السلام عليكم ورحمه الله وبركاته
باذن الله ناوين السفر لسيريلانكا وتم الحجز علئ الخطوط السعوديه
الذهاب الاربعاء بتاريخ 28 / مايو / 2014
والعودة الاحد بتاريخ 7 / يونيو / 2014
وباذن الله راح يكون وصولنا لسيريلانكا الصباح علئ الساعه 10 ص
والعودة الساعه 11 ص
المسافرين انا و زوجي
ترتيب سفرتنا:
ليلة نيقمبو - 3 ليالي كاندي - 3 ليالي نوراليا - 2 ليالي كولمبو .
استبعدنا بنتوته لطول مسافه الطريق ولضيق الوقت كذالك نبي ال 10 ايام تكون مريحه مانبي نقضي الرحلة كلها مشاوير وتعب
وبنفس الوقت نبي ناخذ الوقت الكافي بكل مدينه خصوصا كاندي و نوراليا
اما كولمبو الهدف منها التسوق لاغير
و نيقمبو محطة راحه ونوم بعد السفر
ابي مشورتكم بخصوص كاندي ونوراليا وش الزين والشين فيها وش الاماكن اللي تستاهل زيارة
يعني ابي كل ماعندكم من اقتراحات بهالمدينتين
تهمنا الطبيعه والاستجمام والرياضات المائيه والصناعه وغرائب البلد
وياليت تستثنون من اقتراحاتكم اي شي يتعلق بالحيوانات او المعابد لانهم مايهموونا نهائي ولا نبي نضيع وقت علئ فيل يمشي ولا قرد يناقز
كذلك ابي اقتراحاتكم بالفنادق الزينه بس معقولة بالسعر يعني مايتعدا ال 600 ريال ولو يحصل اقل احسن
وبالنسبه لنور اليا اتذكر قريت باحد التقارير عن فندق او منتجع عبارة عن اكواخ عند بحيرة
ياليت اللي يعرف اسمه او موقعه بالويب يعطين اياه
لاني ضيعت التقرير اللي يتكلم عنه
ونبي سواق يتكلم عربي ضروري و يكون امين ولو يتبع مكتب يكون احسن عشان لو لا قدر الله وحصلت مشكلة يكون فيه احد نلجأ له او يغير لنا السواق
و شاكرة لكم جزيل الشكر