بورصه المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
danah_
11-12-2022 - 04:46 pm
بسم الله الرحمن الرحيم
اعزائي اعضاء وزوار العرب المسافرون،
لله الحمد بفضل الله ثم اعضاء العرب المسافرون كانت السفره رائعه جداً ،
كانت أول سفره لنا لتركيا ولكن كان عندي خبره كبيرة من خلال تقارير المنتدى،
،
الذهاب لتركيا كان
بيوم الوقفه ، قبل العيد بيوم ,,
من تاريخ 14-10-2013
الى 21-10-2013
الخطوط الناقله للرحله
العربية للطيران
سبب اختيارنا للطيران
( اتخذنا قرار السفره متاخر وكانت العربيه للطيران
الخيار الوحيد المتوفر والباجي فل )
خط سير الرحلة
كويت - شارقه - مطار صبيحه(اسطنبول)
الفنادق
حجوزات الفنادق كانت عن طريق
فنادق اسطنبول
Ekinci Residence
Taksim Star hotel
فندق بورصه
Baia Bursa Hotel
الفيزا
(اخذناها من المطار وقت الوصول بسعر 20 دولار للشخص ..
وكان وصولنا مطار صبيحه 2 الفجر والطابور فاضي ..
مااخذت منا 5 دقايق ..)
استخدمت بالتصوير
Canon D600
iphone 5
لي عودة ..


التعليقات (9)
danah_
danah_
يوم السفره
موعد اللإقلاع من مطار الكويت 5:50 م.
بعد الاقلاع قالو لنا الرحلات القصيره بس سناك"وجبات خفيفه" ..
الوصول لمطار الشارقه 8:30 م (بتوقيت الشارقه)
الترانزيت كان جدا قصير ماحسينا فيه ،
تقريبا ساعه ..
عند وصولنا لمطار الشارجه ذهبنا للبوابه الثانيه ..
الاقلاع من مطار الشارجه 10م
وبعد الاقلاع طلبنا العشا (الاكل مو مجاني)
هالحبيب اللي جنبنا نايم طول الرحله
الرحله خذت 3 ساعات و25 دقيقه ..
وبعد الوصول الى مطار صبيحه الساعه 1ونص نزلنا وقعدنا ندور علامه Visa
وخذيناها بقيمه 20 دولار لكل جواز ..
وبعدها ختمنا الجوازات واستلمنا الجناط وخذينا خط من Avea بس نسيت بكم اخذناه ..
وطلعنا ندور تاكسي ،
اللي دزلنا الجناط اخذ منا 30 ليره
احب انوه على شغله يجب عليكم عمل نسخ لجميع الاواراق والحجوزات ووضعها باماكن مختلفه
لان اللي حصل معانا طلعنا ورقه حجز الفندق وعطيناها للي يدز الجناط للبحث عن تاكسي..
ولكنه بعد ماوقف لنا تاكسي انكر انه عطيناه الورقه ودورنا بكل مكان مالقيناها!
والحمدلله كانت معانا نسخ اخرى بالجناط الكبيره!
بما ان وصولنا كان 2 الفجر قررنا اخذ فندق قريب من مطار صبيحه
لمده ليله .
ووقع اختيارنا على Ekinci Residence
يبعد عن المطار كيلو ..
التاكسي من المطار الي الفندق 20 ليره
ماصورته من برا ولكن هذي صورة الممر المؤدي للشقه
الفندق ماعجبنا ابدا! اللي يشتغلون فيه مومريحين كلش!
قبل السفر دزيت لهم ايميل لعمل جيك ان متاخر 2 فجرا ووافقوا وكانوا باستقبالنا لما وصلنا ..
طلبنا منهم باسورد الواي فاي
كان الجو بارد جدا
الفندق فيه غرف وسويتات وشقق عائليه ،
خذينا شقه بغرفتين نوم وصاله ، ولان وصولنا متاخر ماصورتها للاسف

hazim b
hazim b
بداية موفقة متابعين معك
ما فهمت ليش ما عجبكم الفندق
بانتظار اليوم الثاني

danah_
danah_
صباح ثاني يوم باسطنبول ..
نزلنا نتريق بالفندق





ولانه طاف وقت الريوق علينا دفعنا 35 ليره ..
بعدها سوينا جيك اوت ورجعنا بالتاكسي الى مطار صبيحه
0ليره ..
واخذنا من هناك باص akmis من مطار صبيحه الى بورصه 30 ليره للشخص
،
في طريقنا من المطار الى الميناء


وبعد ركوبنا العباره


خط سير الرحله
من مطار صبيحه الى الميناء منه عباره الى يلوا ومنها نكمل بالباص الى بورصه

الباص جدا مريح ماحسينا بتعب ولله الحمد..

بعدها دخلو الباص بالعباره ونزلنا منه وصعدنا للعباره فوق ،



صورة الباص من اعلى





يتبع..

danah_
danah_
hazim b
حياكم الله،
الفندق فاضي، اشك بان حنا الوحيدين اللي ساكنين فيه
لما صعدونا الشقه الانوار كلها مطفئه يمشي ويفتح فيها،
لايوجد الا 2 من طاقم العمل بالفندق، وراحوا لما صعدونا فوق!

danah_
danah_
تابع صور لطريقنا الى بورصه ..







بعد وصولنا لبورصه نزلونا بمحطه وقوف الباصات الرئيسيه،
ومن هناك اخذنا تاكسي الي الفندق ب 10 ليره

الفندق جميل جدا وكله خليجيين ويقع بالقرب من ماكدونالدز ولوازم عائله ومجمع..
اللوبي..

اخذنا غرفتين ل ليلتين بقيمه 380 يورو (146 دينار كويتي)

حطينا اغراضنا ونزلنا لاخذ تاكسي والذهاب الى لونا بارك


وبدا التاكسي يحتال علينا بدال الذهاب بخط واحد سريع الى الحديقه مباشره
قام يدخل ويطلع بشوارع داخليه عشان يطول المسافه والعداد شغال..
الدائره السودا موقعنا ، والعلامه الحمرا الحديقه ..
اخذ منا 30 ليره ..

واول ماوصلنا ..






قعدنا بكافيه الحديقه لطلب كابتشينو

5 ليره للقهوه الواحده ..
وتذاكر الالعاب (4.5) للتذكره الواحده ..


لما ظلمت الدنيا بدت البسطات والاكلات التركيه الشعبيه تتجمع عند الحديقه برا ..



للبنات فقط شوفو شنو لقيت من ضمن الجناط اللي تنباع mango

اخيرا وبعد خروجنا من الحديقه ..
تاكسي الى الفندق ب 36.5 ليره ..
قبل الرجوع الى الفندق مرينا هالمحل اللي يم الفندق لشراء موصل للشحن ..


وبجذي انتهى اول يوم ببورصه..
القاكم غدا لاكمال التقرير

توبليرون
توبليرون
خوش تقرير باين عليه
بس بسألج اشلون الشوارع ورحلة بورصه بالعيد
مافي زحمة يعني ؟؟
يعطيج العافيه

ماجد الفهد
ماجد الفهد
صباح ماتعى بالحياة
أكملي طال عمرك
وربي يعطيك الصحة والعافية
والحمد لله على السلامة

danah_
danah_
توبليرون
الله يعافيج, بالعكس ماصادفتنا زحمه ببورصه كلش..
والحمدلله حتى اسطنبول ماكانت زحمه حيل..

danah_
danah_
ماجد الفهد
الله يعافيك..
ان شاءالله ..


خصم يصل إلى 25%