عام المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
دقاأآسس
12-12-2022 - 02:12 pm
السلام عليكم ورحمة الله وبركاته
طبعا انا من كثر ما قريت عن الفيزا الامريكيه جاني خوف واحباط كبير جداً
لانه انا الي قاعد اعبي الاستمارات وحنا 7 يالحافظ
وقلق وقروشه
وكنت متخوف من المقابله والاسئله وكل الامور ذي
ولاكن كسرت حاجز القلق و القروشه
ورحت عبيت الاستمارات وطلعت جداً بسيطه , صح طويله شوي بس اول وحده صعبه والباقي سهل
وجينا في دفع الرسوم ..
رحت بنك سامبا واخذت رقم ال CGI
من الاستماره
وعطيته موظف البنك وطلع عنده ان الفيز 7 ودفعت الرسوم
وقالي بعد 24 ساعه رح شيك على الموقع
وبالفعل بعد 24 ساعه جاتني رساله تاكيد دفع الفيز
و رحت اسوي الموعد واخترت اليوم والوقت وكل شي
وجينا على الموعد اليومم وكلي قلق لانه محد في اهلي يعرف انجليزي الا انا وابوي شوي
طبعها دخلنا على التفتيش و تاكدو من ورقة ال ds-160 والجوازات
ودخلنا
واعطونا رقم و قاعدين نستنى مع باقي البشر بالدور عشان التبصيم والتاكد من الاوراق والمقابله
جا دورنا ورحنا عند الرجال طبعاً سعودي
واخذ الجوازات والصور و بصمنا وقال انتظرو
لما ينادون اسمكم للمقابله
طبعاً انا كنت احسبها ندخل مكتب ويقابلنا السفير و يسالنا اسئله معقده ومن هالامور
ولاكن المفاجئه
انه شباك جنب حق التبصيم فيه واحدامريكي يشيك على الجوازات ويبصمكم مره ثانيه ويسوي المقابله
وترا فيه مقابله بالعربي لاكن تتاخر عشان تدخل من كثر البشر فا قلنا نروح الي بالانجليزي
ورحناله
قال مين يتكلم فيكم انجليزي وخلوه ينوب عنكمم , انا وقتها ارتحت ..
وقالي كم المده الي بتقعدونها وجاوبته والمكان الي بتروحونله و سبب الزياره , و كم واحد انتو
, وهل هذي اول مرره ولا قد رحتو مره ثانية ,
وسألنا بطريقه حلوه جداً ودايم مبتسمم
وقالنا خلاص تمت الموافقه على فيزكمم و بعد سبوع يدقون عليكم ارامكس وروحو استلمو الجوازات و الفيز
طبعا وقتها من الفرحه بقيت انطنط وانا طالع ههه
وبس ..
ف الي حبيت اقوله لكمم انه اذا بغيتم تطلعون الفيزا الامريكيه وخايفين من التاخير والاجرائات وكذا
روحو توكلوو على الله
وما عليكم في احد .
اخوكم محمد الزهراني
واي سؤال او استفسار انا حاضر وبالخدمه


تأشيرة
التعليقات (9)
آخـــرفـــرصــة
آخـــرفـــرصــة
1000 مبروك
الله يعطيك العافية
شكراً على طرح تجربتك
و تبيان سهولة الآمر فالكثير متخوف بلا سبب
رحلة سعيدة

دقاأآسس
دقاأآسس
الله يعافيكك
وبالفعل الكثير متخوف ومن دون اي سبب وانا منهمم لاكن الحمدلله بعد التجربه تبين العكس تماماً ..
وبانتظار الفيز ..

elsandoubi
elsandoubi
السفارة وين جدة ام الرياض ام الدمام

oceanus
oceanus
الله يعطيك الف عافيه على ذكر التجربه
واضح ان السفاره بدأت في تسهيل الحصول على التأشيره
ربي يوفقكم ويسعدكم في رحلتكم

tab_el
tab_el
ماقصرت يا محمد ..
اشكرك على مشاركتنا تجربتك .. موفق

دقاأآسس
دقاأآسس
elsandoubi
لا جدة اخوي
ومتاسف على تاخر الرد ..

دقاأآسس
دقاأآسس
oceanus
الله يعافيكك
وبالفعل كان الوضع جداً حبي واخر فيزا وصلتني بعد 10 ايام ..
اللهم امين يا رب

دقاأآسس
دقاأآسس
tab_el
ولو يا اخوي
هذا المنتدى له الفضل الكبير في تسهيل امور استخراج الفيزاا بالنسبه لي ولابد ننزل شي يستفيد منه غيري

elsandoubi
elsandoubi
مشكور والف مبروك اخى


خصم يصل إلى 25%