بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



meshary_rashed meshary_rashed
الطريق من الرياض - جدة
18-12-2014 - 08:02 pm

بسم الله الرحمن الرحيم

انا اول مره في حياتي راح امسك خط
إن شاء الله
من الرياض إلى جدة
تحديدا "المحمدية"

طبعا ما أعرف شيء ابد
أنا مسافر لحالي يوم الجمعة , أخلص دوامي الخميس 3 العصر
.. وش أحسن وقت آسافر فيه ؟
سيارتي "الحمدلله" فورد إيدج 2013 + GPS
غير Google Maps هذا اللي راح امشي عليه
وحسب الخريطة تبعه مكتوب "عبر المسار 40"
والمسافة 948 كم
الوقت حوالي 8 ساعات !!

وفيه طريق ثاني مكتوب "عبر طريق القصيم المدينة السريع"
والمسافه 1230 كم
تقريبا 10 ساعات !!

وش الافضل ؟
وش تنصوحني فيه الله يعافيكم ؟
هل فيه محطات بنزين ؟

شكرا مقدما





المشاركات

# أبو نورة # # أبو نورة #
الطريق من الرياض - جدة


شوف الطريقين حلوين
لكن ماله داعي زيادة المسافة
فـ الافضل ومن تجربة للطريقين
استخدم طريق
الرياض جده 948 كيلو
طبعا الطريق نظيف ما شاء الله
لكن ملغم أمن طرق
طبعا بتمر على الطائف ومكه (( وفرصه لو عندك نيه عمره ))
الطائف عندك طريقين (( الهدا (الكر) ـــــ السيل ))
الهدا اكيد بيكون زحمه لكن ممتع
وطريق السيل هو عباره عن خط سريع
لكن ملياااان شاحنات وايضا تهور كبير جدا لأن الخط يعطيك ههههههه
الزمن 8 ساعات غير دقيق
وتقريبا عشر ساعات الى 11 ساعة الى جده اذا مشيت بعقلك مع التوقفات للصلاة
.....
بالنسبة لوقت السفر
هذي ترجع للشخص نفسه
شخصيا احب مشي الليل لأنه اروق من النهار
وخاصة لو كان رمضان
وبنفس الوقت النهااار حرررر
يعني تمشي بعد المغرب من الرياض ازين شي وعلى مهلك يا الحبيب
وفيه ميزه أمن الطرق ماتشوفهم وين منخشين هههههههه فتضطر تمشي على مهلك
....
وبما ان الطريق جديد عليك واذا انت خواف
إمش بعد صلاة الفجر مباشرة من الرياض
....
تقريباً لي فترة عن طريق جده الرياض جده تقريباً سنتين وأكثر
ولكن طع شوري وبحكم تجارب لا تروح من طريق الرياض القصيم المدينة جده (( ممل جدا )) وهي للمضطر للمرور للقصيم او المدينة
....


meshary_rashed meshary_rashed
الطريق من الرياض - جدة


عافاك الله ابو نورة
سؤال اخير لازم اغبر السياره ؟
مع العلم ان السياره ماعليها حمايه


# أبو نورة # # أبو نورة #
الطريق من الرياض - جدة


المشاركة الأصلية كتبت بواسطة meshary_rashed
عافاك الله ابو نورة
سؤال اخير لازم اغبر السياره ؟
مع العلم ان السياره ماعليها حمايه
تبي الكلام السنع
التغبيره حركه بس
لو جا سافي ما يعرف شي اسمه تغبيره
وفي شي ازين من التغبيره
في بخاخ يبيعونه محلات الزينه والمحطات
شفاف مائي .. من وجهة نظري احسن من التغبيره لمظهر السيارة
والحل الافضل والاقوى بعد الله هو القناع
فصل لك قناع للسيارة لكن فكته وتركيبته مملة جدا
جرب مانتب خسران شي


# أبو نورة # # أبو نورة #
الطريق من الرياض - جدة


ونسيت أقولك
ترى التغبيره تضعف اضاءة الشمعات
طيب تقولي تمسح التغبيره من الشمعات
حقولك اذن لو جا سافي حتنعدم الشمعات وتصفر وتتنقر
على كذا ما استفدنا منها خخخخ
القناع ولا غيره للي خايف على واجهة السيارة
ديته 400 الى 500 ريال
...........................................
أو تمشي على مهلك وتحط البخاخ الشفاف


قايد قايد
الطريق من الرياض - جدة


طق وجه موترك بفيري واذا وصلت اقرب مغسله


# أبو نورة # # أبو نورة #
الطريق من الرياض - جدة


صادق ابو شيهانة الفيري أكبر سماكة من التغبير


meshary_rashed meshary_rashed
الطريق من الرياض - جدة


تم يا ابو نورة وخذت نصيحتك وحطيت شفاف
شاكر لك اخوي قايد , بس قبل فتره طوييييييييييييييييييييله
طلعنا للشرقية وكنا فعلا حاطين فيري وللأسف وجهية السياره صارت منقطه

سؤال اخير معليش :
لازم اريح السياره في الطريق ؟
كل كم كيلو اريحها اذا لزم الامر ؟
ومتى اعرف اذا كان السياره تبي ترتاح او لا ؟

شاكر لكم مره ثانية



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

الطريق من الرياض - جدة