بانكوك المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
kuwaitiya__84
13-12-2022 - 09:16 am
مساء الخير بالغاليين
من بعت سفرتي العام تايلند كنت متخوفه منها بس بصراحه استفدت وايد من تقارير اخوي بو دانه ولد البحرين وتاي بن تاي وغيرهم وانشالله هالسنه قررت اروح لها صارت معشوقتي ومعشوقة زوجي وعيالي ادمان من نوع تايلندي
وطبعا مانقدر نستغني عن ارائكم وتجاربكم
اولا بتكون فتره اقامتي في بوكيت 11 ليله وحصلت عرض حلو من بوكينغ على فندق هوليداي ان اكسبرس باتونغ بيتش الغرفه القياسيه والغرفه بحجم كنغ شامل الافطار 180 للغرفه الواحده انا راح اخذ ثنتين لانه معاي عيالي وبخانه الملاحظات بطلب تكون غرف كونكت بس سؤالي شنو الفرق بين الغرفتين وبنفس السعر
وثانيا عندي استفسار عن فندق بانكوك اسمه pantip suites جناح ديلوكس بغرفتين نوم شامل الافطار لاربعه بالغين 4 ليالي ب105 منو مجرب هالفندق واكثر اراء النزلاء انه فندق حلو ياريت احد يفيدني عنه قبل لا احجز
وشاكره لكم


التعليقات (5)
حمزه علي
حمزه علي
ما اتقد الفرق كبير
بس ربما في حجم الغرفة
والباقي ان شاء الله الاخوان يفيدوكي فيه
ورحلة سعيدة

ABO-TALLAL
ABO-TALLAL
فية فندق خلف اكسبرس اسمة ذا ناب احجزي فية وراح تدعيلى علية خصم اكثر من 50 %فندق خرافي ونظيف وخدمة رائعة ويصلح للعوائل

kuwaitiya__84
kuwaitiya__84
ABO-TALLAL
يعطيك الف عافيه اخوي بو طلال الفندق حلو عجبني بس احسه مو مال يهال ههه انشالله حق سفره شهر عسل يديده

BoMubarak83
BoMubarak83
حياج الله اختي
من وجهة نظري افضل فندق في بانكوك هو
Eastin Grand Hotel Sathorn
فندق نظيف جدا جدا و راقي بمعنى الكلمه مرتين سكنت فيه
مره مع زوجتي و مره بروحي
واذا فكرت اني اروح بانكوك مستحيل اسكن في غيره
ستاف متعاون وممتاز
وخصوصا ان بالفندق يكون الدور الثالث كونيكتد مع محطة القطار ابد من الغرفه لي المحطه ههه يعني التكاسي انسوها الا اذا بتروحون رحلات او اماكن بعيده
غالبا تكون اسعار الفندق 30 دينار بالليله
تقييمي للفندق 100
وبالنهايه القرار لكم
بالتوفيق

BoMubarak83
BoMubarak83
وعلى فكرة
في مكان للاطفال


خصم يصل إلى 25%