- عشان جي ..
- ليلة السيدات في ياس ووتروورلد أبوظبي موجودة
- كلّ يوم خميس من 6 مساءً لين 11 ليلاً.
- ولا تنسون بعد الاسواق الشعبية مثل سوق الذهب والسجاد وغيرها فهالتقرير
السلام عليكم و رحمة الله و بركاته
أكيد وايد منا أخواني يحبون الطلعات من البيت عشان يجربون مغامرات يديدة وخاصة فالصيف..
وأبوظبي من المدن اللي فيها الكثير من النشاطات والفعاليات اللي تناسب الجميع خصوصاً خواتنا اللي يحبون بعد يقضون وقت حلو هالصيف ويحبون يخططون حق يومهم ويستغلون كل دقيقة منه عشان يستانسون فيه.
عشان جي ..
اليوم موضوعي عن أفكار ممكن تستفيد منها خواتنا هالصيف فأبوظبي، وأكيد نبدأ في الأماكن اللي تخصص فعاليات خاصة للسيدات مثل ياس ووتر وورلد
https://artravelers.com/p/re/878213 ليلة السيدات في ياس ووتروورلد أبوظبي موجودة
كلّ يوم خميس من 6 مساءً لين 11 ليلاً.
وبما أنّها ليلة مخصّصة للسيدات فقط، لا يسمح للرجال بدخول الحديقة في هذه الأوقات، عشان يقدرون السيدات يستانسون بالتشويق والمرح اللي توفّره الألعاب والمنزلقات المائية والمرافق الترفيهية الأولى من نوعها في العالم في أجواء من الخصوصية التامّة
وتقدرون زيارة هذا التقرير لمعلومات أكثر
ياس ووتر وورلد
https://artravelers.com/p/re/878213 واللي تحب تمارس هواية السباحة أكيد شاطئ البطين اللي افتتحوه من قريب هو مقصدكم..
هالشاطئ تم انشائه عشان تستانس أخواتنا في جو من الخصوصية للسيدات والشاطئ فيه كل المرافق الخدمية والترفيهة .
وللخوات اللي ما يحبون يتعرضون للشمس في الصيف ويحبون يمارسون الرياضة في الاماكن المغلقة، نصيحتي لكم تجربون دائما اماكن جديدة غير عن المراكز الرياضية العادية وانصحكم تزورون صالة التزلج اللي فمدينة زايد الرياضية وخاصة للي عندها اطفال، فهالمكان بتسون رياضة فجو بارد ومنعش ويستانس الأطفال فوقتهم بعد.
وإذا تبون تعرفون اكثر عن هالأماكن تفضلوا بزيارة تقريري
رحلتي للتزلج ولعب البولينج في أبوظبي
https://artravelers.com/p/re/905648 واكيد التسوق عشق النساء وأبوظبي فيها مولات وايد تقدرون تلاقون اللي تبونه فيها
ولا تنسون بعد الاسواق الشعبية مثل سوق الذهب والسجاد وغيرها فهالتقرير
أحلى رحلة تسوق في الاسواق التقليدية الشعبية في أبوظبي
https://artravelers.com/p/re/905456 وطبعا تحلى الطلعات في الليل مع الأكل الحلو في واحدة من المطاعم المميزة واللي فيها جلسات جميلة مثل بوا ستيك هاوس في بروميناد القرم الشرقي والفنر
https://artravelers.com/p/re/899287 وغيرها
اما الأخوات اللي تحب ترتاح وتسترخي وتستانس بوقت من الهدوء والمساجات تقدرون تزورون هالتقرير عن من أفضل مراكز "السبا" في أبوظبي
https://artravelers.com/p/re/901515 وإذا تبون تعرفون أكثر عن تفاصيل وعروض الصيف للسيدات فقط
زوروا موقع موسم صيف أبوظبي اللي خصصوا قسم كامل للسيدات
https://abudhabievents.ae/en/pages/summer-season.aspx?contentpageid=ladies-only-offers
ان شاء الله يكون موضوعي اعجبكم وفيه فايده لكم خواتي
واذا عندكم أي أفكار عن أماكن تحبون تزورونها أو تقضون وقتكم فيه اتمنى تشاركوني
و السلام عليكم ورحمة الله
اخوكم مسافر أبوظبي
لان في الاردن قليل ما نلاقي مثل هذا الموضوع
وكثير اشتهي اني اجرب بعض النشاطات لكن صعب شوي
شكرا