تركيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
بهبهانيه
13-12-2022 - 07:47 am
بسم الله الرحمن الرحيم
بعرض لكم ملخص سريع لرحلتي لتركيا بالويك اند ..
يمكن الكل يستغرب ليش تركيا بالويك اند
بس
اولا المسافه مو بعيده كلها 3 ساعات بالطياره ..
ثانيا .. اللي مايقدر ياخذ اجازه ومحتاج يكسر الروتين ويغيير جو بعيد عن الخليج
ثالثا و المهم ...عروض السفر قد تكون مغريه..

انتظروني


التعليقات (7)
قايد
قايد
في انتظارك ياغاليه
احلى السفرات اللي تجي كذا بليا ترتيبات
تحياتي

yarroo
yarroo
أحس اني ما أقدر أقل من 5 أيام.. ما اشبع منها

aldosee
aldosee
ما الومك تركيا تستاهل العنا

ماجد الفهد
ماجد الفهد
تستاهل ونص
سويتها أكثر من مرة
بس فيها عيب
توجع القلب
وتزيد الهيام
عشق ممنوع أرهق قلبي
الله يعينك

عناقيد الربيع
عناقيد الربيع
بس ويك اند بس
ام
انتي شرات اختي عادي تسافر 3 ايام وتستمتع جدا
اما انا اتكسل وارفض ع طول "ضيعت ع نفسي سفرة تايلاند"
بعد ما ردوا وشفت الصور تحسفت
ناطرين هالتقرير ع احر من اليمر
ابا اشوف السفرة بالويك اند كيف تكون ..؟!

نواف البدر
نواف البدر
جربت السفرات القصيرة في تركيا مره خمس ايام ومره اربع ايام ... جميلة وخفيفه
لكن متعبه لانه وقتك قصير وتحاول تروح اكثر الاماكن ..
بانتظار التقرير

بهبهانيه
بهبهانيه
بسم الله الرحمن الرحيم
اختلفت الاراء بين مؤيد ومعارض .. انا ماعندي اي مشكله لو اسافر يوم واحد وارجع لو وين ما كان
وتركيا قريبه مو بعيده واللي زايرها اكثر من مره مو محتاج يضيع وقته و يومه بزياره الاماكن التاريخيه والاماكن السياحيه
كل اللي نحتاجه راحه واستجمام وشويه تسوق وبس
والحياه حلوه
ليش مصعبين الامور
اليوم الاول 15/5/2014
مثل ما ذكرت سابقا .. احنا حصلنا التذكره بعرض مسوينه الطيران التركي التذكره كانت ب 59 دينار ..
حجزنا كان من شهر فبراير ..
رحلتنا كانت الساعه 6 الصبح
صلينا الفجر وطلعنا عالمطار .. سهالات وماكو زحمه ..

انتظرنا موعد رحلتنا بقاعه الؤلؤ بمطار الكويت

لزوم النوم

ركبنا الطياره

للاسف الطياره مافيها تلفزيون علشان نتسلى بالدرب

طاوله الاكل خربانه

وصلنا بالسلامه الساعه 10 ونص تقريبا والمطار كان زحمه بس تسهلت الامور
اي نسيت اقولكم .. احنا كنا مسوين الفيزا بالنت بدون رسوم للكويتيين .. مادري عن باقي الدول

احنا بعد ما حجزنا الفندق ارسلنا ايميل للفندق انه نبي سياره تستقبلنا بالمطار وشفنا السعر يفرق عن الشركات اللي بالنت مقدار بسيط روحه ورده فاتفقنا مع الفندق عالموعد .. وفعلا السياره ناطرتنا
من مطار صبيحه .. الاعلام كانت منكسه مادري ليش .. بس احنا قبل لا نسافر كان في منجم منفجر وميتين فيه وايد عمال يمكن يكون هذا السبب انه الدوله في حداد

وبالطريق الى الفندق
الصراحه الدرب طويل وزحمه

وصلنا واخيرا ميدان تقسيم

وهذا الفندق
Taksim Hill
عجبني .. الموقع .. الغرفه .. والافطار زين شامل كل شي فيه..

عندهم نظام الغرف .. غرفه تطل عالميدان وغرفه تطل عالبسفور
وسعر اللي عالبحر اغلى
احنا حجزنا اللي عالميدان بس عطونا غرفه مطله عالبحر

حطينا اغراضنا وبدلنا وطلعنا .. قررت استخدم وسائل النقل العامه .. سهله وممتعه ..
قررت نروح جواهر لاني ابي محل هناك ومنها انتغدى ..

اول شي قررنا نسويه انه ناكل ,,, ما فينا طاقه
بالدور اللي كله مطاعم سريعه ..

اخترنا هالمطعم كان شكل الصفايح يشوق

انا اخترت خضار و زوجي اختار لحم وجبن
لزوم التحليه

وهذا المحل .. ابيه ...

دخلنا السوبر ماركت اللي بجواهر وخذينا شويه اغراض .. ماي و عصير وكاكاو
طلعنا من جواهر ردينا الفندق حطينا اغراضنا وطلعنا نتمشى في الشوارع

نسيت اقولكم عن الجو ... الجو حار طول فتره النهار وبالليل شوي برد مو وايد يعني بهالشهر مايو مو محتاج ملابس شتويه نهائيا ...
والشمس تغرب عندهم 8 ونص يعني طول اليوم شمس وحر واصلا الاترك نفسهم لابسين صيفي

صار المغرب و لازم نرجع نصلي
صلينا وريحنا شوي .. وطلعنا نروء عالقهوه والحلو

ما يبيله .. العم حافظ

اخذنا طله عالحلويات علشان نشتري اخر يوم

اجرام
قعدنا على طاوله ... واخترنا قهوه وكنافه

لذيذ
مرينا محل يمه نتفرج علحلويات

طلعنا تمشينا بشارع الاستقلال لحد موعد العشا والنوم
خذينا شي خفيف

ومرينا البقاله اخذنا كولا ولازم اصور انواع الكاكاو اللي مو موجود عندنا بالكويت

وتعشينا بالفندق

من سميت سراي

و برقر حق زوجي

مشترياتنا الخفيفه
وتصبحون على خير



خصم يصل إلى 25%