aziz2601
01-12-2022 - 12:43 pm
السلام عليكم
انا الان متواجد في كاميرون .. وساقيم فيها يومان .. وين تنصحوني اروح علما بانني ذاهب مع عائله مكونه من 11 شخص
بعدها سأذهب الى العاصمه كوالالمبور 4ايام
اريد جدول مميز وهل في مدن قريبه من كوالالمبور تستحقق الزياره ابرد من كوالالمبور< ذبحه الحر
اخر استفسار .. هل يمكنني الذهاب الى القريه الفرنسيه و منتجع جنتينج في يوم واحد
اتمنى تجاوبوني لضيق الوقت لدي
وجزاكم الله كل خير
اول شي لاتفوتك حديقة لافندر هذي فهي ممتازة حسب كلام اغلب الاعضاء.
وايضا مزرعة الشاي وخصوصا المزرعه اللي فيها مقهى بوه وهذا تقرير اذا حاب تشوف
تفضل
وعندك حديقة الفراولة اللي قريبة من فندق (كاميرون هايلاند ريسورت)
وعندك السوق الشعبي اللي يكون وسط الكاميرون وايضا الشلالات.
بقية الاشياء الزهور ومناحل العسل وبيوت السكان الاصليين كلها عاديه واذا عندك وقت مرها.
كوالا ياحبيبي اذا ماتبي الحر فروح جنتق احسن لك لانها براد وضباب.
ونعم بامكانك تخصص يوم كامل للقرية الفرنسية وحديقة الفراولة وجنتق لانه هالاشياء في الطريق لجنتق.
لكن الملاهي الخارجية حقت جنتق مقفلة ورغم كذا الا انها ممتازة ويبقى فيها اشياء حلوه.والعاب داخلية وجوها ساحر.
ايضا ممكن تناسبكم صن واي اذا ماشفتوها والبرجين ومعه عالم تحت البحار والمناره
وعندكم افموسا حديقة حيوان واللعاب وعروض وايضا السوق الصيني وشارع العرب والمولات اللي فيه.
ومهم جدا تشقر على التايم سكوير لانه داخله ملاهي وهو عبارة عن مجمع محلات ضخم وفيه مطاعم وراح تنبسطوا.
بالتوفيق لكم