تايلاند المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
perthachy
10-12-2022 - 11:13 pm
  1. السلام عليكم,


السلام عليكم,

أنا من كتر المواضيع و التدوير حاسس اني تايه خلاص , فياريت تساعدوني , احسن دي اول مرة اسافر دولة تانية و في نفس الوقت ده شهر عسل في مش هيكون محتاج لخبطة , نفسي كل حاجة تكون متظبطة ان شاء الله. و هي هتكون في شهر 8 ان شاء الله
عندي بقا شوية استفسارات لترتيب الرحلة يا ريت تساعدوني
1) اول حاجة محتار بين اني اقضي 2 ليلة في فيلا خاصة بحمام سباحة خاص و كنت مختار Two Villas
Holiday Oxygen Nai Harn Beach بعد كده 4 ليالي في فوكيت بعد كدة 4 في بانكوك
او اغير الترتيب ده و اخلي 4 ليالي فوكيت و 3 شنماغاي و 3 ليالي بانكوك . بس صراحة انا مائل للاختيار الاول لان ده شهر عسل
2) ايه بقا رايكو في الفندق two villas holiday oxgygen , و لو في فنادق تانية فيها حمام سباحة خاص بس تكون تكلفتها مش عالية
3) عايز فندق كويس في فوكيت و في بانكوك و يكون نضيف اهم حاجة لاني سمعت ان الحشرات هناك شىء عادي و يا ريت لو 4 نجوم
4) الطيران هيكون من مصر , الافضل اني اسافر من مصر لفوكيت و بعد كدة من فوكيت لي بانكوك بعد كدة من بانكوك لي مصر و ده هيكون طيران الامارات او قطر و في حل تاني اني احجز ذهاب و عودة من مصر لي بانكوك و برده احجز ذهاب و عودة من بانكوك لفوكيت , صراحو انا محتار و مش عارف
5) الطيران الداخلي أير اسيا ارخص بكتير من طيران بانكوك او تايلاند الوطني , بس سمعت انهم بيعوضو ده من حمولة الشنط و بيخدوا فلوس اكتر , فانهي فيهم الافضل
6) صراحة انا بحب اكون مرتب كل حاجة من الاول, فكنت عايز اعرف لو ممكن احجز الرحلات في فوكيت و بانكوك من هنا قبل السفر ولا لأ, و في نفس الوقت التكلفة مش تكون اعلي بكتير , فلو في مواقع شركات ممكن احجز منها لاني شركات السياحة في مصر غالية اوي
7) تقريبا المفروض يكون معايا فلوس اد ايه غير الفنادق و الرحلات , قصدي لماصريفنا الشخصية اكل و مشتريات
8) اخر حاجة ادعولي بقا ربنا يوفقني
مستني ردودكم


التعليقات (3)
GLIDAN
GLIDAN
انا زيك تقريبا .... وهستنى معاك ردود الاخوه
على فكره بجد المنتدى اكثر اكثر من رائع واستفدت منه كتير قوى

perthachy
perthachy
بما ان مفيش حد رد عليا و انا تايه خلينا نركز في اول خطوة لو حد ممكن يفدني في اول خطوة اللي هي حجز الطيران
4) الطيران هيكون من مصر , الافضل اني اسافر من مصر لفوكيت و بعد كدة من فوكيت لي بانكوك بعد كدة من بانكوك لي مصر و ده هيكون طيران الامارات او قطر و في حل تاني اني احجز ذهاب و عودة من مصر لي بانكوك و برده احجز ذهاب و عودة من بانكوك لفوكيت , صراحو انا محتار و مش عارف
5) الطيران الداخلي أير اسيا ارخص بكتير من طيران بانكوك او تايلاند الوطني , بس سمعت انهم بيعوضو ده من حمولة الشنط و بيخدوا فلوس اكتر , فانهي فيهم الافضل

perthachy
perthachy
الحمد لله بععد تدوير كتير استقريت علي 4) اروح من القاهرة لبانكوك و من بانكوك لفوكيت و من فوكيت لبانكوك تاني و من بانكوك للقاهرة ان شاء الله و ده ليه بقا ان المسار ده ممكن اوصل بانكوك ان شاء الله الساعة 8 الصبح و مسافة اجراءات الشيك اوت و ان اروح المطار القديم ممكن الحق طيارة اير اسيا الساعة 1:30 يعني اكون في فوكيت ان شاء الله علي الساعة 3 العصر
لكن المسار التاني هوصل فوكيت 10 باليل بعد العشاء يعني و كدة يوم ضاع و هما يدوب 10 ايام بالكتير
5) قررت اخد اير اسيا ان شاء الله اصل الوزن و المواصلات من المطار الجديد للمطار القديم اقل من الفرق في تيكت واحدة
6) انا لقيت الناس بتقول بلاش حجز الرحلات من علي الانترنت , و الاكشاك افضل , بس انا كنت بفكر احجز من علي الموقع بتاع الرحلة مثلا دريم ورلد ادخل علي الموقع بتاعهم و احجز منه , بس قلت استني لما اروح ان شاء الله.
انا كدة جوبت 3 اسئلة من 8 اسئلة ساعدوني بقا في الباقي


خصم يصل إلى 25%