طلال ابو نايف
15-12-2022 - 02:59 pm
السلام عليكم ورحمة الله وبركاته
اولا مشكورين جميعا اعضاء المنتدى ع مجهودكم الجبار الملحوض بالمنتدى لا خلا ولا عدم منكم
وثانيا : عندي زيارة الويك الويك اند الجاي للبحرين مع العائله ولأول مرره بننام فيها ووددي بمساعدتكم لترتيب الجدول علشان استفيد من كل دقيقه
حجزت ليلتين بمنتجع اليت سبا سعره معقول وشامل الافطار عن بوكينق
وابي افخم مطعم موجود بحثت بالمنتدى ولقيت بوشيدو الياباني ها تنصحوني فيه او فيه افضل ما ابغى مطاعم اللي بالمجمعات او الفنادق
واذا في مطعم شعبي سبيشل للعوائل
او مطعم نفس نظام فيش ماركت اللي بالبندر اللي تختار المكونات والشيف اللي يطبخها قدامك
كيف المدينة المائيه تصلح للزيارة
ووش تنصحوني اروح اماكن مميزه ياليت تعطوني كم اسم انا اروح للبحرين كثير بس دائم اكون بالسيف او السيتي ومن ثم امواج او الريف ثم ارجع او اذا كان الوقت صباح اروح لمقاهي ومطاعم العدليه
اعذروني على الاطالة وعلى تشتيت الأفكار اهم شي فاهميني
مانستغني عنكم وعن تجاربكم واقتراحاتكم
وعليكم السلام ورحمة الله وبركاتة
العفو هذا واجبنا لكم
ان شاء الله تروحون وتجون بالسلامة يارب
منتجع اليت لابأس به ولكن يوجد الافضل منه وبما ان سعره مقبول لديك
وانت مرتاح نفسياً اوكيه
بخصوص بوشيدو من افضل المطاعم اليابانيه اذا كنتم تعشقون الاكل الياباني ولكن
يعيبه المشروبات الكحوليه وفي الليل ماانصح فيه لأنكم عوائل
يوجد مطاعم كثيره وراقيه في فنادق البحرين وخارجها
من المطاعم الشعبيه المجربة
مطعم زعفران وله 4 فروع
اللي اعرفها
1_ فرع بوابة البحرين 2_ سوق القيصرية المحرق 3_ بيت القهوة سابقاً بالمحرق
4 _ قلعه الرفاع
وفيه مطاعم شعبيه بالمحرق
مثل فريج بن رشدان _ البادكير
بخصوص المدينه المائية
فيه 2
دلمون القرية المفقودة عند محمية العرين
مدينة واهو بالسيتي سنتر
انا جربت الثنتين الاولى حلوة وفي الهواء الطلق واغلبها العاب للكبار ونادر
مايجون فيها العوائل فأغلبها شباب
مدينة واهو مغلقة داخل سيتي سنتر وصغيرة
قسم مغلق يناسب للصغار والاخر مفتوح والعابها يناسب الكبار
واغلبه تشوف الشباب والعوائل بكثرة مع اطفالهم
اماكن مميزه
شوف التقارير في بوابة البحرين واختار اللي يعجبكم ويناسبكم
يشرفني ويسعدني زيارتك لتقاريري المتواضعه ومواضيع
اخواني واخواتي الاعضاء وتطلع عليها وراح تقلى اللي تبيه
واعذرني على التأخر في الرد
واي استفسار حنا حاضرين وان شاء الله نشوف لكم تقرير في بوابة البحرين
اخوك : https://artravelers.com