اعتب على الناس الي تسافرون بدون علم او درايه عن البلد يعنييسافر على عماه ويضيع هناك ثقف نفسك عن البلد من ناحيه :
( الاماكن السياحيه - اسعار التذاكر السياحيه - طبيعه الشعب - الطقس )
التاكسي
1- في خطه انا استخدمها وناجحة في جميع بلاد العالم هههههههه ارجوكم طبقوهالا وصلت للبلد وانت بصاله القادمون روح لصاله المغادون راح تحصل تاكسي يتمنون تركبمعاهم روح اركب معاهم وتشرط عليهم بالسعر لاانه التاكسي بمكان القادمون يمسك دورطويل ويكون دافع للمطار اشتراك ويكون سعره عالي ويكون نفسيه دايمن من النطره<img width="32" height="32" alt=":)" title="Smile :)">اما بالنسبه للمغادرونيكون التاكسي جايب ناس المطار ومايبي يرد خالي بلاش يبي يشيل اي واحد في اي سعر
2- التاكسي اذا شفت معاهم عداد وانت في البلد وقالك ماشغله انزل لا تناقشةولا بيقزرها على راسك
3- لا تتناقش مع التاكسي ولا تسولف معاهم خلك جنتل وطنشة وراكب ورا اوصللمكان الي تبيه وريح راسك اكثر التاكسي يشتغلون لشركات لمطاعم وياخذون عموله لوجابو زبون للمحل او المطعم فا اشتر راسك لا قالك تبي مطعم عربي مطعم اكل بحري تبيالماس رخيص تبي ملابس رخيصه طنشة وخله يستريح انت مخدوع مية بالمية<img width="32" height="32" alt=":)" title="Smile :)">
4- احتفظ بالفكة صدقني بتفيدك لاتوزع خردتك للتاكسي خلك اوربي بالسفر صدقني بترتاح
في حاله توفر مترو في البلد و انت تبي تسوق سياره
المترو او القطار
1- المترو دايمن تكون شبكته مشبوكه بجميع الاماكن السياحيه واهم الاماكن فيالبلد
2- المترو بحد ذاته رياضيه وتخفيف وزن المشي مفيد في السفر<img width="32" height="32" alt=":)" title="Smile :)">ويخفف الكرش
3- المترو ارخص من التاكسي بمليون مره وكافي تشوف ناس معاك<img width="32" height="32" alt=":)" title="Smile :)">يضيع الوقت
4- المترو مايوقفه شي يعني من نفس التاكسي لا طاح بزحمه وبتلشت
5- المترو يمكن يوديك من بلد لبلد ارخص واحسن
سياقة السياره في البلد
1- بالنسبه للسياره حاول تحجز السياره عن طريق الانترنت مواقع الشركاتالعالميه لتاجير السيارات كلها موجودة ارخص بمليون مره من سعر المكتب بالمطار
2- اخذ معاك جارمن من الكويت وحط فيه خرايط البلد وحط الاحداثيات الي تبيهاوريح راسك
3- حط تأمين شامل وانت تختار السياره بالانترنت وحط مكان استلام السيارهومكان تسليمها لو تبي تسلمها ببلد اخر
4- التزم بقوانين البلد مافيها حب خشوم بره<img width="32" height="32" alt=":)" title="Smile :)">واربط حزام الامان
5- رد بنزين السياره نفس ماستلمت السياره استلمتها نص ردها نص ولا بيحسبونعليك
6- تجنب المخالفات قد ماتقدر ولا بيخصمونها من التامين
الشعب
1- لا تحاول تسوي نفسك عنتر على الشعب وانت فلوس وهم فقارة ولا تبي تاكلها
2- حاول تقرا عن الشعب وتتثقف عن الاشياء الي يحبونها ويكرهونها
3- خلك انسان غامض لا تكون كتاب مفتوح وتتكلم عن حياتك الشخصيه ووين تشتغلتراك معرض للاستغلال انت مجرد سائح ويشوفونك فلوس تمشي
4- حاول تقولهم انا من بلد فقير<img width="32" height="32" alt=":)" title="Smile :)">لاتشوف نفسك عليهم انادايمن اقولهم انى من باكستان ولو اني مو هندي ولا باكستاني ولا فيني شبه فيهم بساحاول ابين لهم اني فقير عشان يمشون اموري ومايقزرونها على
الاكل
1- ابتعد كل البعد عن المطاعم العربيه<img width="32" height="32" alt=":)" title="Smile :)">لاسباب عديده
( اسعار خياليه - يدبل لك الفاتوره - لحم مجكوك بامرة يقولك حلال وهو موحلال تاكد - الشيشه عنده لو انتي تشيش قمه االامراض ابتعد عنها ولو مانصح انك تشيشاهنية وهناك )
2- اكل من مطاعم الفاست فود مثل ماكدونلدز وبيتزا هات وصب واي تراه رخيصويمشي<img width="32" height="32" alt=":)" title="Smile :)">وروح ستار بكس حلىوستانس ها الاشياء بربع فاتورة المطعم العربي
3- خفف من اكلك خل السفرة مشي ورياضية وتخفيف وزن لو ماتسوي رياضية بالكويتاستغلها فرصه
4- اشتر من السوبر ماركت الماي والسناكس وحطهم بثلاجة الفندق
5-اذا معاك اطفال اشتر لهم كل شي من السوبر ماركت ولا بتبتلش بنص الليل<img width="32" height="32" alt=":)" title="Smile :)">
6- ابتعد عن الاكل الحرام خصوصا بالبوفيهات pork - ham يعني خنزير الله يعزكم ابتعدعنهم
الصرف اليومي
يجماعة انا عندي خطه ماشي عليها بكل سفراتي وناجحة والحمدلله
