ابو ظبي المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
مسافرأبوظبي
16-12-2022 - 12:31 am
السلام عليكم ورحمة الله وبركاته
أصبّح عليكم أخواني
عساكم بخير؟
مفاجآت هالصيف ما تخلص، وطبعا أخوكم"اللي هو أنا ههه" من الناس اللي تدورعلى المفاجآت وين ما كانت وخاصة الرياضية
البارحة اكتشفت وحدة من النشاطات المائية اليديدة اللي أحب أجربها فأقرب فرصة ممكنة، وهي مغامرة أكثر من إنها نشاط، وبصراحة أحس إنها تجربتين ف وحدة..
تجربة الطيران والسباحة فنفس الوقت .. ام تحمستوا ؟؟؟
هالمغامرة أو النشاط إسمه ..
فلاي بورد Fly board
إذا كنتو تحبون المغامرة والحماس مثلي، أكيد هاللعبة بتعجبكم
فلاي بورد هي أجدد وسيلة للترفيه في البحر، تعطيكم قدرة إنكم تطيرون في السماء وتغوصون في مياه الخليج مثل الدلافين.
يقولون بتسبح مثل السمكة … لكن مع فلاي بورد أحس بتسبحون بسرعة ورشاقة مثل الدلافين
شوفوا هالفيديو البسيط عن فلاي بورد
https://www.youtube.com/watch?feature=player_embedded&v=m4Bm3cs9TFo
تعمل فلاي بورد Fly board بنظام تشغيل يسمح للماء المضغوط بدفع الجهاز اللي تلبسونه على الماء حسب السرعة والقوة اللي تفضلونها.
قوة دفع الماء الكبيرة بتخليكم تتحكمون بإرتفاعكم فالسماء وتغوصون في الماء وتتشقلبون وتسون حركات بهلوانية …
هاللعبة أو المغامرة موجودة حاليا ف جزيرة ياس ..
والحلو إنكم تقدرون تجربونها أي وقت من:
1صباحا- 6 مساءا
ومن:
الإثنين – السبت
ويفضل انكم تحجزون من قبل.
اما عن الأسعار فهي بالباقات والأسعار التالية:
0دقيقة فلاي بورد – 300 درهم إماراتي (82 دولار أمريكي) للشخص الواحد
0دقيقة فلاي بورد- 500 درهم إماراتي (136 دولار أمريكي) للشخص الواحد
واو… رهيب صح ؟!!!
الحلو بعد أنه في خصومات خاصة للمجموعات المكونة من 5 أشخاص وأكثر يعني تقدرون تروحون مع أصحابكم عشان تستانسون أكثر كمجموعة.
وللي يحب منكم يعرف معلومات أكثر، ممكن تزورون الموقع الالكتروني http://www.flyboards-uae.com/
للاتصال :3071 817 050
شرايكم؟؟ تتفقون معاي إنها تجربة مائية فريدة من نوعها.
إذا فكرتو فيوم في شعور الكائنات البحرية وهي تقفز فوق البحر وترجع لأعماقها أعتقد الحين تقدرون تعيشون التجربة بنفسكم.
شو رايكم ؟ تجربونها ؟؟


التعليقات (8)
سعود بن محمد
سعود بن محمد
مغامرة ممتعة و تستحق التجربة. كل الشكر و التقدير لك، لإتحافنا بكل ما هو جديد.

مسافرأبوظبي
مسافرأبوظبي
الشكر لك أخوي مسعود
ان شاء الله نقدر نجربها ونعمل تقرير اكثر تفصيلا عنها

Usas
Usas
تجربة جديدة وممتعة , يعطيك العافية

مسافرأبوظبي
مسافرأبوظبي
شكرا أخوي Usas
شو رأيك ممكن تجربها؟ هل عندك الجأي لتجربها؟

abood_uk
abood_uk
بصراحه جدا متشوق لتجربة ال flyboard و فيديو اليوتيوب كتير رائع و ارغب بالذهاب حالا لتجربتها
مشكورين جدا

مسافرأبوظبي
مسافرأبوظبي
اول طيارة وتكون عندنا ان شاء الله
بس بالفعل تجربة مميزة لازم تجربها

Usas
Usas
مسافرأبوظبي
بصراحه , شيء ممتع بس مادري ليش تذكرت شخصية بفيلم سبايدرمان

مسافرأبوظبي
مسافرأبوظبي
ههه بالفعل أخوي Dr. octopus
احيك اخوي على قوة الملاحظة هذي
واظن ما في احد بالفيلم ما فكر كيف يكون الشعور اذا كان عندك مثل هذه القوة
والحلو ان الاماني تتحقق ههه


خصم يصل إلى 25%