بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



عشقي جنوني عشقي جنوني
تقرير رحلتي الى اورلاندو ونيويورك شامل كل شيء
17-12-2014 - 01:29 am

بسم الله والصلاة والسلام على رسولنا وحبيبنا محمد عليه
افضل الصلوات واتم التسليم وعلى صحابته الكرام اجمعين.

اما بعد: في بداية التقرير احب اشكر اخوي ابوسعود واختي Huda o_o

لانهم بعد الله سبحانه وتعالى

كان لهم فضل كبير علي بسبب تقاريرهم المميزه حقيقة من جميع النواحي في سفرتي


تقريري اللي بطرحه اليوم وقاعد اشتغل عليه اتمنى يكون شافي وكافي
لاستفسارتكم.

التقرير راح يشمل التالي:

الوجهات
الخطوط الداخليه والخارجيه
التسوق
المطاعم
استئجار السياره
ومدة الاقامه
وفي نهاية التقرير راح اكتب تكلفة السفر من الف الى ياء


معلومات الرحله:
المسافرين / 2
الخطوط الخارجيه:
الطيران الاماراتي
الخطوط الداخليه:
دلتا
مدة الرحله:
18 يوم
اورلاندو14 يوم
نيويورك 4 ايام
.................................................. .....................

طبعا جهزنا الشناط ورتبنا كل شيء وكان موعد رحلتنا

6 اغسطس الساعه 6:00 المغرب



في مطار الملك فهد الدولي بالدمام



الرحله من الدمام الى دبي
مدة الرحله ساعتين وربع تقريبا
دبي ترانزيت6 ساعات


ثم الى نيويورك ترانزيت 6 ساعات

مدة الرحله 13 ساعه

ثم الى اورلاندو الحلم المنتظر



انتظروني في الجزء القادم






المشاركات

الإكوادوري الإكوادوري
تقرير رحلتي الى اورلاندو ونيويورك شامل كل شيء


بداية موفقة وسجلني من المتابعين


عشقي جنوني عشقي جنوني
تقرير رحلتي الى اورلاندو ونيويورك شامل كل شيء



وصلنا مطار دبي الدولي حقيقه مطار يفتح النفس من نظافه واسواق ومطاعم وكل شيء


قلنا دام الترانزيت 6 ساعات خلنا نتمشى ونشوف لنا مكان نحتسي القهوه الساخنه

والله نلقى ستاربكس قلت مافي الاهو اللي يخلي الواحد يصحصح لاني انا سهران من يوم كله حماس للسفره ههههههههه

جلسنا وسولفنا ودردشنا على الجوالات تمشينا نبي الوقت يضيع وشويه

نسمع الصوت اللي يرد الروح

تم اعلان الرحله المتوجهه الى نيويورك حانت اللحظه المنتظره

والله ونروح عند بوابتنا طبعا حنا قصينا البوردنق من الدمام



ونركب الطياره كل اللي كنت افكر فيه وشايل همه

ان اللي قدامي مايكونون عائله ومعهم اطفال لان الاطفال

كلمتين توصفهم قلق وازعاج

لاني من جد ابي ارتاح فيني كمية نوم مش طبيعيه

طبعا اقلعت الطياره و الحمدلله كان قدامي شباب موعائله

وشويات جابو العشاء اللي يفتح النفس



الحمدلله تعشيت


وشغلت الشاشه علشان اتابع الافلام الموجوده حقيقه شيء ادهشني


كل شيء تبيه من افلام ومسلسلات اجنبيه ام خليجيه موجوده

كنت اتابع فلم وشويه اثار التعب والسهر بانت علي

وتم التقاط هالصوره




انا ماتوقعت انام في الطياره بس يوم دريت ان 14 ساعه قلت مافي

الا اني اجي سهران علشان ماحس بالوقت

المهم ماعلينا نمت نومه خورافيه

صحيت واطالع الشاشه الا باقي كم ساعه ونوصل نيويورك



طبعا وزعوا علينا كروت الجمارك قبل تنزل تعبيها عاد

الاسئله اللي اتذكرها

معك نقود فوق 10 الاف دولار او تملك اشياء نباتيه ناوي تبيعها او سائله

اسمك رقم جوازك عدد الاشخاص وهكذا

طبعا الحمدلله والشكر له هبطت الطياره في مطار jfk


للمعلوميه الورقه اللي يعطونك اياها تبرزها عند موظف الجمارك

واسئلته:
ليش جاي
كم يوم بتقعد
اول مره تجي امريكا
وتبصم وياخذ الورقه والجواز
ثم يقول لك اهلا وسهلا

