بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



القطري القطري
Electronic visa waiver او الي يختصرونها evw ..انقل لكم تجربتنا للفايده
15-12-2014 - 08:04 pm

السلام عليكم ورحمة الله وبركاته

هلا وغلا الغالين



حبيت انقل لكم تجربتي مع الفيزا الجديده ELECTRONIC VISA WAIVER او EVWحسب الاختصار المنتشر لها ..عشان اتعم الفائده وراح اذكرها بشكل نقاط للتسهيل وفي الاخير بعض الملاحظات من خلال تجربتنا معهم لتعم الفايده ..واول شي اتسوي لك حساب في الموقع الرسمي الي هو



وماراح تقدرون اتسوون فيزا لين اتسجلون في الموقع.


الحين مع اهم النقاط الي ايجهزها الواحد وهي كالتالي :

1- الجواز: راح يطلبون المعلومات الاعتياديه من الجواز مثل الاسم ورقم الجواز وتاريخ الميلاد وتاريخ الصدور والانتهاء ولاااااااازم الاسم الي في الجواز ينكتب نفسه بالضبط في الفيزا ولا ماراح تدخل.
2- الرحله: مطلوب تفاصيل الرحله كاااااملة مثل تاريخ السفر ورقم الرحله ووقت الرحله من بلادك ووقت الوصول لبريطانيا.
3- الفيزا: بعد مااتعبي كل شي لازم اتوقع على الفورم وعشان انتأكد ان كل شي اوكي تطلع لنا كتابه COMPLETE
4- اطبع الفيزا وخلها معك لانهم بياخذونها منكم اذا وصلتوا بريطانيا ان شاءالله.
5- في حالة المغادره من بريطانيا مهب لازم تاخذون معكم الفيزا لانهم مااطلبوها منا ولا حتى اسألونا خير شر.
6- اذا حبيت اتقدم على فيزا ثانيه من نفس النوع لازم تنتظر 3 شهور.
7- اذا كتبت معلومه غلط متعلقه بالجواز تقدر اتعدل على نفس الفيزا مثل تاريخ الميلاد او رقم الجواز...الخ ، ولكن وركزوا على ولكن اذا صار تغيير في الطيران لازم اتقدم فيزا جديده وتبدا من جديد

الملاحظات من خلال تجربتنا الاولى وهي الكالتالي :


· فيزة واحد من عيالي كنت كاتب تاريخ صدور الجواز غلط ولما سوينا تشيك ان في مطار الدوحه ماانتبهوا ولما جينا بنركب الطياره عشان انطير على بريطانيا الموظفه اكتشفت الخطأ وقالت اذا ماسافر اولدك بتكملون ولا ! قلت كلنا بنقعد وماراح انسافر، فقالت لان الفيزا فيها خطأ ولازم انكلم الجوازات البريطانيه وبنشوف اذا يسمحون ولا ولا! وفعلا كلموا الجوازات المره الاولى وماردوا وارجعوا كلموهم مره ثانيه وردوا وقالوا عادي اذا كان في تاريخ صدور الجواز بس، وهذا ايدل على انه فيهم مرونه على الرغم انها مهب من عوايدهم.
· الفيزا بدون رسوم واتسويها وانت تشرب قهوه في بيتك وانت مرتاح وتقدر تشتغل عليها اي وقت واهم شي قبل السفر بيومين.
· اذا سويتوا الفيزا هذي مايحتاج اتعبون كرت الطياره الي ايوزعونه لاني عبيته ولكن قالي الموظف مانحتاجه دام انك جايب لنا الفيزا الالكترونيه.
· خلوكم حرصين وانتوا اتعبون البيانات نفس ماذكرت فوق.
· لا اتقيدون بتاريخ الرجعه لان عيالي كنت حاجز لهم تاريخ معين ولكن رجعتهم في تاريخ قبل الي كتبته في الفيزا ومحد سأل وهم اصلا مايهتمون فيها لأن اهم شي عندهم تاريخ الوصول.


في الاخير خدمه تشكر عليها الحكومه البريطانيه لانها وفرت علينا الوقت والمال.
تحياتي





المشاركات

توبليرون توبليرون
Electronic visa waiver او الي يختصرونها evw ..انقل لكم تجربتنا للفايده


ما شاءالله
عليكم بالعافية سهولة الأجراءات
طيب احنا متى نقدر نسوي جذيه ؟؟


القطري القطري
Electronic visa waiver او الي يختصرونها evw ..انقل لكم تجربتنا للفايده


الله ايعافيس اختي ام حسين والفال لكم ان شاءالله

حاليا للاسف متوفره لقطر وعمان والامارات بس ..


محمد الشكري محمد الشكري
Electronic visa waiver او الي يختصرونها evw ..انقل لكم تجربتنا للفايده


وأزيد على كلامك

الحرص كل على الحرص على المعلومات الصحيحة خاصة مدينة الاقلاع

أنا كان عندي رحلة من الدمام إلى اسطنبول إلى أدنبره

حطيت مدينة الاقلاع الدمام لأنه الي معاي الله يهديه قالي الترانزيت ما عليك منه

لكن قبل اقلاع الطيارة رفضوا دخولي للطائرة بحجة انه بلد الاقلاع غير صحيح

اضطريت اني اقعد يومين باسطنبول بعدين اسافر (( لازم تسوي الفيزا قبل الرحلة بيومين على الأقل ))

حتى لما عدلتها لاحظت انهم يدققون كثير على هذا الموضوع لكن حمدلله مشت اموري


ويعطيك العافية على الشرح الرائع


راهية دوم راهية دوم
Electronic visa waiver او الي يختصرونها evw ..انقل لكم تجربتنا للفايده


مرحبا .....
طيب ليش هاي الفيزا الالكترونية ؟؟؟؟ مو على أساس ألغوا الفيزا عن الاماراتيين ؟؟؟

ولا القصد الغاء الاجراءات السابقة من مقابله وغيره بس؟؟

ابصراحه لولا موضوعك ماعرفت انه لازم انسوي هالاجراءات ,, ولو نوينا انسافر بريطانيا أكيد كنا اتوهقنا

شكرا لك يالقطري على كل ماهو مفيد وجديد .




يمكنك فتح موضوع جديد للمناقشة او الاستفسار والمشاركة.

أبحث واحجز بأعلى خصم:
خصم يصل إلى 25%

Share

Electronic visa waiver او الي يختصرونها evw ..انقل لكم تجربتنا للفايده