ayman-alfars
16-12-2022 - 08:12 am
بسم الله الرحمن الرحيم
السلام عليكم ورحمة الله
اليوم اول موضوع لي في هذا المنتدى وجاي ابي مساعده
انا ابي اطلع شهر عسل وكنت ابي اروح للمالديف ولاكن جان احد الزملاء قال لي روح الى موريشيوس يقول انها نفس جرر الملديف وارخص كمان وانا ماعرف شي عنها ابد والحقيقه اول مره اسمع اسمها ابي منك الله لايهينكم اعرف وش الفرق بين هذي وهذي وابي اعرف كم تكلف كل وحده منها انا بجلس 6 ايام فيها الي اعرف مايصلح تطول فيها وابي اعرف شهر 4 الجاي هجري وش الجو فيها وهل يحتاج انسق مع مكتب عشان يكون فيه مرشد سياحي هناك او الوضع مايحتاج له وشكراً
اخوكم ايمن الفارس
مرحبا بك اخي ايمن في موضوعك الاول واملنا ان لايكون الاخير
والف مبروك سلفا عزمك على الزواج نسال الله ان يتمم عليكم بالخير والبركة
هنالك جزر المالديف والموريشوس والسيشل
تقريبا متقاربه فجميعها تحوي منتجعات فارهة على شواطئ خلابه
انصحك بقراءة تقارير الاعضاء المصوره عن تلك الجزر
ومن ثم سيتضح لك الفارق بينهما
وستجد ميولك ورغبتك تتجه نحو احدهما
لذا لاتتسرع فلديك متسع من الوقت وبعدها قرر
وستجد الجميع رهن اجابتكم لاي سؤال
تحياتي ياايمن