بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



jojoo_girl jojoo_girl
مطعم دكاكين الكويت
17-12-2014 - 07:44 am

السلام عليكم ورحمه الله وبركاته



من اسبوع كنت زايره مطعم دكاكين الكويت موجود بصالحيه ..



بسم الله ابدي تقريري البسيط ويارب يعجبكم



وصلنا المجمع















كانت المحلاته مسكره استغربنا وايد خفت اكون مسكر بس بعد ما سالت السيكروتي قالي المطاعم مفتوحه اهني ارتحت تطمنت علي مستقبلي لان الي معاي شادين الظهر فيني والمطعم من اختياري خفت انطق ههههه



وصلناا ( دور فيه كذا مطعم )







وهذا مطعم دكاكين الكويت





بعض من صور المطعم واشوه ماكان فيه وايد ناس واصلين مبجر فخذيت راحتي











لاحظوو السققف







اللحين مايعتوو ؟ يلا المنيوو























الصراحه ماكملت كل المنيوو لان يوعانه وكنت بركز ههههههه بس منيوهه من داخل حلو والكلام بالكويتي







السفن ولاحظو القلاص مال ايكيا القديم الي ما اتوقع بيت ماكان فيه







والماي حاطين القلاص القديم الي بررد تذكروونه







ندخل بالعميق اللحين ..



حمسه شورما لحم مع بيديان اتوقع ما اذكر بصراحه ما ذقتها بس الي كلوها يمدحونها







دولما مع فته .. الدولما غير عن ورق العنب حاليه تكون لذييييييذذه وترفه والفته بعد حلوه







شورما دياي خننه ومافيها زفرا







شيش طاووق ساندويش لذييذ وترف وطعم التتبيله والصوص وايد حلوو







كبه كانت عاديه الصراحه مو وااو ولا سيئه







بطاط مفلفل ( بطاط مع فلافل واجبان ) ماحبيته كلللش











وختامها مسك هذا الطبق اللذييذ خطير حدددده .. كان في سويت ثاني عاجبنا شكله بعد بس شبعنا حيل واحنا رايحين المطعم عشان شكل هاالسويت فطلبناه











ووصلنا للحساب حبيت الطريقه قرقشش مخباتك





الفاتوره سعرها وايد زين وطلعنا راضيين كل الرضا عن الاكل والخدمه وكل شي الصراحه وحلال كل فلس عليهم





وانا طالعه خذيت جم صوره









واحنا طالعين من المجمع بويهنا يازيييين الكويت ويازين علم بلادي







وجذي خلصت التقرير اتمنى كان شامل ووافي وما ثقلت عليكم





المشاركات

ابوحمد. ابوحمد.
مطعم دكاكين الكويت


خوش تقرير وخوش مطعم



مشكوره على التقرير


توبليرون توبليرون
مطعم دكاكين الكويت


عليكم بالعافيه
اول مره اعرف ان في مطاعم فوق
مع اني كذا مره اصعد فوق
المهم خوش مطعم وخوش طلبات عليكم بالعافيه
وتسلمين على هالتقرير المشهي


FANDA FANDA
مطعم دكاكين الكويت


عليكم بالعافية
الحلو شكله دماااار لازم نجربه


luxury luxury
مطعم دكاكين الكويت


مشكورة عالتقرير الرائع وعلى كل التفاصيل المذكورة بالتقرير ..


تحياتي


q8ya metnaqla q8ya metnaqla
مطعم دكاكين الكويت


عليكم بالعااافيه جووجوو



انا جربته بس للاسف كلش ما يازلي

الا الحلويات حتى غيبوبه ماكنت زينه على حظي نسوها بالفرن لما استوت وصارت كيكه مافيها شي سايح بس كليتها

الاناناسه وام كشه حلووين

اما الاكل ماحبيته عادي بس للعلم طلباتنا غير عن طلباتكم ف يمكن انتوا طلباتكم احلى



عليكم بالعافيه وقواج الله


فيصل فيصل
مطعم دكاكين الكويت


شكرا لك علي التقرير

يعجبني هالنوعيه من المطاعم


الايماان الايماان
مطعم دكاكين الكويت


عليكم بالعافية

عرفتينا على مكان جديد

شكرا على التقرير الرائع


ابن اسكندرية ابن اسكندرية
مطعم دكاكين الكويت


تقرير رائع و يجوع


Angel Eyes88 Angel Eyes88
مطعم دكاكين الكويت


يعطيك العافية

ممكن اسم المجمع



يمكنك فتح موضوع جديد للمناقشة او الاستفسار والمشاركة.

أبحث واحجز بأعلى خصم:
خصم يصل إلى 25%

Share

مطعم دكاكين الكويت