الرياض المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Rinasser
09-12-2022 - 08:09 pm
  1. بعد الاسئلة الكثيره والقراءات المتعددة جمعت المستندات التالية:


السلام عليكم ورحمة الله وبركاته
أول شيء قبل ما أبدأ الموضوع احب اشكر كل احد في هذا المنتدى اللي ساعدني بعد الله في التقديم لفيزا الشنغن
لدى السفارة الفرنسية في مركز التآشيرات الموحد بالرياض.. كان كل موضوع مفيد وكل استفسار يحظى بالرد السريع من الأعضاء فجزاكم الله ألف خير
وأخص بالشكر اخواني Tab و آخر فرصه.الله يفتح لكم كل باب خير ويحقق لكم كل ما تتمنون لان الموضوع
كان جد مؤرقني خاصة اني كنت متأخره في التقديم وماكان في وقت كافي.
أول شيء واجهنا صعوبه في حجز موعد من الانترنت لان الموقع كان في مشكله تقريبا كان نص رمضان
فاضطرينا نروح للمركز نفسه ..أول شيء قال الاستقبال مافي مواعيد متوفره يعني زي افقدوا الأمل لان كان زحمه ...بس الحمد لله ماسمعنا له قلنا اعطينا رقم وبس..
دخلت عند مشرف السفاره الفرنسيه وكان عنده ناس كثير بعدين سألني وش المشكله قلت اني ابغى احجز مواعيد
فقالي انتظري هنا بتجي واحده وتسوي اللي تبين.. وجلست اتجول بالمكان انتظر فجأه واحده وقالت what's the problem
قلت لها اني ابغى احجز مواعيد وهكذا..دخلت معاها المكتب وسألتني كم موعد تبين واخذت الجوازات
وبعدين صار اقرب موعد قبل سفرتنا بتسع ايام فقط
ولكنها طمنتني انها بتجلس من ايام إلي أيام
بعدها رجعت البيت وبديت اشتغل عالابلكيشنز طبعا احنا عائلة كثار ماشاء اللهوالابلكيشنز كان في اسئلة كثير
وكنت اسألكم هنا وتردون بكل رحابة صدر شكرا مره ثانيه
وبرضو دقيت عالمركز نفسهم وكانوا يردون ويجاوبون على اسئلتي اللي ماتخلص وكمان ارسلت ايميل للمركز نفسهم وجاوبوني بعد..

بعد الاسئلة الكثيره والقراءات المتعددة جمعت المستندات التالية:

  • تأمين سويته عند التعاونية.
  • صورتين لكل شخص.
  • تعريف بعمل وراتب المتكفل بالمصاريف.
  • كشف حسابه لآخر شهور.
  • تذاكر السفر.
  • حجوزات الفنادق.
  • الجوازات واصحباها موقعين عليها.*بالنسبة للي تحت يوقع عنهم ولي أمرهم.
  • صوره لكل جواز مع الصفحه الموقع عليها.(بالنسبه للنساء لازم تطلع منابت الشعر واضحه )
  • الابلكيشنز.(اصحابها موقعين عليها)* بالنسبة للأطفال تحت يوقع عنهم ولي امرهم

بالنسبة لبنت اختي اللي بتسافر معانا كان يلزمها مسنتدات (دوكيومنتس) زياده:
  • خطاب من ولي أمرها يسمح لها بالسفر (لانه مو مسافر معاها وهي طفله) يحتوي على توقيعه مع توقيع الام
  • صورة من جواز ولي امرها موقع عليه (واحنا بالمركز طلبوا يشوفون الاصلي وكان معاي الحمد لله D:
  • خطاب من المتكفل يتعهد في انو بيتكفل بمصاريفها وموقع عليه.

الحين كل فرد من العائلة اوراقه صارت مرتبة كالتالي :
الابلكيشن - الصور -الجواز -صورة الجواز-حجز الفندق (اول فندق راح نسكن فيه) -حجز الطيران-التأمين-صورة لفيزا قديمه-بس
المتكفل:
الابلكيشن -الصور -الجواز-صورة الجواز-حجز الفنادق (كلها اللي راح نتنقل لها)- -حجز الطيران-تعريف بالعمل والراتب-كشف حساب-التأمين.
وحان الموعد كان يوم الأحد قبل امس
اخذوا كل الاوراق طبعا الحمد لله كانت كامله وزياده كشف الحساب اخذوا بس آخر شهرين وتذاكر السفر رجعوها
والحمد لله خلصنا وكان المكان مو زحمة ابدا زي رمضان >__>وعسى في كل تأخيره خيرةوبإذن الله راح ابشركم انها طلعت كلها
واللي عندو أي سؤال لا يتردد (L)


تأشيرة
التعليقات (8)
آخـــرفـــرصــة
آخـــرفـــرصــة
و عليكم السلام
ما شاء الله شرح متميز
زين انكم مجهزين كل شئ
و انا اقولكم مبروك مقدماً
شكراً لك على طرح تجربتك
فالكثير راح يستفيد منها

فيصل
فيصل
وعليكم السلام
شكرا لذكر تجربتك
الفرنسيه حبيبين بالحيل
الشباب ما يقصرون الله يجزاهم خير

abdulslam
abdulslam
موعدي الأسبوع القادم، شكراً لمشاركتك كانت جدا جدا مفيدة لي.ياليت لو طلعت الفيزا تكتبين هنا وقت صدورها عشان نعرف كم جلست وهل هو زحمة مثل غيرهم هالأيام ولا لا .

جاكادي
جاكادي
معليش ما اعرف شي في استخراج الفيز ؟
ايش هو الابليكشن
و ليه يطلبون صور من حجوزات الفنادق و الطيران طيب الي بيروح بعدين يحجز هناك

AfnanNasser44
AfnanNasser44
abdulslam
عذراً على التأخر بالرد بس أختي ماقدرت تدخل بحسابها لذلك برد نيابة عنها ..
الحمدلله اللي فادك ع الأقل سعيده لذلك
أبشرك ولله الحمد طلعت الفيزا بغضون ثلاث ايام وأربعه أيام لجدتنا وأبدا مافي زحمه شوي مره عكس رمضان
هالأيام فاضي يعني ان شاء الله تروح والناس فاضين لك + حاول تكون عند الباب قبل مايفتحون (: دوامهم 8
يعني خلك هنا ثمانيه الا وانتظر عشان يسوون اوراقك اول شخص + حتى لو كان موعدك متاخر

AfnanNasser44
AfnanNasser44
جاكادي
الابلكيشن هو عبارة عن ورقتين تحملها من موقع السفتارة المرغوبة وتطبعها لأنها من متطلبات التقديم لأي فيزا بالعالم
وبالنسبة للحجوزات ضروري عشان يتأكدون انك هناك لك مكان ماراح تجلس عالة ع العالم والله أعلم + ضروري خصوصا الفندق

kalhilal
kalhilal
ماشاء الله معلومات كافية وتفيد كل شخص
طيب عندي استفسار... هل يدققون في عدد الليالي اللي تسكن في باريس او لازم تكون باريس اكثر الليالي عشان الفيزا

kalhilal
kalhilal
يعني اذا بروح دولة ثانية وبسكن فيها اكثر هل يدققون او لازم اكثر الليالي في فرنسا
وكم مقااس الصور ؟؟


خصم يصل إلى 25%