بالنسبه للمبلغ نفرض على سبيل المثال 1000 دولار طبعاَ انت دافعحجوزات الطيران والفندق عن طريق النت ومشطب عليهم<img width="32" height="32" alt=":)" title="Smile :)">فرضا بقعد 10 ايام
اقسم عدد الايام على المبلغ يطلع اليوم 100 دولار
طبعا اول يوم راح توصل تعبان ومراح تصرف المبلغ كله فا شيصيرالمبلغ يترحل حق باجر
يعني صرف اليوم 50 دولار وباقي 50 اخلى الخمسين على طرف اقطها ببوكخاص تكون مبلغ فايض
اجمع المبالغ الفايضه في اخر يومين بالسفرة اشتري فيهم هدايا ويكونتوفير لى من مبلغ السفرة<img width="32" height="32" alt=":)" title="Smile :)">هاذي خطتي حتي اخيرايام السفرة دايمن تصير مشاكل
خل معاك فيزا وتكون الفيزا احرفها بارزه عشان تشتغل بره ولا انصحبستخدمها في السحب الكاش فقط في المشتريات
السوق
المولات
1-عندي قناعه مادري يمكن الناس يشركوني فيها جميع الماركات الي برة تكونمختلفة عن الى عندنا من ناحية الكوالتي والبضاعه<img width="32" height="32" alt=":)" title="Smile :)">( اترك الضمير لهم )
2- اسعار المولات دايمن عليها تنزيلات واسعار موحده لك كسائح او مواطن فيالبلد
3- المول راحه نفسيه ويكون شي راقي وتحصل ماركات تكون في البلد نفسه موموجودة بره
الاسواق الشعبيه
يجماعة انا عندي قناعه ولو ادري نصكم بيخالفني انا ماشجع علىالاسواق الشعبية للاسباب عديده
1- وانت في السوق الشعبي لاشافك البائع سائح دبلات دبلات دبلات عليك السعروبتدخل بمكاسر وتعور راسك وبتوصل لسعر انت ماتعرف فية سعر السلعه ويبيعها عليك وهودابلها
2- جميع الاسواق الشعبيه العاملين فيها لو ماشريت منهم يسبونك في لغتهم<img width="32" height="32" alt=":)" title="Smile :)">وانت ماتدري شالطبخة لوتعرف لغتهم صدقني بتمشي ووببتهاوش معاهم
3- الاسواق الشعبيه دايمن تكون في اماكن مهجورة واماكن يمكن تكون عرضة للسرقة
4- الاسواق الشعبيه لا يوجود سعر للسلعه يكون واضح يعني تدوخ بسعر السلعه<img width="32" height="32" alt=":(" title="Frown :(">
5- جميع البضائع الي تبيها بالسوق الشعبي تحصلها بالمولات بالمحلات الكبيرةمسعرة وخالصة صدقوني حصلى موقف شفت سلعه بمول ولقيتها بسوق شعبي بيبيعها على اغلىمن المول نفسة والمحل الي بمول اجارة يسوا الشارع الي فيهم هو وربعه
6- اشتر راسك واشتر من المولات لا تدش بمشاكل مع اهل الاسواق الشعبيه وعوارراس انت مسافر عشان تستانس مو تكدر خاطرك ويستغفلونك
الاماكن السياحيه
1- حاول تقرا عن المكان السياحي الي بتروح له عن طريق النت اسعار التذاكرواحجز التذكرة عن طريق الانترنت ارخص من الشباك ولو ماحصلت التذكرة عن طريق النتاشترها من الشباك وليس من اشخاص يعرضونها عليك
2- في ناس دايمن تحصلهم يتصيدون السياح يجيك قبال الشباك يقولك جم تبي تذكرةانت ماتدري شالطبخة تقول ابي تذكرتين يروح يشتريهم لك بسعر اغلى من سعر الشباكوطبعا يكون في اتفاق بينهم النصاب وصاحب الشباك في لا تصيرون صيده
3- البس ملابس ملائمه لنوع الرحله يعني رايح غابات وشلال البس لبس خفيف وحلوبرمودا وشي يصلح للمكان مو جنز وجوتي اللة يعزكم يخرب عليك الرحله<img width="32" height="32" alt=":)" title="Smile :)">
ها الموضوع اجتهاد شخصي وقد اكون على صواب وقد اكون مخطيفاالانسان على خطا احيانا وهاذي تجربتي بالسفر قدمتها لكم وعلى الله تفيديكم





المشاركات

طارق عنايات طارق عنايات
تجارب سائح قديم


مشكور عل الملاحظات والنصائح

الاعتماد على النفس سبب مهم لنجاح السفر

وفقك الله


cash2000 cash2000
تجارب سائح قديم


ما قصرت الله يعطيك العافية


mr.fawaz mr.fawaz
تجارب سائح قديم


نصائح رائعة جدآ
الف شكر و الله يعطيك الغافية
من الموبايل


ابو عبدالله الفريدي ابو عبدالله الفريدي
تجارب سائح قديم


شكرًا موضوع مفيد الله يبارك فيك
من الموبايل


الغردقاوي الغردقاوي
تجارب سائح قديم


نصائح مفيده جدا جزاك الله كل خير


turkifh2014 turkifh2014
تجارب سائح قديم


جزاك الله خير

نصائح تكتب بماء الذهب


جربت الاعتماد على النفس في اول رحلة لي على ماليزيا والحمد لله كانت موفقه


والفضل بعد الله لهذا المنتدى الجميل


tu54rki tu54rki
تجارب سائح قديم


مشكور علي النصائح الذهبية

معلومات ممتازه



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

تجارب سائح قديم