البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Abdulhameed Ali
19-12-2022 - 02:00 am
السلام عليكم
أستفسار سريع وان شاء الله تفيدونا والقراء الكرام....
عندي رحلة عن طريق مطار البحرين على طيران الخليج وباجي بالسيارة من الدمام
كم احتاج وقت من جمارك الجسر حتى المطار؟ (رحلتي الصباح بدري)
أي الطرق أفضل توصل للمطار؟ سمعت أن فية طرق جديد؟
وأهم سؤال:
هل أقدر أستخدم مواقف المطار المجانية؟؟؟
وهل أنزل العفش عند بوابة المغادرة وبعدين اروح المواقف؟
وسلامتكم....


التعليقات (5)
بوامتياز
بوامتياز
مرحبا
الجسر هذا علمه عند الله لأنه متقلب . إذا مشيت بدري من الدمام توصل الجسر على الساعه او من الساعه 6 الي 9 ان شاء الله تكون خفايف.
اتوقع انو طريق الملك فيصل طريق ممتازاو انك تبتل سيده لين توصل ميناء سلمان فيه كوبري يمين قبل المينا بشوي تطلع عليه ينعطف فيك يسار
اول اشاره ثاني اشاره ثالث اشاره فيه منعطف على اليمين المحرق ابتل. وهناك تحصل ارشادات للمطار.
استخدام مواقف المطار اتوقع كان فيه مجاني لطيران الخليج الآن ماعندي علم. يفيدونك الشباب
تقبل تحياتي وسفراً سعيداً

Abdulhameed Ali
Abdulhameed Ali
يعطيك العافية
الأخوة اصحاب الخبرة
هل يوجد مواقف مجانية في مطار البحرين؟

mahmeed99
mahmeed99
يا هلا ومرحبا بأخوي عبدالحميد
وما قصر أخونا بوامتياز
أولاً: بالنسبة عن أسرع درب للمطار إنك أول ما تطلع من الجسر تتخطى الكوبري الأول إللي وتركب في الكوبري الثاني عند الاشارة المكتوب عليها (المنامة) بعدها تمشي على طول لين توصل جسر المحرق وبعد تواصل على طول نهاية الدرب بيكون مطار البحرين وراح ياخذلك ثلث ساعة تقريباً أو أكثر بشوي باعتبار إنك بيكون وصولك الصبح وهذا في الويكند أما أيام الدوام الرسمي فيمكن تكون أكثر إذا كان وصولك مابين الساعة 6.30 إلى 7.30 صباحاً
ثانياً: بالنسبة عن مواقف السيارات مافي مواقف مجانية بس في مواقف برسوم خاصة للمسافرين لفترات طويلة، تروح توقف فيها وفي باص كل 10 دقايق يمر ياخذ المسافرين لبوابات المغادرة ولين وصلت توفق عند علامة الباص خارج صالة الوصول وياخذ الباص لحد المواقف اللي فيها سيارتك
وهذا موقعهم على النت للاستزاده:
http://www.bahrainairport.com/ar/reach-us-anytime/parking-rates.html
وحياك الله في ديرتي وديرتك البحرين

Abdulhameed Ali
Abdulhameed Ali
يعطيك الف عافية
يعني اروح طريق محمع السيف وبعدين سيدة لين المحرق؟
صح؟

mahmeed99
mahmeed99
Abdulhameed Ali
الله يعافيك
بالضبط، وأعذرني على التأخير في الرد لأن جهازي فيه مشكلة منعتني من الدخول على المتندى


خصم يصل إلى 25%