خلصنا من الجمارك اول ماتطلع من الجمارك قدامك بوابه تدخل تلقى

صاله الامتعه قدامك واذا تبي تشوف اي مسار حقائبك فيه

تلقى في كل مكان شاشه صغيره تبين رقم الرحله ورقم المسار اللي فيها الحقائب

اخذنا الحقائب واول ماتاخذها قدامك الجوازات اتوقع يعني ماتضيع

واجراءتهم سهله وواضحه ومافيها اي تعقيد شاف الجوازات ومشينا

وقلت خلنا نروح نسوي تشيك ان للحقائب سوينا تشيك ان لاورلاندو

طبعا تدرون بنقعد في مطار jfk ساعات6 قلنا خلنا ندور محل حق

شرائح الجوال والله لقيت واحد بس حقيقه مانصح فيها اللي بيشتري

يشتري من محلات اللي برى الاسباب اول شيء السعر

ثانيا اللي خذيتها شريحه فاشله بالعربي انضحك علي

وهاذي صورتها



اذا بتاخذ قوله ابي اتصال غير محدود مع نت ورسائل

رحت كلمت اهلي اني وصلت سالم

الاشياء اللي عجبتني بالمطار انك تقدر تشحن جوالك يعني ماتخاف

عند كل بوابه في اماكن للشحن الجوالات



وهاذي كانت بوابتنا لاورلاندو




انتظروا تقرير وصولي لمدينة الاحلام


ابواحمد101 ابواحمد101
تقرير رحلتي الى اورلاندو ونيويورك شامل كل شيء


ماشاء الله عليك
واصل ونحن معك متابعين


FANDA FANDA
تقرير رحلتي الى اورلاندو ونيويورك شامل كل شيء


بدايه مرتبه للتقرير
ناطرين باقي التفاصيل


ابوسلمــان ابوسلمــان
تقرير رحلتي الى اورلاندو ونيويورك شامل كل شيء


تسلم على التقرير
ولازلنا ننتظر البقيه
واتوقع ان رحلتك مثيره ولا تخلو من المفاجات



عشقي جنوني عشقي جنوني
تقرير رحلتي الى اورلاندو ونيويورك شامل كل شيء


ورجعنا لكم معليش على التاخير بس تعرفون التقرير يحتاج صور + ترتيب وانا والله ارتبها علشان يكون التقرير في احسن صورة

