الامارات المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
راهية دوم
04-12-2022 - 12:04 pm
السلام عليكم ورحمة الله وبركاته
بداية أشكر الاخوان الي جاوبوا على استفساري في قسم الاستفسارات عن الفيزا الأمريكيه, والله يجعلها حسنات في ميزان أعمالكم باذن الله.
دخلت موقع السفاره الأمريكيه الي هو
http://abudhabi.usembassy.gov/niv/main.html
الفورم من موقع http://usvisa-info.com
والأفضل اتسوون لكم حساب من الموقع نفسه علشان تقدرون تدفعون الرسوم بدون جهد أو أي تعب.
وفعلا تم التسجيل ودفع الرسوم واخترنا موعد يوم 8/5/2014 أي بعد التسجيل بأسبوعين في السفارة الأمريكية في أبوظبي.
طبعا وصلنا وتفاجانا بالاجراءات الأمنية الي هناك , ممنوع الموبايل وممنوع تدخل اي شنطه او اي شي معك, انت وجوازك فقط وطبعا الي ماخذ معاه مستندات.
المهم دخلنا واول شي ايشوفون الطلب الي نحن امسوينه بعدين انروح للمقابله وكانت روتينيه وسهله جدا والي كانت عالكاونتر روعه ومبتسمه وبنفس الوقت قالتلي مبروك وافقنا على تأشيرتكم وبيوصلكم ايميل انا ارسلنا جوازاتكم بالامبوست والجوازات بتوصلكم بعد يومين.
استانست وايد لأني ماتوقعت بالسرعه هاذي على حسب ماسمعت من البعض انهم معقدين وبتتاخر الفيزا ولا تذكرين ان عندك احد هناك الخ الخ الخ ,, الحمدلله الله سهلها وخلصنا وطلعنا.
وفعلا الجوازات وصلتني بعد يومين مع اني ساكنه بالامارات الشماليه ولاتاخرت.
حبيت اخبركم بالنسبه لمواطنين دولة الامارات مافي داعي تاخذون كشف من البنك ولا اي اوراق رسميه ولا مستندات غير جوازاتكم.
لأنهم مااطلبوا علينا أي شئ,,, وبالنسبه للفيزا عطونا اياها لمدة 10 سنوات .
حبيت كذلك الفت انتباهكم الى ان الحجز على طيران الاتحاد يسوون شيك أب لمطار نيويورك من مطار ابوظبي , فبتخلص اجراءاتك من مطار ابوظبي اقصد الاجراءات الامنيه الي ياخذونها عادة في امريكا , فبتكسب الوقت وبترتاح نفسيا وبتوصل هناك اجراءات عاديه وبس.
انا شخصيا كنت حاجزه على طيران الامارات ويوم عرفت هاي الميزه على طيران الاتحاد غيرت الحجز وحجزت على طيران الاتحاد....
ممتنه لطيران الاتحاد على هالخدمه الرائعة,,,
وشكرا لكم


تأشيرة
التعليقات (7)
anthony777
anthony777
بدأ تطبيق هالشي؟؟ أنا سمعت ان من مطار دبي بعد راح يكون في تسجيل دخول لأمريكا قريبا ،،، حلوه للمسافرين من الامارات علي الاتحاد ، تسجل وتبصم وتخلص الجمارك وتريح مخك، وما عليك غير أخذ الشنط لما توصل أمريكا!

سوسو الصغيرة
سوسو الصغيرة
السفارة الامريكية في ابوظبي اجراءاتها اسهل من القنصلية اللى في دبي
من كمن يوم اسمع في الراديو دعاية طيران الاتحاد و عن الميزة الحلوة اللى سووها في مطار بوظبي
رحلة موفقة

فيصل
فيصل
وعليكم السلام ورحمه الله وبركاته
شكرا لك لذكر تجربتك
ينقل لبوابه التأشيرات
وشكرا

راهية دوم
راهية دوم
anthony777
نعم بدأ التطبيق لهالشي واختصرنا الجهد والوقت

راهية دوم
راهية دوم
سوسو الصغيرة
بالفعل اجراءات السفاره الامريكية في ابوظبي اسهل من دبي , وهاذي كانت نصيحة صديقتي

راهية دوم
راهية دوم
فيصل
العفو استاذ فيصل واسفه اني وضعت التقرير بالمكان الخاطئ

tab_el
tab_el
مبرووك الفيزا ..
ماشاء الله على طيران الاتحاد سباقين عقبال الطيران الخليجي كله ..
يعطيك العافية على مشاركتنا التجربة
رحلة سعيدة ..


خصم يصل إلى 25%