eng-majed
15-12-2022 - 11:50 am
بسم الله الرحمن الرحيم
الساده اعضاء المنتدى الكرام حفظهم الله
السلام عليكم ورحمة الله وبركاته
يا الربع انا تعبت وجاني والله صداع لي 5 ايام وانا من صفحة بصفحة بالبوابه وبصراحه والله استفدت كثير وخصوصا ريجنت الله يجزاه خير ولا يهونون باقي الشباب طبعا كلهم ماقصرو
انا باختصار اول سفره للفلبين ومدة السفره 13 يوم من غير يوم الذهاب ويوم العوده " باخذ اجازه من البشريه كلها "ههه
اول 3 ايام بماكاتي
الاقلاع الجمعه 1 اغسطس
اليوم الاول الوصول الساعة 10 بتوقيت مانيلا صباح السبت 2 اغسطس بطلع الفندق اريح شوي ثم بمر السفاره وبطلع بعده اسيا مول وسينما
اليوم الثاني بجلس بماكاتي
اليوم الثالث شلالات لاقونا وفلة اسكوديرا
اليوم الرابع الظهر اللي هو يوم الثلاثاء قصيت التذكره على بوركاي عن طريق الفلبينيه للطيران
وجالس ببوركاي الى الجمعه وبعدها ؟؟
يبقى اسبوع مدري امدد حجزي ببوركاي اكثر من 3 ايام او اطلع سيبو وبوهول وهل تستاهل العنوه ولا مثل بوركاي ؟ لان حتى تذكرتها لازم تمر مانيلا وشغله
ولا اروح الديره اللي تبعد 6 ساعات عن مانيلا ويقولون بارده الظاهر اسمها تيقاتي
ولاجزيرة النيدو ههه
ولا ارجع اجلس بماكاتي
عطوني رايكم يالربع تراي صدعت من التفكير ماعاد هي اجازه صارت قلق
وشكرا .
الاسبوع الباقي تقدر تزور فيه بوهول تستاهل الزيارة مدينة جميلة وخضراء واجواءها تفتح النفس
او انك تطلع اسبوع الى باقيو البارده كل باقيو تستاهل 4 ايام لانه اسبوع كثيرة عليها لكن لو انك من محبي الاجواء الارده انصحك تجلس فيها
وعندك عدة اماكن تستاهل الزيارة لو حبيت تزور شلالات كاواسان في مدينة سيبو برضو حلوة تجلس فيها يومين
شلالات باقسنقهان في لاقونا تستاهل يوم كامل لانه صعبه تجمعها مع فيلا اسكوديرو بيوم واحد
خصوصا انك لو طلعت الصباح راح تخلص الظهر
واي استفسارات اخرى ان شاءالله ماراح نقصر معاك في شئ
تحياتي