1. .و بدات رحلة التحري :$.

..طولت عليكم بالمقدمة ، يالله نبدا

• ،اول شي رحلتنا كانت من تاريخ 19اغسطس الى 5 سبتمبر

حجزنا عن طريق الخطوط السعودية ، دايركت الى سيؤل
3 اشخاص بالغين ، سياحي *، ذهاب و عودة> تقريبا ب 17000 ^ اكثر شي راح يكلفكم بهالرحله هو التذاكر
و حجزت الفندق عن طريق موقع بوكينج ،، صراحه فندق جميل و راقي و تعاملهم روعهاسم الفندق :*the classic 500 pentaz executive residence
،و كمان ،، بما اننا راحيين ع دولة م قد زرناها من قبل قلنا لازم ناخذ شركة سياحيةو فتحت ع موقع*visitkorea.or.kr و اخترت الشركة اللي ناسبتنيو اسمها sweetravel ,, كانو متعاونين معنا و وفروا لنا كل شي نبغاههذا موقع الشركة للي حاب يشوفه http://www.sweetravelkorea.com
اخترنا جولة من نوع freestyle tour بحث انو نقول للسواق وين يودينا و يجيبنا
و كمان اخذنا مرشدة سياحية ^ صحيح انها كبيرة سن و مرجوجة : بس لو م كانت معنا كان مصيبة
حجزناهم لمدة 14 يوم من دون يوم الوصول و يوم السفر و يوم قلت نضب اغراضنا و نتمشى بحارتنا
،
.طبعاً ابوي العزيز لازم يجي للمطار قبل الموعد المحدد بساعتين ، وفي حالة الرحلة الدولية جينا للمطار قبل الوقت ب أربع ساعات

• ربطنا الاحزمة استعدادا للانتظار *
• .و قرب موعد وصول الطيارة ،، طبعا انا لازم اراقب الطيارة و هي تنزل

قاعدة استنى طيارة السعودية ،، الا فجاة ، جت طيارة شكلها غريب ،، م قد شفتها من قبل

.و بدات رحلة التحري :$.

ورحت لبوابة ثانية عشان اشوف زين ،، طلعت طيارة الخطوط الكورية korean air*انصدمت قلت يمكن الغو رحلتنا ،، رحت سالت احد الموظفين في المطار قال هذي الطيارة اللي بتوديكم لكوريا،، قلت طيب حجزنا عن طريق الخطوط السعودية ،، قال مافيه اي اختلاف لانو كللهم عضو في sky team*
،لا تستغربون مني ^ ماعندي خبرة في الرحلات الدولية,,
،،

• -> تابع

و جاء وقت الصعود للطيارة^ انا و اختي باللحظة هذي لاحد يتجرا و يتكلم معنا ^ مو مصدقين
ركبنا الطيارة و كل واحد جلس بمقعده ^ طلبنا تكون مقاعدنا جنب بعض
.
و ع كل مقعد فيه بطانية و وسادة و بعد م تجلسون يوزعون عليكم سماعات و كيس فيه مشايات و فرشاة اسنان و معجون
.
وبعد م وزعوا الوجبة الاولى و عصاير و المبيعات ،، اخفتوا الاضاء و صار جو جميل و هادي
انا بعد اللحظة هذي طفيت جوالي و قعدت اطقطق ع الشاشة ^ تحري و حب استطلاع
.
و بعد رحلة دامت 9 ساعات ،، وصلنا و بحمدالله الى المدينة الجميلة *سيؤل
.
و دخلنا ع صالة الوصول في مطار انتشون الدولي ،، صالة راقية و هادية و انيقة ،
^ م قدرت اصور صور كثيرة لاني كنت شايلة اغراض و اتكسرت ايدي منهم
^ هذي صورة ع الطاير للصاله
.
عدينا الجوازات وبدينا نفر في المطار لحد م وصلنا لبوابة الخروج
طبعا احنا طلبنا من الفندق انهم يوفرون لنا سواق و سيارة اسم الخدمة pickup service
.
و استقبلنا السواق في المطار ^ كان كاتب اسم ابوي ع ورقة
و مشينا للفندق ^ الساعة 6:45الصبح
.
وصلنا الفندق الساعة 9:30 ^ اخذنا ساعة و خمسين دقيقة في المشوار لانو كان فيه زحمة * طبعاً انا و اختي م حسينا في الوقت لاننا نستمتع بالشوارع و المناظر الخلابة
(بحط لكم صورة من النت لبهو الفندق لاني م قدرت اصور من الاغراض )
.
و سوينا ال check-in و حاسبناهم و سيده ع الجناح لاننا تعبانين و متهالكين لابعد الحدود ,
و سحبناها نومة اليمه للساعة 6 ،، و بعدين قمنا رتبنا الاغراض وضبطنا وضعنا و نزلنا تقريبا ع الساعه 9ونص
رحت للاستقبال و سالتهم عن بقالة قريبة و صراف^ انا مترجم العيله
قالت في بقالة قريبة ع الشارع اللي جنبنا اسمها c4u و فيها صراف تشتغل 24 ساعة ^ الصراف اللي في البقالة ذي ياخذ ضريبة مع كل سحبة 3،600 ون يعني 11 ريال
،
الشارع هادي و نضيف و جميل
،
و بكذا خلصنا من اليوم الاول في سيؤل
لسى باقي صور و مواقف و احداث
بحاول اكمل الموضوع باقرب وقت ممكن
،،
ارجو عدم الرد حتى اكتمال الموضوع
و شكراً

