الأحساء المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
SPACE PINK
16-12-2022 - 06:15 pm
السلام عليكم ورحمة الله وبركاته
راح احاول يكون الموضوع هذا متجدد عن مطاعم وكوفيات الأحساء الجميلة _ لكن ممكن يكون في وقت بين الإضافة_ حسب اذا رحت مطعم او كوفي راح احاول اصور وانزل تقرير عنه هنا
اول مطعم راح ابدأ فيه هو مطعم ( مروش)
في الهفوف قبال جامعة الملك فيصل

هذي طاولتنا

وهذي شوربة العدس ، اذا كنتوا تحبون نكهة البهار في الأكل راح تعجبكم هذي الشوربة طعمها غني بالنكهه

وهذي فطاير السبانخ فيها طعم حموضه اهو السبانخ كذا ميزتها الفطيرة خفيفه ومقرمشه

الروبيان المشوي طعمه لذيذ بس مكان له داعي يحطون راسه

برياني روبيان ، الروبيان المشوي الذ منه

عصير مانجو مصري

بيبسي لايت ، واكيد طعمه ممتاز

واخيراً الفاتورة

الايجابيات :
1- الخدمة سريعة الشيء الوحيد اللي تأخر شوي برياني الروبيان .
2- الغرفة فيها مجال مو مثل اغلب المطاعم.
3- بالعادة المطاعم لما يكون الطلب بحري تكون في اشياء مو موجوده اما هنا طلبنا كله كان موجود.
  • لما جينا نحاسب اكتشفنا ان المحفظه بالسياره الجميل ان المحاسب قال عادي خل الأهل يروحون السيارة معاك شيء جميل ثقة بالزبون

السلبيات:
1- اول مدخلنا المطعم حسينا ريحة صمغ بعدين م اعرف هي اختفت او تعودنا عليها لكن ممكن يكونون مصمغين شي .
2- صوت الغرفة اللي جنبنا عندنا لو كانوا كملوا الجدار للسقف افضل .
3- المنيو كان في شخبطة بالقلم مو ان تأشير على الطلبات لا على نفس الورقة لكن اشوف هذي غلطة الناس مو غلطة المطعم


التعليقات (9)
Usas
Usas
يعطيك العافية على التقرير عن المطعم , وبانتظار المزيد ,,,

دنيا غريبة2011
دنيا غريبة2011
ماشاءالله ابداع يعطيك العافيه على التقرير

SPACE PINK
SPACE PINK
Usas
الله يعافيك وان شاءالله يكون المزيد يستحق المتابعة و التجربة

SPACE PINK
SPACE PINK
دنيا غريبة2011
الله يعافيك

فيصل
فيصل
شيء طيب مثل هالمواضيع
ما قصرت

SPACE PINK
SPACE PINK
السلام عليكم
محل الآيسكريم اللذيذ
(ديري كوين)
المكان اسواق التميمي

بس تدخلون من البوابة الرئيسية هو على يساركم مباشرة

  • طبعاً لايوجد جلسات تاخذون الطلب وتاكلونه بالسيارة
  • عندهم فرع ثاني في العثيم مول


tab_el
tab_el
ألف شكر على التقرير ...

عامر الزعابي
عامر الزعابي
يعطيك العافية على المجهود
وحبيت الربيان واصل الغالي وسجلني من المتابعين

SPACE PINK
SPACE PINK
tab_el
العفو شكراً لمرورك


خصم يصل إلى 25%