>>>>> ايه وين وصلنا ايه صح كنا ننتظر طيارتنا في مطار jfk عاد

مطار نيويورك كبيرفقلت نكون عند بوابتنا من البدايه وانا اصلا حقيقه

تعبت من كثر ترانزيت وكل ترانزيت 6 ساعات بس كل شيء يهون لاجل الحلم

شويات واعلنوا رحلتنا الى اورلاندو طبعا من نيويورك الى اورلاندو



كانت الطياره جت بلو jetblue مدة الرحله ساعتين



والحمدلله اقلعت الطياره وبعد نص ساعه تقريبا تم توزيع بطاطس

وبسكوت واشياء خفيفه مجانا على جميع الركاب والله نستاهل ههههههههههه



المهم ياحبايبي هبطت طيارتنا الصغيره في ارض الاحلام وانا كنت

شايل هم شيء واحد وراح اقولكم بس خلنا نستلم الشنط اول شيء




راح اقولكم والله بس اصبروا المهم نزلنا رحنا نستلم الشنط استلمناها

ورحت ادور مكاتب تاجير السيارات طبعا انا استاجرت سيارة aveo

حلوه واقتصاديه في البنزين كما معروف البنزين غالي عندهم المهم

مع السؤال واللوحات ان شاء الله ماتضيع مكانهم تلقى جميع الشركات في الدور الارضي

رحت دورت الشركه اللي انا مستاجر منها السياره حقيقه الشركه ذي


سمعت عنها كلام انها غير متساهله في اشياء


بس نصيحه من اخوكم لاتاخذ كلام المنتديات كله اخذ اللي يعجبك واللي

مايعجبك خله لان في بعض المنتديات والمنتدى العرب المسافرون بريء

منهم في منتديات كثيره تشوف واحد يقول لك السواقه صعبه والقوانين في امريكا مستحيله



انا لو مشيت على كلامهم ماستاجرت سياره اصلا يمكن ماسافر

جد والله بس الحمدلله شفت هالمنتدى وبارك الله في من اقام عليه



لاني لولا الله ثم التقارير اللي اتمنى تقريري يكون بجانبهم ماسافرت

ولاقدرت اخطط يمكن صح اسافر بس بصرف مبالغ طائله كانت

المفروض تكون هي مبالغ قليله وراح تجيكم ياحبايبي الامثله

في التقرير معليش كثرت كلام بس احبكم ماحبه لنفسي

نرجع لمحور حديثنا السياره من شركة

dollar دولار

نوعها:
aveo economy

مدة الاستئجار:
14 يوم




التكلفه بالسعودي 1400 + 1312 حق العمر وراح اشرحها ان شاءلله

+ 489 تامين واذا رجعت السياره ترجع لك في حسابك بعد 24 ساعه

العمر اذا كان تحت 25 سنه ياخذون عليه 25 دولار يوميا واذا كان من

18 ياخذون عليه تقريبا 45 دولار ان شاء لله اكون ماغلطت

عاد ارجعوا للشركات وشوفوا النظام حقهم وكل شركه تختلف عن شركه من حيث الضريبه حقت العمر

المهم فلسفتي كثيره معليش تحملوني حبايبي, تذكرون في اعلى التقرير اني


كنت شايل هم حاجه الحاجه هي بطاقتي انا معي بطاقة فيزا الراجحي>> مسبقة الدفع

اللي تكون فاضيه وانا احط المبلغ اللي انا ابيه هاذي هي الشعب كله

يقولون الشركات التاجير ماتقبلها وترفضها ومن هالكلام دخلت موقع الشركه نفسها



صحيح مايقبلون مسبقة الدفع بس شفت ناس مشت معهم لان نفس الشركه

ماتدري عنها هي مسبقة الدفع ولا هي credit card


بعض الاشخاص قالوا لي حط فيها مبلغ دبل سعر التاجير يعني 300خلها 6000 قلت ان شاء لله مو صاير شيء

جيت المكتب وعطيتهم الفاوتشر وفيها اوراق تاكيد الحجز اللي ارسلوه

على ايميلي المهم عطيت الموظف النظره تكفى لاتقول البطاقه مرفوضه


وعطاني الموظف النظره وقال للاسف بطاقتك مقبووووله هههههههههههههههه خفتوا مثلي صح

قال لي الموظف هذا الايصال وسحبنا منك مبلغ حق التامين اذا رجعت

السياره راح ترجع دايركت في حسابك قلت اوكيه وين استلم السياره اللحين


قال البوابه اللي خلفك اطلع منها وتشوف المواقف التحتيه امامك وفي لوحات انت اتبع لوحة اسم الشركه

رحت ومشيت كل شركه لها سهم وتمشي مع السهم لما تلقى مثل الغرفه


الصغيره وعليها اسم الشركه اللي مستاجر منها طبعا تعطيه الاوراق

ويعلمك وين سيارتك فيه رحت وكل موقف مكتوب عليها لوحات يعني اذا




سيارتك اقتصاديه بيكتب economy واذا سيارتك صغيره تكتب mini

طبعا توصل بيكون في رجال بيقولك اختار اي لون
طبعا اهم شيء

السياره اللون مش مهم بالنسبه لي المهم واحط شناطي ولا اسمع رعد

وامطار غزيره قلت عز الله ماوصلنا الفندق
المهم شغلت القارمن مو

راضي يستقبل اشاره قلت يابوي مو وقتك اشتغل الزبده ماشتغل الا يوم
مسكت الطريق


المهم رحت كلمت حق اللي ياخذ رخصتك ويسوي لها سكان هذا الشخص


قبل ماتطلع سيارتك بتشوفه وكذا قلت ابي شارع الانترناشيونال درايف

والله ماقصر وصف لي اياه وتوكلت على الله









انتظروني في الجزء القادم






qatarlands qatarlands
تقرير رحلتي الى اورلاندو ونيويورك شامل كل شيء


تقرير جميل يعطيك العافيه

ومتشوقين للتكمله

عندي سؤال كم خذيت تذكرة الطيران الداخلي


vip_temaa vip_temaa
تقرير رحلتي الى اورلاندو ونيويورك شامل كل شيء


الرحلة شبابية والا عائلية


فيصل فيصل
تقرير رحلتي الى اورلاندو ونيويورك شامل كل شيء


الحمدلله علي السلامه
ما قصرت يا بطل علي هالمقدمه والتفاصيل
ان شاء الله بيستفيد منه الاعضاء
ومشاركتك لنا شيء تشكر عليه



يمكنك فتح موضوع جديد للمناقشة او الاستفسار والمشاركة.


Share

تقرير رحلتي الى اورلاندو ونيويورك شامل كل شيء