,
بكمل لكم الموضوع ان شاء الله ، و راح نبدا باليوم الثاني

عذرا ع التاخير ،، حاليا انا اواجه مشكله في تنزيل المواضيع ،، م ادري هي المشكلة من المتصفح او من الموقع ، اذا كتبت الموضوع و خصلت و ضغطت ع حفظ و بنزلهم يعلق عندي او يطلع الكلام متشابك ^ اللي عنده حل لهالمشكله ينقذني * تعذبت *

ماشاء الله كورياا عششق متاابعتك

بسم الله الرحمن الرحيم
،
بعد م رجعنا امس من البقالة ، اكلنا شوي و نمت انا و اختي^ تقريبا ع الساعه 12
و صحينا الصبح الساعه 6 ونص ، و قلت لابوي اننا بننزل نفطر في البوفيه قال مو مشكله بس لا تتاخرون ^ الفندق يوفر افطار مجاني من الساعه 7 الى 9 ونص
،
و رحنا ع المطعم اللي فيه البوفيه و كلنا شوق و حماس ^ تخيلت شكل البوفيه زي حق فندق فيرمونت اللي بمكة
بس لما دخلت ،، انصدمت
م كان عندهم اكل كثير ،، و اغلب الاكل اللي موجود ع ذوق الكوريين ، يعني م ناسبنا
بس قلت بجرب منهم لو شي بسيط ، واخذت كروسون و زبادي بنكهة الخوخ *عشقي* و كم حبة عنب

و بعدها سحبنا ع فطورهم ،،
و بعد م خلصنا رجعنا للجناح و لسى ابوي م قام من النوم ،
بما انو الجو هادي و م فيني نوم ، قلت اصور الجناح عشان الموضوع

تابع -->

بسم الله الرحمن الرحيم
،
اطلالة جزئيه ع نهر الهان

قام والدي العزيز من النوم ، استرخى شوي و بعدين نزلنا
رحنا لبقالتنا اللي جنبنا عشان نشتري اشيائات للرحله

الجو جمييل و هادي و مغيم ^ بعدين امطرت علينا خفيف
ركبنا السيارة مع شلتنا ^ الشركة السياحية
وكان الوقت 12 الظهر ،، قال ابوي ابغى اتغدى* اكل عربي*، قلت مالك الا ايتوان
و رحنا ل ايتوان ،، فيها مطعم تركي اسم كرفان ، خطير ^ بس لاتطلبون السباغتي حقتهم ، مو حلوه ابد


السباغتي شكلها مغري لكن ،، مانصحكم فيها

راح اكمل لكم باقي اليوم الثاني ب بالبارت الثاني باذن الله
لانو فيه صور كثير و م اقدر ارفعهم مع بعض

• -> تابع

بسم الله الرحمن الرحيم
،
(تابع اليوم الثاني)
،
بعد م انتهينا من الغدا ،، قلنا بنروح لاكبر قصر ملكي بسيؤل
ركبنا لسيارة و مشينا ، وصلنا للحاره اللي فيها القصر ^ نسيت اسمها ، بس اتوقع انها السنتر لسيؤل
وقف السيارة و مشينا ع رجولنا لانو م فيه مجال ندخل بالسياره من الزحمه ^ طبعا المسبب الرئيسي للزحمة هم الصينيين انا انصدمت بهالشعب وراح اقول لكم ليش
اللي طالعة بالصورة هذي مرشدتنا المرجوجه
،
،
القصر كبير مره ^ الباص الاحمر اللي ع جنب هذا لقروبات الصينيين
،
هذي بوابة القصر ^ الحراس اللي واقفين ع جنب لما شفتهم للمره الاولى جاء ع بالي انهم مجسمات م يتحركون XD
،
دخلنا القصر و حجم ساحته كبيره مرره ، قصينا التذاكر و دخلنا ^ التذكرة تقريبا ب 3000 الى 4000 ون
،
منظر ساحر بجهة اليمين *
،
هذا قصر الملك الرئيسي ، اذا تقدرون تشوفون مجسمات الحجر الصغيرة اللي ع جنب الطريق .. هذي اماكن وقوف الجنرالات(يسار) و الوزراء(يمين)^ كل واحد مكتوب اسمة ع حجر و م يتغير مكانه
،
هذا عرش الملك ^ و عليه بعض الرسوم اللي تدل ع هذا الشيء
،
طبعا يمنع لاي شخص الدخول داخل القصر او اي مبنى تاريخي الا اذا كان من المسؤولين عن هالمكان
،
وبدينا نستكشف القصر الجميل ^.^
،
،
المكان الخلاب هذا عبارة عن *قاعة احتفالات* خاصة بالملك و الناس المهمين فقط
،
جمال ،
،
حديقة اشبة ب غابة ^ داخل القصر
،
وصلنا لجزء من القصر اللي هو مهجع للمحضيات و المطابخ و اهل زوجة الملك
،
هذي المجسمات تعبر عن السنوات الصينية اللي هي تقريبا مثل الابراج^ م اعرف عنها كثير
لكن المرشدة شرحت لي بشكل مبسط انو تشوف السنة اللي انولدت فيها عند اي مجسم من هذي المجسمات و بعدين تعرف انت غني ، ذكي ، شجاع ….الخ
^ خزعبلات^
بجنب هذي المجسمات فيه متحف بس م امدانا الوقت ف م دخلناه ^ يقفلون الساعة 6 المغرب
،
هذا عبارة عن معبد ،، *كبير حيل*
،
هذا البيت باخر القصر ،، مدري وش سالفته * بس جميل :$و بكذا خلصنا من القصر ،، البارت اللي بعده راح يكون ان شاء الله عن

• كوفي برنس coffee prince* و يمكن اشياء ثانية

تابع ->

ماشاء الله تقرير رائع .... متابعين