بريطانيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ابو حميد العنزي
14-12-2022 - 12:13 am
السلام عليكم ورحمة الله وبركاته
بعد الحصول على تاشيرة بريطانيا وشنغن والسفر إلى بريطانيا وشنغن احببت أن اخوض تجربة السياحة في أمريكا
واليوم تقدمت بطلب التاشيرة الأمريكية وكانت الاجراءات جداً سهله وغير معقدة واخلاق الموظفين رائعه والنفسية طيبة
وبعد الانتهاء قالت يور ركويست ابروفد يو ول رسيف مسج اون يور موبايل ويذين فايف دايز تو كوللكت يور باسبورت فروم ارامكس
يعني طلبك تمت الموافقة عليه وراح تجيك رساله خلال خمسة ايام القادمة على جوالك لاستلام جوازك من ارامكس
الحمدلله
أولاً: نصيحة للجميع محاولة الحصول على موعد فترة الصباح أفضل شي 7 ونص أو 8 افضل موعد والسبب تكون قبل الزحمة ورقمك مايطول والنفسيات على الصباح تكون افضل من فترة الظهيره j
ثانيا: احضار الموعد مطبوع بالاضافة إلى الابليكيشن مايحتاج الا الصفحة اللي فيها صورتك الشخصية
ماراح يطلبون الابليكيشن كامل لان موجود عندهم وورقة السداد مايحتاجونها لان ماتقدر تحجز موعد اذا السداد ماوصل بس اللي حاب ياخذها احتياط مو مشكله
مايحتاجون اي صورة لا للجواز ولا غيره
كشف الحساب اللي ينزل عليه الراتب بالاضافة إلى تعريف بالراتب فقط يكفي ويهمهم بكشف الحساب أنهم يطلعون على الراتب اخر ثلاثة أشهر كافي
الرصيد مايحتاج يكون فيه رصيد في الحساب طالما أن عندك راتب وللاحتياط رصيد لو 15 ألف كافي وزياده بعد
التنبيهات
يجب التحقق من عنوان اقامتك في امريكا راح يسالون عنه ولو كان فندق جيب معك عنوان الفندق الموجود في الحجز حقك ولو حاب تاخذه عشان الموظف يشوفه ويسجله عادي
تجي على حسب موعدك تلقى ناس صافين طوابير برى كل طابور امامه لوحه مسجل فيها الموعد الخاص بالطابور
بعد مايجي دورك تتاكد الموظفه من موعدك وورقة الابليكيشن اللي فيه الصورة فقط ( هي الورقه لما تسجل بياناتك كامله في الابليكيشن اللي مكتوب عليها هذه ليست تأشيره رسمية) لان بيكون فيها باركود وهذا اللي يهمهم
بعدين تدخل داخل يواجهك موظف ياخذ جوازك ووالورقه اللي فيها بالباركود يمرر الجهاز عشان يعطيك رقم
وتدخل على رقمك عند الموظفه تتاكد من معلوماتك وتشوف الاوراق اللي يحتاجونها وتبصم وهي تحط الأوراق المطلوبه في ظرف شفاف مع الجوازات
ترجع تجلس لين ماينادون رقمك مره ثانيه تدخل عند الموظف أو الموظفه للانترفيو ولو معك عائلة يكونون معك بالانترفيو والتبصيم
بعد الانترفيو تقولك او يقولك الموظف تم الموافقة ويحتاج طلبك إلى مدة (تقولك المدة)
أي سؤال أنا جاهز


تأشيرة
التعليقات (7)
AMoOoR90
AMoOoR90
ماشاءالله شرح مختصر ومفيد. طيب يالغالي ممكن تعطينا نوعية الاسئلة اللي انطرحت عليك. ونا قرات ان الانترفيو فيه عرب وامريكان برئيك الواحد ايش الافضل يروح عند مين ولاهم امريكان يتكلمو عربي انجلش.

ابو حميد العنزي
ابو حميد العنزي
الاسئلة هي نفس الموجودة بالابلييكيشن
ماطولت عند الموظفه خمس دقايق او اقل
سألتني سبب السفر قلت سياحة المدة أسبوعين تعرف احد هناك عطيت اسمه وعنوانه اول مره تساف5 امريكا نعم
بعد الاجوبه قالت الموظفه كل الاسئلة اللي سالتك موجودة بنموذج طلبك ولكن بس نتاكد
اللي يقابلك مو على اختيارك هم ينادون رقمك
اللي قابلتني امريكيه تتكلم انجليزي ولو تبي عربي تقدر تقول لها عادي
المقابله جدا سهله ولكن احرص مع المقابله اسألها متى تجهز اذا قالت تمت الموافقه
لان فيه ناس قالو تخلص حسب الاجراءات الاداريه من تقول كذا يعني طلبك بياخذ وقت
بالتوفيق للجميع

آخـــرفـــرصــة
آخـــرفـــرصــة
الله يعطيك العافية يا بو حميد
شرح رائع و تجربة مفيدة للجميع
شكراً على طرحها

Yanee
Yanee
ألف مبروك
وعقبالنا انشالله
موعدي بكره انشالله
دعواتكم

ابو حميد العنزي
ابو حميد العنزي
ابشركم استلمت التاشيرة مدتها 5 سنوات
الغريب خلال يومين جهزت
ممكن عشان عندي تاشيرة بريطانيا وشنغن ورصيد ممتاز
عقبالكم

my_name
my_name
ايش كان حالة الطلب قبل ما تستلم الجواز
طلعت عندك اجراءات ادارية ؟

ahmedyba
ahmedyba
شكرا لكم والف مبروك ..
سؤالي / كشف حساب للراتب كافي فقط حتى لو كان من غير رصيد ؟ وحجز وهمي للفنادق بالتحديد اذا لم يتم تحديد تاريخ السفرة عادي ؟
والف شكر ..


خصم يصل إلى 25%