بو حسن 83
08-12-2022 - 09:47 pm
السلام عليكم
1) انا عجبني نوع فيلا رفيعة المستوى مع بركة سباحة اذا فيه افضل بلغوني
2) شلونه من ناحيه النظافه و الحمام فيه شطاف ولا ؟
3) تنصحوني جم ليله اقعد فييه ؟ انا ناوي احجز فه ليلتين
4) قريب منه مولات ومطاعم ولا معزول يعني طول الوقت في المنتجع واكل من اكلهم ؟
5) جم يبعد عن افاموسا لاني ناوي احجزه اول ما اوصل ماليزيا اريح فيه اول ليله وثاني يوم رحله حق افاموسا وبعدها ارد المنتجع
6) جم المسافه بين مطار اسيا اير و المنتجع ؟
وشكرا مقدما
وكلما كانت الفله افخم كان المسبح اروع واكبر. وعندك في خيار ثاني في سلانقور اللي هي فلل صن واي اسمها ذافييلاز
طبعا هي اجمل من فندق ليكسز في الموقع لان موقها قريب من الخدمات والملاهي المائية والمطاعم والسوق لكن مااتوقع انها افخم.
https://www.booking.com/hotel/my/the-villas.ar.html?aid=1300939
2) شلونه من ناحيه النظافه و الحمام فيه شطاف ولا ؟
مادام انه فندق بهذي الفخامة والسمعة فبتكون النظافة تب. الشطاف ماعندي عنه علم وبالامكان تدخل بوكنق وهوتلز واجودا وتقرا التعليقات لزوار
ومن خلالها بتعرف قدر النظافة والشطافات وغيرها.
3) تنصحوني جم ليله اقعد فييه ؟ انا ناوي احجز فه ليلتين
انصحك تقعد فيه يومين بالكثير وتخليها اول البرنامج او اخر البرنامج يعني ختامية للرحلة وهذا الافضل.
4) قريب منه مولات ومطاعم ولا معزول يعني طول الوقت في المنتجع واكل من اكلهم ؟
مماسمعناها انه بورت ديكسون كلها قرية ريفية شاطئية يعني الخدمات ماهي بذيك القوة والجوده.
لكن الفندق يغنيك عن المطاعم .
5) جم يبعد عن افاموسا لاني ناوي احجزه اول ما اوصل ماليزيا اريح فيه اول ليله وثاني يوم رحله حق افاموسا وبعدها ارد المنتجع ؟
6) جم المسافه بين مطار اسيا اير و المنتجع ؟
طبعا بعد بورت ديكسون عن مطار ايراسيا هو تقريبا نفس بعده عن المطار الدولي. لان المططار الدولي ومطار ايرااسيا متجاورين..
يمكن يفرق معك فقط كم كيلو لانك بتتعدى المطار الدولي وكانك متجه كوالا ويجيك المطار الداخلي.
اتمنى اكون افدتك اوقدمت اجابات شافيه لجل تساؤولاتك وبقية الاعضاء يفيدونك اكثر.
كازامي