ابو ظبي المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
مسافرأبوظبي
17-12-2022 - 10:33 am
أخواني متابعي الرياضة
كلي حماس مع اقتراب كأس العالم .. بالتأكيد بتكون سنة رهيبة!!
اللي ما يقدرون يحضرون المونديال في البرازيل مثلي، نبا ندور على أفضل الخيارات عشان نتابع المباريات هالسنة، وعن نفسي أحب أتابع المباريات مع أصدقائي عشان الحماس ههه،
عشان جي سويت بحث عن أفضل الأماكن اللي الواحد يقدر يتابع فيها المباريات بكل حماس وراحة وبأفضل العروض، وخاصة انه معظمها يكون في فترة المساء وهاي فرصة ذهبية عشان نستانس مع أصدقائنا
وهذه أخواني مجموعة من الأماكن اللي شفتها ممكن تكون مميزة لمتابعة مباريات كأس العالم في
فندق شانغريلا، قرية البري
وبعد عندكم خيار ثاني .. واللي هو
فندق شانغريلا، قرية البري
خيمتهم لها طابع عربي مميز مزودة بكل وسائل الراحة عشان تتابعون كأس العالم
وعندهم توزيع صوت رهيب وصورة من اوضح ما يمكن عشان تستانسون بفوز فريقكم .
والجميل بعد ان الخيمة فيها جوائز وعروض مثل ربح طاولة لستة اشخاص والاستمتاع بالطعام والشراب اللي تصل قيمته ل درهم.
ان شاءالله اروح هالخيمة وأفوز بشي من هالجوائز ههه
بالنسبة للأسعار:
الدخول 85 درهم شاملة قسيمة مشروبين منعشين يعني سعر حلو جدا.
إذا تحبون تتعرفون على تفاصيل أكثر تقدرون تتصلون على هالرقم
8وهاي الخريطة
قاعة دو في جزيرة ياس
قاعة دو من الأماكن الحلوة اللي تقدرون تحضرون كأس العالم فيها، وهي قاعة غنية عن التعريف بموقعها المميز والجو الحلو اللي تقدرون تستانسون فيه.
وهالسنة
بتتحول قاعة دو لأضخم قاعة لعرض مباريات كأس العالم في أبوظبي، ولا تنسون بعد انها تحتوي على قسم تراثي وبازار للي يحبون التسوق بعد المباراة او حتى تحبون تتمشون شوي خلال الشوطين.
وللي عنده أولاد الحلو بعد أن القاعة فيها منطقة للعب الأطفال واللي تقدرون تستغلونها خلال المباراة عشان تستمتعون بوقت اكثر راحة
ومن موقعهم الالكتروني أخواني تقدرون تعرفون تفاصيل أكثر
جميرا في ابراج الاتحاد
اكيد في وايد منكم للحين ما زارو جميرا في أبراج الاتحاد، فأنصحكم تجربونها هالصيف وخاصة عشان اتابعون مباريات كأس العالم فهالمكان الروعة!
في أبراج الاتحاد تقدرون تتابعون المباريات وانتوا جالسين قريب البركة فأجواء وايد حلوة وطبعا مجهزينها بشاشات كبيرة ونظام صوت مميز عشان تندمجون مع المباراة لابعد حدود
وبعد تستانسون بأشهى المأكولات من مطعمهم المشهور نهام اللي محضر "منيو" خاص بكأس العالم
أحاول اتخيل الأطباق اللي ممكن يقدموها !!
ولمعلومات أكثر أكيد تقدرون تتصلون على
5أو إذا تحبون تتعرفون على الأبراج موقعهم تقدرون تقرأون هذا الموضوع السابق https://artravelers.com/p/re/898373
فندق وسبا القرم الشرقي أبوظبي
وللي يحبون يحضرون المباريات لكن فمكان بعيد عن الزحمة .. اكيد بيكون القرم الشرقي هو مقصدكم عشان تستانسون وانتوا تشجعون فريقكم المفضل بجو حلو وممتع
جلستهم بتكون على سطح الفندق ومع المنظر الخلاب والخدمة المميز أكيد بيكون هالمكان واحد من خياراتكم عشان اتعيشون جو المباريات وتكون ليلتكم مميزة بعد
بالنسبة لي أحس هالمكان من الأماكن اللي احب أجربها وخاصة انه متابعة المباراة بتكون مميزة.
وهذا أخواني رقمهم عشان تتصلون وتحجزون أمسيتكم
0أوتقدرون تقرأون عن الفندق والسبا في موضوع أخوي عامر لمعلومات أكثر هني https://artravelers.com/p/re/905438
والحين وقت السؤال المهم أخواني :
شو فريقكم المفضل هالسنة وشو المكان اللي بتختارونه عشان تشجعون فريقكم المفضل؟
شاركوني


التعليقات (9)
abood_uk
abood_uk
تسلم اديكم اماكن مميزه لمتابعة كاس العالم
و انا من مشجعي الفريق البرتقالي هولندا

مسافرأبوظبي
مسافرأبوظبي
الشكر لك أخوي https://artravelers.com نورت الموضوع
هولندا فريق جدا قوي هذه السنة وما شاء الله عليهم في لهم فرصة كبيرة يوصلون النهائيات

مسافرأبوظبي
مسافرأبوظبي
البارح جربت قاعة دو لمباراة المانيا والبرتغال
المكان كان كثير حماسي لمتابعة المباريات ومع ان المباراة كانت حماس من طرف واحد ههه
مبروك لالمانيا
لكن نصيحة تجربوها في كأس العالم

توبليرون
توبليرون
يعطيكم العافية خوش اماكن
بس احس الواحد بيقعد يصارخ ويندمج بالمباراة
والاماكن العامة بتحد من تشجيعه ههه
شكراا لكم

مسافرأبوظبي
مسافرأبوظبي
ههه صحيح كلامك أختي توبليرون
لكن مثل هيك اماكن متخصصة... ما تفرق فيها اذا تحمستي زيادة للمباراة بالعكس الغريب اللي يجلسون وما يشجعون
فالكل حولك متحمس معك
وما حد ينتبه على الثانيين
خدي راحتك المباراة الجاية ولا يهمك ههه

توبليرون
توبليرون
ههه يمكن
جربتها في لندن كانت اخر مباراة
وقعدنا بمقهى انا قعدت بره
بس شفت الشباب
والله يضحكون تشوفهم يتحمسون بس مايقدرون
يبدون رايهم حييل
يعطيك العافيه

قايد
قايد
اخوي مسافر
تتميز دائما بما تقدم
وطرحك جميل ورائع للمواضيع
تحياتي يا راقي

مسافرأبوظبي
مسافرأبوظبي
أختي تبليرون احب احييك على روحك الطبية
احيانا استغرب من اللي يروحون مباراة ويجلسون مثل اللي يحضر حفلة كلاسيكية او يحضر مؤتمر
ما في أجمل من الانسان يكون على طبيعته ويتصرف باحساسه بهذه الدقيقة
انا بالنسبة لي اذا احببت اوقف بمنتصف الشارع واصيح لفرحتي ما بقصر ههه

مسافرأبوظبي
مسافرأبوظبي
أخوي قايد يا هلا فيك نورت الموضوع
الشكر لك ولتواجدك معنا
لكن ما خبرتنا مين تشجع هذه السنه؟


خصم يصل إلى 25%