بوشههد
15-12-2022 - 06:28 am
السلام عليكم ورحمة الله وبركاته ...
عندي استفسار غريب من نوعه
انا قررت اسافر ان شاءالله بعد العيد بأذن الله الى تركيا وببقى فيها عشرة ايام ومن بعدها بروح الى البوسنه و الهرسك بالطياره من تركيا وببقى فيها أسبوع و خاطري اكمل واروح كرواتيا ومن بعد الى ايطاليا
سؤالي كالتالي :-
1-كم المسافة بين البوسنه والهرسك و كرواتيا ؟
2- بكون مستأجر سيارة من البوسنه وبسلمها فى كرواتيا هل تنصحوني بهذا الشي ؟
3-اسم المدينة او خط السير من البوسنه والهرسك
الى كرواتيا ؟
4- الإجراءات المطوبه لدخول كرواتيا؟
5 - قلت بأجر سيارة من كرواتيا الى ايطاليا هل تنصحوني بهذا الشي ؟
6- المسافة بين كرواتيا و إيطاليا ؟
7- خط السير من كرواتيا الى إيطاليا ؟
8- ماذا تنصحوني من مدن ازورها قبل إيطاليا اذا أوجد ؟
9- مدى الأمان والأمن عند المناطق الحدودية والإجراءات المطلوبة لمرور السيارات ؟
1_انت راح توصل للعاصمه سراييفو وبعدها تمسك الطريق و راح تنطلق الى بيهاج اقصى الشمال الغربي تقريبا ثلاثميه وخمسين كيلو راح تقطعها في خمس ساعات علشان الخط سيد واحد والسرعه محدده وراح تمر في ترافينك ويايتسه، من بيهاج لحدود كرواتيا تقريبا خمس واربعين دقيقه هذي اجابة السؤال الاول والثالث.
2_اذا منت راجع للبوسنه، مالك الا تسلمها هناك.
4_الاجراءات بالنسبه لسيارة الأجار، لازم يكون معاك الورقه الخضراء اللي هي التأمين الدولي، بالنسبه لك كشخص، كرواتيا من دول الشنغل ولازم يكون عندك فيزا الشنغل، يمكن فيه إجراءات اخرى، يفيدونك الاخوان.
6_بين كرواتيا وايطاليا دوله اسمها سلوفينيا وتعتمد وين تبي بإيطاليا بس.
هذا اللي اعرفه.
تروح وترجع بالسلامه