النمسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
abo norah2013
17-12-2022 - 03:23 am
السلام عليكم ورحمة الله
(اهل الخبره )
أنا ساكن في كابرون لمدة 8 ايام كامله ماني عارف اسوي مخطط لكل يوم
ودي يكون المخطط منسق ومرتب على الاتجاهات (يعني اذا بدينا شمال نروح كل المناطق السياحيه اللي بالشمال وهكذا .......ما ابي واحد في الشرق والثاني بالغرب )
قرية هايدي في النمسا والا في سويسرا ؟
والله يعطيكم العافيه


التعليقات (2)
وليد الرس
وليد الرس
قرية هايدي فيه بالنمسا وفيه بسويسرا
اللي بالنمسا جنوب النمسا وهي التقليد
حوالي 200 كيلو عن كابرون
الاصل موجود بماينفلد شرق سويسرا وقريبه من حدود النمسا من جهة الغرب تبعد عن كابرون 350 كيلو
الجدول
انتظر علي شوي

وليد الرس
وليد الرس
ياهلا يابو نوره
جدول مرتب ويوفر وقتك وفيه اماكن متنوعه وليست متكرره
اي مكان ماتعرفه من اللي بقوله
اكتب اسمه بقوقل وبتشوف تقارير عنه
اي مكان تبي تشوف صورته
اكتب اسمه بقوقل صور وبتشوفه
اي مكان من اللي اقوله لك تبي تشوف يوتيوب عنه
اكتب اسمه بالانجليزي وروح اليوتيوب
بسم الله نبدأ
اليوم الاول
التشك ان حقكم راح يكون الساعه 2 او 3 الظهر
راحه وشراء مسلزماتكم من بيلا كابرون
مثل بنده حقتنا
وانتبه تراها تغلق بدري ضبط امورك بكل ماتحتاجه من بدري
اذا عندك وقت روحو لسنتر زيلامسي وتمشو فيه او البحيره
اليوم الثاني
بحيرة زيلامسي
يخت بحيرة زيلامسي BOAT TRIPS ON LAKE ZELL
بعدها ترجعون تقريبا عالظهر أركبو السياره وعلى سالفيدين (الزحليقه الصيفيه))
Saalfelden
بعد الزحليقه فيه بحيره قريبه منها
بحيرة Ritzensee
بعدها بأمكانك الذهاب الى حديقة ثمر باخ والمواجهه لبحيره زيلامسي بالضفه الاخرى
اليوم الثالث
زحليقة كابرون
بعدها تطلع على شلالات زغموند كلام
وهي عباره عن شلالات وممرات خشبيه تنقلك بين مناظر رائعه وبعد التنقل بين هذه الممرات الخشبيه تصل ألى بحيرة كلام سي وهاذي صورتها
أطلعو على قمة جبل كابرون
وهي قريبه من موقف سيارتكم تقريبا 10 دقايق على نفس الطريق
بعدها روح وألى بحيرات وسد كابرون الأصطناعيه
بتركبون تلفريك جماعي كبير ياخذ تقريبا 40 شخص
أسمها
HIGH ALTITUDE RESERVOIRS
اليوم الرابع
جنوب كابرون
صباحا على قرية هايدي
وهذا تقرير عنها
https://artravelers.com/p/re/484150
وهذا فيديو اعجبني لقرية هايدي بالنمسا
&


خصم يصل إلى 25%