ابو ظبي المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
مسافرأبوظبي
17-12-2022 - 07:33 am
السلام عليكم ورحمة الله وبركاته
مثل ما تعرفون تتميز أبوظبي بمولاتها الضخمة واللي تحتوي على تنوع كبير من المحلات التجارية عشان الكل يلقى اللي يتمناه ويعجبه ..
واليوم بخبركم فموضوعي عن واحد من المولات الرائعة في أبوظبي https://artravelers.com/s/311 وهو
ديرفيلدز مول
يقع ديرفيلدز مول على طريق أبوظبي- ودبي، ويقع على مسافة قريبة من مطار أبوظبي الدولي وعلى بعد دقيقة من شاطئ الراحة
وتم اختيار هالمكان كموقع ممتاز عشان يلبي احتياجات سكان المنطقة المحيطة، ويكون محطة للزوار بين أبوظبي https://artravelers.com/s/311 ودبي
والجميل في المول أنه يحتوي على اقسام مختلفة ترضي كل الأذواق، فتقدرون تلاقون اللي يخطر على بالكم فيه من محلات تجارية لمطاعم وكافيهات، لمناطق ترفيه للأطفال، وسينما و غيرها الكثير
المحلات التجارية
وبما انه أكثر المحلات اللي يحتاجها الزائر للتسوق هي محلات الملابس ففي المول عدد كبير من محلات الألبسة النسائية والرجالية وملابس الأطفال والصغار والرياضية وغيرها ،
كارفور
وطبعا كل مركز ضخم مثل هذا ضروري يكون فيه جمعية أو سوبرماركت كبير ..
وكارفور من محلات التسوق المشهورة جدا اللي تقدرون تشترون منها كل اللي تبونه من أغراض البيت
وطبعا المول فيه محلات أدوات كهربائية ومفروشات ووايد أشياء غيرها بس تفتح يوم بعد يوم بما إن المول يعتبر جديد
ومن المطاعم الموجودة في المول
جوني روكتس
بعض محلات الفاست فوود مثل ماكدونالد وكنتاكي والبيتزا
قصر الهند - واللي بيفتتحونه قريبا
لابولانجر
شكسبير آند كو - واللي فرعه يعتبر الاكبر في ابوظبي وهو موجود في الجهة الخلفية للمول واللي تعتبر مثل حديقة مثل ما تشوفون فالصورة
وهذا منظر ثاني من داخل شكسبير
ومثل ما إنتو شايفين المساحة الخضراء المقابل للمطعم وفيه الكثير من المطاعم بعد ..
وبعد عشان تكمل الوناسة .. بيفتتحون جراند سينما في المول عشان إتابعون أحدث وأجمل الأفلام في قاعات للعرض
اتمنى أخواني تزورونه وتخبروني رأيكم فيه
وسلامي لكم جميعا ..


التعليقات (8)
أبــوعبدالله
أبــوعبدالله
اشكرك مشرفنا الغالي ان شاءالله اسبوع الجاي رايح دبي ساكن في فندق دبي مول ادرس ولي زياره من
الصبح الي عالم فرايري ابوظبي شنو الاماكن ازورها معاي اطفالي
وبغيت الاحداثيات المول اذا ماعليك امر
محبكم ابوعبدالله

Usas
Usas
شكرا لك اخوي مسافر أبوظبي على الموضوع والمعلومات عن المول ,,,

مسافرأبوظبي
مسافرأبوظبي
أبوعبدالله
أخوي ابو عبد الله مرحبا فيك
تنور الإمارات كلها وأبوظبي تحديدا
في وايد أماكن ممكن تزورها في أبوظبي
من الأماكن الحلوة اللي انصح فيها ::
ياس ووتر وورلد
ومسجد الشيخ زايد
اذا يمديك تزورهم
بس إذا بتزور عالم فيراري أبوظبي وبتكون فجزيرة ياس أعتقد الأقرب لك بيكون ياس ووتر ورلد وياس مارينا ..
يعني تقضي يومك كله فهالجزيرة ..
وفي اماكن ثانية كثيرة ممكن تعتمد على الجداول السياحية اللي بالقسم عشان الأفكار الحلوة اللي تناسبك تجميع للجداول السياحية في أبوظبي (يمكنكم اضافة جداولكم هنا) https://artravelers.com/p/re/905743

مسافرأبوظبي
مسافرأبوظبي
Usas
الشكر لك أخوي

Nooran jo
Nooran jo
اول مرة اسمع عن هالمول
شكله كثير حلو وفي كل المحلات اللي ممكن الواحد يحتاجها
شكرا لك مسافر أبوظبي

مسافرأبوظبي
مسافرأبوظبي
سعيد انك وجدت الفائدة في الموضوع أختي نوران
مشكورة على مرورك

الرحالة الصغير جدا
الرحالة الصغير جدا
شكرا على هذا الموضوع افضل الذهاب الى المول لتنوع المتاجر و المطاعم

مسافرأبوظبي
مسافرأبوظبي
والله أخوي كلنا نحب المولات ونستانس فيها
اشكرك الرحالة الصغير جدا


خصم يصل إلى 25%