ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
الشنفرى1
10-12-2022 - 09:48 am
السلام عليكم
يا اخوان انا معلم ومرتبط باجازات رسمية وودي اسافر في إحدى الإجازتين
يا : 25 / 3 ه
او : 25 /5 ه
بالهجري طبعًا 1436
اي الاوقات يكون الجو في ماليزيا افضل ليس حارًا ؟
وهل تنصحوني بشركات سياحية معينة
او اقوم بحجز الفنادق بنفسي وباقي برامج السياحة اقوم بها من هناك ؟
وهل يتوفر هناك مكاتب سياحية عربية ؟
لكم التقدير سلفًا
/


التعليقات (9)
kazami
kazami
يااستاذنا الجو في مليزيا يكون اغلب السنة ثابت حار ورطب. مع تغير بسيط عند نزول الامطار تخف الحرارة.وتواريخك الاثنين حسب معرفتي تقع خارج موسم الامطار. لان الامطار تقريبا اغسطس سبتمبر واكتوبر الى بداية السنة الميلادية الجديدة.
لكن حاول تبحث عن جدول اجازات ماليزيا وتختار موعد يكون مافيه اعياد لهم او اجازات لهم او للصينين. وسبق وشفت جدول قبل فتره.
فالبعد عن الزحمة يوفر لك اسعار روعه.واستمتاع على طول المده.
اعداد الخطة لماليزيا كامله بجدولها وتكاليفها وحجوزاتها والله يسير وسهل والمنتدى بيفيدك ونحن ف يخدمتك ..اقرا واسال ونسق
واكتب الاسعار وسو جدول مبداي ثم اذهب به الى مكتب واطلب منهم نفس الجدول وشوف الفرق وقارن واحكم.
كازامي

الشنفرى1
الشنفرى1
لك الشكر والتقدير كازامي
سؤال آخر
رحلتي ستكون لمدة 7 ايام فقط
اريد اقتصرها على ثلاثة مدن
ماذا تنصحوني ؟

kazami
kazami
ماودي احطمك بس سبع ايام وتدفع تذاكر بالاف ..اشوفها غير مناسبة.وش رايك تحول على ديرة قريبه بحيث التذاكر ارخص وبتكون مدتك اطول لان الطيران ماراح ياخذ يوم كامل مثل ماليزيا خلك في صلاله اودبي.
7ايام ماتنقسم على ثلاثه واثنين كذلك صعبه.
خلك في كوالا ومحيطها .يسير يومين سلانقور وخمسة كوالا(يوم افموسا-ويوم حنتق-ويوم اسواق-ويوم شلال تمبلر وو.. وبدون تنقلات للمدن الثانيه..هذا رايي وسلامتك
كازامي

الشنفرى1
الشنفرى1
يا رجال تكفي وزود
دبي اروحها يومين وارجع ملل
طبعي ملول
جلست بتركيا 10 ايام كرهت نفسي اليوم الخامس

mazoo38
mazoo38
ماقصر كازامي مستحيل تروح جزر عشان المده قصيره خلك في كوالالمبور وفلها بس شوف لك منتجع الصن واي 3 الايام الاولى والباقي في التريدرز ولا ف شارع العرب ،،،
بس صدقني اي واحد بيسافر وهو ماهو ماخذ فكره انه بيغير جو ويفلها ويبتعد عن اجواء الدوام والزحمه والروتين الممل بيطفش بأول يوم عشان كذا مليت في تركيا ههه الله يوفقك

وله النسيان 1
وله النسيان 1
انصحك تحجز بنفسك الفنادق والطيران
وتاخذ فكره عن كل الأماكن في المدن الي بتروح لها
مثلا في جوالك سو البوم صور لكل منطقه واحفظ فيها المناطق السياحيه والجداول الي ماقصرو الأعضاء الي منزلينها بهاالمنتدى
باالنسبه لأيامك كافيه لاتشيل هم =)
لان انا وزوجي ع طول نمل والسبب انو من اول مانصحى نشطب ع كل الأماكن السياحيه ونخلصها بيوم ههه
لذلك انصحك بهاالجدول
2 سيلانجور
2لنكاوي
3كوالالمبور

mazoo38
mazoo38
ههه ماشاءالله عليكم تشطبونها بأول يوم بتملون كذا بصراحه انا ماحب الجزر والهدوء انا احب صخب كوالا والسهر والكفيهات الليلية لها طعم في كوالا

الشنفرى1
الشنفرى1
مشكور الله يسعدك
ما قصرت
كوالا لمبور كافي عليها يوم مافيها شيء كأني في العليا

الشنفرى1
الشنفرى1
مشكورة ما قصرتي
الله يهنيكم


خصم يصل إلى 25%