- السلام عليكم اصدقائي
- كيف الحال .. اتمنى الجميع بخير
السلام عليكم اصدقائي
كيف الحال .. اتمنى الجميع بخير
موضوعي اليوم لكم عن مكان مميز وايد في مدينة العين وهي بالتحديد حديقة حيوانات العين، وفي الصيف الاهل يتعبون لين يلاقون اماكن حلوة لعيالهم، وهالمكان من الأماكن اللي بزورها ان شاء الله مع أختي و الصغار فالعطله الصيفية
حديقة العين من الأماكن المفضلة عندي، وكتبت عنها من قبل فهالموضوع حديقة حيوانات العين
https://artravelers.com/p/re/884194 و لحسن الحظ حديقة الحيوانات بالعين تنظم نشاطات حلوة خلال الصيف من 1 يونيو ل 1 أغسطس 2014
و من التجارب الفريده اللي ممكن تدهشكم خلال زيارتكم للحديقة انكم تطعمون الزراف ، وتشوفون عرض الطيور، وعرض الببغاء ، و منطقة الالعاب الجديده المخصصه للاطفال
وكل يوم خميس هو موعد أفلام الرسوم المتحركة مثل فتى الأدغال، وريو ومدغشقر
و من المعارض المميزه
معرض الحيوانات الآسيوية المتنوعة الجديد و معرض الحيوانات الأفريقية المتنوعة و معرض الحيوانات العربية المتنوّعه و بيت الحيوانات الليلية و بيت القطط والطيور و بيت الزواحف
و من الفيديوهات اللي لقيتها.. هذا الفيديو وايد حلو عن الحديقة
اتمنى تستانسون وياي
ومن الجميل ان الحديقه مكان عائلي لجميع الاعمار و تقدرون تصطحبون جميع افراد العائله لاكتشاف روعه الحياة البرية عن قرب
طبعا عشان تحمسون اطفالكم ممكن تبدأون تسألونهم قبل الرحلة عن أفضل حيوان بالنسبه لهم مثلا؟ و عن شعورهم يوم يشوفون هالحيوان ؟
وافكار ثانية
شوفو هالفيديو
طبعا الفيديو الأحلى اللي لقيته كان يوم شفت الأطفال والعائلة كلها مستانسين وفرحانين خلال العروض المختلفة اللي تقدمها الحديقة فكل أنحائها
اجمل انواع الطيور و اغربها سبحان الله
مجموعة من البطاريق فائقة الجمال سبحان الله
اجمل انواع البط لتهدئة الاعصاب و الاسترخاء و الاستمتاع
ملك الغابه الاسد القوي
مناظر تجنن لحيوانات حلمنا نشوفها
وإذا تحبون صور ومعلومات اكثر .. ترى الموقع الالكتروني الرسمي لحديقة الحيوانات في العين
بيفيدكم واايد
http://www.alainzoo.ae/
و على مواقع التواصل الاجتماعي
انستغرام
http://instagram.com/alainzoouae
فايسبوك
https://www.facebook.com/AlAinZooUAE
تويتر
https://twitter.com/AlAinZooUAE
جوجل بلس
https://plus.google.com/u/0/112080227508937363084/posts
ان شاء الله يكون الموضوع عجبكم واللي جرب يزور الحديقة بعروضها الليلية يخبرنا عنها
لانهم مسويين وايد اشياء للصيف
والسلام عليكم ورحمة الله وبركاته
