جينيف المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
مقدام
17-12-2022 - 09:21 pm
بسم الله الرحمن الرحيم
خوانق وشلالات وادي دورناند صنفت من بين العشرة الأكثر جمالا في أوروبا ,
الخوانق فيها 14 شلال تصعد لها بالسلالم والممرات والاروقة الضيقة
وتقع في اقليم فاليز وتبعد عن مدينة جنيف 134 كم مدينة مونترو 51 كم وعن مدينة سيون 34 كم
زرتها الشهر الماضي اثناء سكني في اقليم فاليز وبالتحديد في قرية leytron وفي نفس اليوم زرت شلال بسفاش وحديقة المتاهات Labyrinthe Aventure
وهذا كان خط سيري

البداية كانت بخوانق وشلالات دروناند Gorges du Durand
واحداثياتها N 46° 04.186 E 007° 04.299

وهذا موقع الخوانق على النت
http://www.gorgesdudurnand.ch/
سعر الدخول للخوانق والشلالات 8 فرنك للكبار وللصغار 5 فرنك
ويوجد كوفي مقابل بوابة الدخول ومنه تشترون التذاكر

الصعود للخوانق و الشلالات يكون عن طريق ممرات وسلالم بتشوفون صورها
وتقريبا الوقت للوصول للاعلى نصف ساعه وتحتاجون شوية لياقة للصعود
والمناظر كانت روعه وبتلقون مجموعه من الشلالات واللي مجموعها 14 شلال
وهذي صورة لخريطة عند البوابة توضح طريق الصعود واللي قلت انه يحتاج نصف ساعه تقريبا
وممكن النزول من نفس الطريق او عن طريق الغابة لمن يريد ولكن طريق الغابة شوي اطول

وهذي مجموعه من الصور ,, والصور كلها من الايفون
صور للمواقف

وهذي صور للخوانق وشلالاتها

وضعت لكم عدد لاباس به من الصور لاني مالقيت تقارير عن هذه المنطقة وعن الخوانق
واتمنى ان تعجبكم ان شاء الله
وهذا فيديو على اليوتيوب من تصويري
&"img-responsive" src=" " >
واحداثيات المطعم
N 46° 05.333 E 007° 03.641
>>>>> يتبع


التعليقات (9)
مقدام
مقدام
بعد ما تغدينا في المطعم
رحنا لشلال بسفاش Pissevache
واحداثياته N 46° 08.662 E 007° 01.841
والوصول له سهل من المواقف ويبعد عن المواقف تقريبا 200 متر
والشلال يبعد عن مونترو 35 كم وعن لوزان 62 كم
والدخول له مجانا واعتقد انه ممكن زيارته في اي وقت
صورة من مواقف السيارات

وهذي بعض الصور للشلال

وهذا فيديو من تصويري
https://www.youtube.com/watch?v=P2Muh4-4r38
وقعدنا فيها الى الساعه 6 المساء
وهذي احداثياتها
N 46° 09.914 E 007° 01.765
وهذي بعض الصور
وبعد هذي الجولة رجعنا الى قريتنا ليترون
وهذي صورة من شقتنا اهداء لكم

واتمنى ان ينال التقرير رضاكم
وتقبلوا تحياتي >>>> مقدام

مقدام
مقدام
جولتي في اقليم فاليز وبرنامج رحلاتي فيه لمدة اسبوع بيكون له تقرير اخر ومنفصل
وايضا بتكون هناك معلومات عن الشقة اللي سكنت فيها وبعض الصور لها
وانتظروني لين ما احمل الصور واكتب التقرير

Usas
Usas
ماشاء الله منظر الشلالات خيالي
اتوقع صعود السلالم متعب للكبار
يعطيك العافية على المعلومات والصور

oceanus
oceanus
ماشاء الله تبارك الله
دائما معك يامقدام نكتشف شي جديد في سويسرا
تقول متعب في الصعود .. طيب اللي معاه اطفال ؟
شكرا لك على الموضوع.. وفي انتظار القادم

مقدام
مقدام
Usas
مراقبنا وخبيرنا Usas شرفتني بمرورك الكريم
والله يعافيك ان شاء الله
والصعود بيكون متعب لكبار السن لان الطريق كله سلالم وصعود

q8ya metnaqla
q8ya metnaqla
ماشاءالله الخوانق والشلالات شي اينن
وخصوصا الفيديوهات
قواك الله مقدام
الخوانق صعود نص ساعه دري ؟؟ من صجك ؟؟ مافي اقل يعني اذا نص ساعه يبيلي كمام يمشي معاي
الله المستعان بشوف القروب اللي معي اذا ساعدوني بجرب واذا ماساعدوني بتم على الشلال وامري لله

مقدام
مقدام
oceanus
العفو مراقبنا القدير oceanus
وشرفتني بمرورك الكريم والعفو ,,
وسويسرا رغم صغر مساحتها اللا انها فيها الكثير من الاماكن السياحية الجميلة
واللي ممكن اننا ما اكتشفناها الى الان
الصعود صعب ومرهق شوي ولكنه ممتع وكل ما تطلع اكثر تلقى شلالات مختلفة
صعدت للخوانق وشلالاته ومعاي زوجتي واولادي واعمارهم 9 سنوات و7 سنوات
وطفلتي الصغيرة رجعتها من ثلث الطريق مع الشغالة لما حسيت بخطورة الطريق عليها
لان البداية كانت سهلة شوي

مقدام
مقدام
q8ya metnaqla
المشرفة q8ya metnaqla
الله يقويج ان شاء الله
وشرفتيني بمرورك
الصعود ممتع والمناظر روعه كل ما ارتفعتوا وممكن توصلون الى نص الطريق عند الجسر الصغير وترجعون اذا
حسيتوا بالتعب ,, وزيارة الخوانق وشلالاته ما تتفوت اذا كنتوا قريب عليه

ابو طلال*
ابو طلال*
مبدع ابو شيهانهومايميز موقعه انه قريب من لوزان نوعأ"ماء
وبحيره جنيف للى معه سياره
اتحفتنا بتقريرك وتصويرك
وجديدك
تقبل ودي واحترامي


خصم يصل إلى 25%