شيكاغو المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Abdesk
17-12-2022 - 02:38 pm
مرحبا يا حلوين ويا حلوات ندخل في الموضوع عشان انا ما اطيق المقدمات
كانت افكر في العيش في بلدان مختلفه طفشت من السعوديه وامريكا
المهم حاب اسالكم كم تدفعوا مصاريف للمعيشة وايش هي البلد واعطونى معلومات بالتفصيل
مثال أنا عشت في جده ومكه في السعوديه
وكليفلاند اوهيوا امريكا
شيكاغو الينواي امريكا
المصاريف
في جده ومكه انا ما ادفع اجار ولا لي علاقة بيه الي اعرفه الاجارات تتراوح من 25 الى 30 وفوق للشقة وحسب الحي والموقع وقربه من وسط المدينه وعمر العماره وحجم الشقه
أنا سكن في جده في حي البوادي عند سوق الحجاز. المكان حلوا وقريب من كل شي مشكلته الوحيده الزحمه لانه جنب السوق
في مكه عشت في شقة بنت خالتي الملك في العزيزية الشمالية حي طيب ومكه صغيره وزحمه كالعاده. طبعا حسب الاجازات وفي الحج نطلع منها لانها تاجر الشقة
جده مصروفي جيبي تقريبا 350 الى 500 ريال في الشهر عندي سياره خاصة بي
بس اصرف اغلب الفلوس في المطاعم الي احبها كثير مع ان اهلي يطبخوا بس احب اكل من بره
طبعا احيانا اصرف اكثر وخصوصا لما اصلح السيارة او اعملها صيانة
بمصروفي ادفع للجوال والاكل والسيارة واحيانا اشتري مقاضي للبيت
جده احلى من مكه لان المطاعم 24 ساعه ومنتشره وفيها تماشي
اكره شي في السعوديه السواقة احس الناس كلها مجانين وخصوصا الخطوط السريعة
في كلايفلاند اوهيوا امريكا
9كنت هناك ادرس
سكنت في شقة مع اختي بي 850 $ شامل الفواتير
غرفتين نوم وحمامين وصاله ومطبخ صغير وغرفة معيشة في حي
shaker heights
اصرف فيها 300 لي 500$ في الشهر
شامل كل شي الجوال والاكل من بره وتذكرة المواصلات ومقاضي وخلافه
بس في العاده ما اصرف كثير المدينة صغيره ورخيصة
المعهد الي كنت ادرس فيه اسمه ESL
ما ادفع له شغل الحكومه
انا احب كلايفلند لانها صغيره مشكلتها يناموا كلهم في الليل وتقفل كل الاماكن
اغلب السكن فيها حسب ما شفت هم افركن امركان
شيكاغو
السكن بي 1550$ في الشهر
ساكن في ابراج اسمها presidential towers
غاليه صح بس الميزه الوحيده انها في وسط المدينة
زحمه بس في خدمات نادي وسوبرماركت انا ما انصح فيها بس اختي مو راضيه تغيرها
عشنا فيها سنتين
الشقة غرفة نوم واحده اختي ما خذتها طبعا انا قاعد في الصاله وحمام واحد ومطبخ صغير
اصرف من 450 لي 500$
هنا في نادي بي 59$ كل شهر
الجوال اشحنه بي 100$ يعطيني 1000 دقيقة مفتوح لي مدة سنه . انا ما اكلم احد. أشحن مره كل كم شهر
لو تحبوا تتكلمموا ادفعوا 30$ مع T mobile كنت ادفع كذا بس بطلت لحظت اني اضيع فلوسي
100$ الباص
اكل بي 200 لي 300 من بره وفي البيت تعرفوا الوضع
بفلوس الاكل اروح مطاعم في ديفوان رخيصة وحلال
أنا ما احب اتمشى ما في شي يستاهل الا الملاهي six flags افضل شي في امريكا الباقي خرطي
امريكا جيتها من 2009 الى 2014 الاسعار تختلف حسب الشخص وصرفه
والسكن في ارخص بس ابعد
أنا مسرف وخصوصا في الاكل على فكره
أنتوا علموني كم تصرفوا في البلدان الي رحتوها


التعليقات (2)
المسافر دوما
المسافر دوما
شرح حلو ومفيد ويظهر ان كليفلاند اوهايو رخيصة بالمقارنة مع غيرها والسكن في القرى و الريف الامريكي له طعم مختلف عن المدن

المسافر دوما
المسافر دوما
حسب تجربتي في البلدان التي سافرت اليها في السنوات الماضية كنت اصرف في مدينة ليدز البريطانية 150 دولار يوميا - وفي يوجياكرتا الاندونيسية 50 دولار يوميا - وفي القاهرة 80 دولار يوميا وفي اديس ابابا 50 $ - هذه مصاريف يومية فقط للاكل والمشاوير


خصم يصل إلى 25%