2. حط في بالك يوتيرن من فوق الجسر وارجع ما فيه ... الطرق عذاب


3. طيب الحل ؟

السلام عليكم ورحمة الله وبركاته
مالي بكتابة المواضيع .. لكن وبما أن هذي رحلتي الثانية لدبي سأكتب فقط ملاحظاتي لأن دبي ما شاء الله تبارك الله الكل يمدح ويثني وهي تستاهل لذلك سأكتب عن الأشياء اللي اتعبتني لعل الآخرين يستفيدون ..
الملاحظة الأولى .. دبي ما لها علاقة فيها ولا تتحمل وزرها ولكن احب ذكرها للفائدة
الرحلة كانت اسبوع تقريبا وسكنت في لي رويال مرديان فندق رائع لكن أذكر اني حجزت شقتين ولما وصلت لقيتهم غرفتين خ ..
قالوا أصلا ما عندنا شقق بهالفندق لكن عندنا فندق ثاني فيه شقق اذا تبي نحولك عليه .. قلت لهم في غسالة ؟
قالوا لا ..
قلت لا أنا أهم شي عندي الغسالة ( نفسيا غسيل الفنادق لا أحبذه )
وما غيرت شي لأن الغرفة اللي كانت شقة على البحر والمنظر جد رائع ..

أهم سلبية هناك الطرق والشوارع للي يبي يستخدم سيارته الخاصة مثلي أو يستأجر سيارة ..
اللي متعودين هنا انه اذا لخبط في الشوارع وخرج من مخرج غلط انه الامر عادي ويقدر يرجع ويعدل المسار بسهوله .. أقوله هناك في دبي انسى هالشي ... المخرج هناك لما تطلع منه يتفرع فرعين وأي فرع تختاره رح يتفرع فرعين وهكذا كل فرع يرميك لشوارع وأحياء أبعد وتبتلش بالرجعه وتقضي معظم نهارك وانت تحاول ترجع .. وترجع للفندق وهي قافله معك وهونت عن الشي اللي كنت اصلا طلعت علشانه ههه

حط في بالك يوتيرن من فوق الجسر وارجع ما فيه ... الطرق عذاب

طيب الحل ؟

في رحلتي الأولى قبل سنتين يضيع يومي وأنا ضايع بين الشوارع والأحياء .. فاضطريت استخدام التكاسي .. اما هذي المرة استعملت خرائط قوقل ماب عن طريق الآيباد ما عندي قارمن والايباد يؤدي الغرض والأمور تيسرت بفضل الله .. بس أحدد موقعي والموقع اللي سأتجه له واترك الباقي على الجهاز ..

الملاحظة الثانية
محطات الوقود شغلتها شغله توجد بالقطارة وهي نادرة وعلى الطرق الرئيسة فقط .. ومهوب أي طريق رئيسي لازم طريق رسمي حتى الشوارع التجارية لا تجدها .. هنا بين كل محطة ومحطه محطه ..

للي يسافر لدبي عن طريق البر :
لما ترجع للسعودية.. وتكون في طريق دبي الغويفات لازم تنتبه : الطريق يدخل فيك دبي وينفصل عن الطريق الرئيس المتجه للسعودية ..
في كل الطريق لايوجد الا لوحة واحدة على الطريق تخبرك باتجاه السعودية اذا فوتها ( زي ما حصل معي المرة الماضية ) خلاص بتقعد تدوج لحد ما تقدر تطلع ثانية باتجاه السعودية ..
لايوجد أي اشارة للسعودية في وسط دبي .. مع انك لما تكون بالسعودية اللوحات على الطرق البرية تنبهك الى قطر والامارات طوال الطريق منذ خروجك من الرياض باتجاه الدمام أو حتى عند الهفوف أو بعد المنفذ الحدودي للسعودية مع قطر ( سلوى )
اذا كنت ذهاب من الغويفات لدبي ما عندك مشكلة الطريق سيدا حتى تدخل دبي .. لكن العكس لا فتتفاجأ انك في وسط ابوظبي وغاردت الطريق اذا لم تكن شديد الملاحظة
هذا اللي اذكره الحين واذا تذكرت شي اضفته ..