السلام عليكم ورحمة الله وبركاته
شخباركم أخواني ؟
في الصيف تحلى الطلعات وتحلى مغامرات العايلة وخاصة اللي فيها فعاليات ونشاطات حلوة لهالصيف
ومثل كل سنة موسم صيف أبوظبي بفعاليات روعة للعايلة كلها
موسم صيف أبوظبي
واللي يكون من 05 يونيو 2014 إلى 31 اغسطس 2014
السنة هاي في الكثير من الفعاليات اليديدة والمميزة اللي تستوي لأول مرة ..
من حفلات موسيقية لعروض تجنن لفنانين عالميين من الشرق الأوسط وروسيا والولايات المتحدة.
فقررت أجمعلكم هالمعلومات عن الفعاليات اللي باقيه واللي راح تصير في الأيام الجاية ..
فريج في عرض مباشر: حلم عبود
أكيد الكل يعرف مسلسل فريج ..
والغني عن التعريف وله الكثير من المتابعين ..
وهالسنة بيقدمون عرض حي باسم
حلم عبود
ويتكلم عن تعايش العائلة المحلية التقليدية مع التطور المتسارع اللي نشوفه في عصرنا الحالي. ويعيش فيه عبود مغامرة خيالية جديدة خلال العرض المقبل.
دائما نتوقع من عرض فريج امسية نستانس فيها بالضحك فاكيد ما يتفوت
وبيكون العرض في فندق قصر الإمارات من 31 يوليو- 2 أغسطس
أرض الظلال
عشان تستانسون بعرض شيق ويخطف الأنفاس تقدرون تشوفون عرض أرض الظلال لمجموعة الرقص العالمية بيلوبولوس. وهوعرض ثلاثي ، يجمع الظلال والرقص والسيرك
العرض بيكون في أدنيك من 8 – 18 أغسطس
عرض نجوم العرب
ولمتابعين الفن والفنانين العرب وخاصة الشباب، تقدرون تلاقونهم كلهم فأمسية وحدة تجمع أفضل الفائزين السابقين في برامج "أراب ايدول"، "أراب غوت تالنت" و"ذا فويس" في فندق قصر الإمارات.
واكيد عرض ما يتفوت، لان من النجوم اللي يقدمون العروض
محمد عساف، وأحمد البايض ومحمد الديري.
4أغسطس في قصر الامارات
عروض بوليوود
ولمتابعين الافلام الهندية منكم، ومحبي نجوم بوليوود فقصر الامارات بعد يستضيف بشهر اغسطس عروض بوليوود الرائعة مع نجمة بوليوود والمغنية الحائزة على جوائز عدّة" سونيدي" وفرقتها الراقصة ويكون في
5أغسطس في قصر الإمارات
دايفيد بلاين: واقع أم وهم؟
من الفنانين اللي يحترفون فن الخدع دايفيد بلاين ..
بيزور أبوظبي الشهر الجاي وبيقدم عروض مميزة في فندق قصر الامارات.
دايما نشوف هالخدع عالتلفزيون نتحمس وننبهر، فتتصورون كيف لو تحضرون العرض الحي له؟!!
اكيد تجربة مميزة لانه من الأشخاص المحترفين صج !! .
عرضه بيكون من 21 – 23 أغسطس في قصر الامارات
لا فيريتا
ومثل ما ذكرت أخواني في موضوعي السابق العرض المسرحي لا فيريتا بيكون في أبوظبي في 21-23أغسطس لا تفوتونه
. وإذا تبون تتعرفون عالعرض أكثر تقدرون تدخلون على موضوعي هني https://docs.google.com/document/d/1-jLwLpz3R7iuo6Ow2iMS0oUqLhRbBldmOrHgTaAIxXc/edit.
23-21 أغسطس- في أدنيك
وأخيرا وليس آخرا نختم الموضوع بالقليل من الكوميديا
فرقة الأمم المتحدة للكوميديا
فرقة الامم المتحدة للكوميديا ترجع مرة ثانية للامارات عشان تقدم الجزء الثاني من عرضها مع مجموعة جديدة ومضحكة من الكوميديّين،
فاللي ما لحقوا يحضرون العرض الاول واللي كان من اجمل العروض الكوميدية أحب أقولكم لا تفوتون العرض الثاني.
ومن الكوميديين المشاركين .. نمر أبو نصّار، أرون قادر، محمد عامر، فهد البطيري، خالد خلف الله، أمير كاي وسامي عبيد.
8– 29 أغسطس – الأمم المتحدة للكوميديا، الجزء الثاني
واللي يبي معلومات أكثر عن هالعروض أو أي فعاليات فالصيف تقدرون تزورون الموقع
http://www.abudhabisummerseason.ae
وان شاء الله يكون صيفكم مليئ بالتجارب الحلوة اللي تستانسون فيها معنا
أخوكم مسافر أبوظبي