عام المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
سمو بذاتي
18-12-2022 - 03:38 am
السلام عليكم ورحمة الله
اخواني و اخواتي اعضاء العرب المسافرون
ارجو ذكر تجاربكم في السفر خارجيا مع الاطفال
شاكر و مقدر


التعليقات (9)
Usas
Usas
وعليكم السلام
موضوع جميل , انا اشوف السفر مع الاطفال (اكبر من سن 5 او 6 سنوات) شيء ممتع ومسلي , ولكن الصغار بالعمر والرضع السفر معهم مشقة وارهاق
تحياتي ,,,

اابو هديل
اابو هديل
Usas
صدقت
الاطفال دون الاربع سنوات متعبين .. من تجربه
لكن افضل السفر مع العائلة اكثر من الاصدقاء

فهد المنيع
فهد المنيع
بشكل عام الاطفال تحت سن 5 سنوات السفر تعب عليهم وعليك
تبدأ المشاكل من الطائرة لان الطفل الصغير ما يتحمل يجلس في المقعد لعدة ساعات وهذا الامر يسبب حرج للعائلة امام الركاب
الامر الثاني ان بعض الدول السياحة فيها عبارة عن رحلات بحرية او رحلات سفاري وغيرها من الانشطة الخارجية وهذي ما تناسب الاطفال نهائياً
اما الدول اللي اغلب سياحتها مراكز تجارية وملاهي ومرافق مغلقة مثل دبي فوجود الاطفال ما يشكل مشكلة حتى لو كانوا رضّع .
ولكن في كل الاحوال الاطفال ملح الرحلة ووجودهم رغم انه متعب للوالدين الا انه مصدر سعادة وفرح .
الله يحفظ الجميع

mr.fawaz
mr.fawaz
متعب جدآ جدآ عليك و على ا طفال
لكن مع ذلك ما اقدر اسافر بدونهم

FANDA
FANDA
يعتمد على نوع السفره وطبيعة الأنشطة في الدوله الي رايحينها
بس بشكل عام اقل من 4 سنوات متعبين جداً

سمو بذاتي
سمو بذاتي
شكرًا من الأعماق لك من الأخوة الذين تفاعلوا.. وبانتظار البقية وحبذا لو يكون هنالك بعض الأمثلة الواقعية.

هاوية الاسفار
هاوية الاسفار
موضوع حلو و مفيد
بالنسبه لي انا شخصيا ما اقدر اسافر ابداَ ابداَ من غير عيالي جربت اسافر وياهم بالسياره و الطياره
و اول سفره كانت يوم ولدي عمره 6 شهور بالسياره و سنه بالطياره
بالعكس احس براحه تامه و انا اشوفهم جدامي و عادي عندي جدا اذا تعبوني صح اني اعصب و اتضايق
بس بعد احس انه من حقهم يسافرون و يستمتعون ويانا و خاصه يوم نرجع من السفره و نشوف الصور و نتذكر الايام الحلوه
و هذا رأيي الشخصي و وايد ناس ما يأيدوني بكلامي

تلومني الدنيا
تلومني الدنيا
نفسيا اريح
جسديا تعب
لكن يعتمد على صبر الوالدين وطبيعة الطفل
كل سفراتنا عائلية وماتكمل بدونهم
ربي يحفظ لي ولكم

Senyora
Senyora
الأطفال هم الي يحلون السفر .. يعني تقدرون تقولون السفر معاهم متعة ، وبعدين يعتمد على المجموعة
اذا متعاونين و فيهم صبر عادي بس اذا بتعصبون على كل شي يسوونه احسن لهم يتمون في البيت
احنا ما نسافر بدونهم ، عيال أخواني أصغر واحد عمره اقل من سنه وفي اللي اعمارهم سنتين وشوي وفي 7 وفي 12
مرة مرضت بنت اخوي وديناها المستشفى وعادي تعالجت الحمدلله ماصار شي
أكرر أهم شي يكونون أهلهم متعاونين لأن في ناس يأزمون الوضع بدل لا يتعايشون معاه وهذا
شي متعب نفسيا بدل لا تستانس تنكد على روحك


خصم يصل إلى 25%