- أو تشوفون الموقع الإلكتروني
- http://www.zsc.ae/ar/14/facilities/khalifa-int.-bowling-center//
السلام عليكم ورحمة الله وبركاته
الصيف قرب
وبما إن جونا حار فأنا عن نفسي أحب أدور دايما على نشاطات ممتعة تبرد علينا حر الصيف ..
استقبلت اولاد أختي يوم السبت وقررت أخذهم فرحلة جميلة، نختار فيها أماكن يستانسون فيها ويجربون شي جديد. وخيارنا كان
صالة تزلج مدينة زايد الرياضية
الصراحة ماجربت التزلج على الجليد من قبل بس لقيت إنها تجربة جميلة والأولاد استانسو فيها
اول ما وصلنا حلبة التزلج انعجبت بمساحتها الأولمبية اللي تعطيكم فرصة انكم تتزلجون بكل راحة مهما كان عدد الزوار، وكان في اثنين باين عليهم انهم محترفين تزلج وجلسنا نتابع حركاتهم المحترفة وتمارينهم الشيقة
بدأنا الإستعداد عشان نتزلج وطلبنا مرافقة مدرب عشان يعلم الأولاد الدروس الأساسية في التزلج، الدروس اللي تعلمناها من المدرب مهمة جدا للمبتدأين ومنها:
التزلج بخط مستقيم وعلى شكل وطريقة حماية انفسنا عند الوقوع وغيرها من الامور.
وكانت تجربة جدا ممتعة والجميل انه عندهم مخيم ترفيهي للأطفال في الصيف ..
اذا تحبون تجربون بنفسكم تقدرون تستفسرون أكثر على الرقم
32 971+
أو تشوفون الموقع الإلكتروني
http://www.zsc.ae/ar/13/facilities/zayed-sports-city-ice-rink//
وفي بعد حلبات تزلج على الجليد في مارينا مول والعين مول http://www.alainmall.com/2010/ice-rink.html اذا تحبون اماكن ثانية قريبة عليكم
بعد الغذاء والاستراحة لبعض الوقت في المطعم الموجود فوق فصالة التزلج
قررنا نكمل رحلتنا في مدينة زايد الرياضية ونزور
مركز خليفة الدولي للبولينج
اللي هو مجمع رياضي ضخم وفيه العاب فيديو وبولينج وبلياردو
وأظن هالمكان من اكبر صالات البولينج في أبوظبي وفيها بحدود الأربعين مسار للبولينج
المكان وايد حلو ومرتب وفيه .
مسارات البولينج الكثيرة
صورة لترتيب الصالة والمساحات اللي يقدمها كل مسار
مكان مميز بالفعل
إذا تحبون تحجزون تقدرون تتصلون على هاتف: +
أو تشوفون الموقع الإلكتروني
http://www.zsc.ae/ar/14/facilities/khalifa-int.-bowling-center//
وإذا تحبون البولينج ترى في أمكان كثيرة فأبوظبي تقدرون تختارون منها مثل: نادي وفندق ضباط القوات المسلحة و نادي أبوظبي الرياضي و طبعا في فروع بالمولات "مدينة البولنج" على "أبو ظبي مول" و"الخالدية مول" و"المارينا مول"، بالإضافة إلى فرع آخر في "العين مول http://visitabudhabi.ae/ar/What.to.do/Shopping/Shopping.malls/Al.Ain.Mall.aspx".
البولينج والتزلج ممتعين للكبار والصغار ..
كان يوم ممتع للأولاد واستانسوا وايد ..
ان شاء الله تشاركوني أكثر عن رحلات الممتعة مع اطفالكم
وان شاء الله تكونون استفدتم من تجربتنا
ودوما امارة ابو ظبي سباقة في كل ماهو جديد وغريب