noni_3333
17-12-2022 - 05:23 pm
السلام عليكم ورحمة الله
ممكن تساعدوني بسفرنا الله يجزاكم خير
احنا شخصين راح نسافر للنمسا وبحثت كثير عن هالدوله والاثار السياحيه والبحيرات وقمت بتسجيلها عندي
لكن انصحوني بجدول سفره يناسب شهر العسل لمدة 15 يوم مثلا فيننا كم يوم مناسب لها
وسالوبورغ كم يوم يكفيها ,, وايش اهم الاشياء اللي نزورها
وهل تنصحونني اروح لميونخ او اكمل سفرتي بمدن النمسا ؟
وهل يكفي سفرتنا كله 40 الف لشخصين ؟
مثلا الاكل باليوم كم يكلف
والتنقل باليوم كم تكلف ؟
والسكن المناسب كم يكون سعرها ؟
يعني تفريبا يوميتنا اكل وشرب و تمشي تتعدى 600 ريال ؟
وايش اللي اقدر احجزه من السعوديه غير التذاكر و الفنادق ؟
وايش الفنادق القريبه من مطار فيننا
وشكرا لكم
عندكم 15 يوم 14 ليلة يعني
الأفضل
الوصول فيينا و العودة ميونيخ ( الطيران )
ويكون الجدول
3 ليالي فيينا
سالزبورغ 3 ليالي
زيلامسي 5 ليالي
3 ليالي ميونيخ
وهذا بعد موضوع لجداول
https://artravelers.com/p/re/881878
فيه جدول 14 ليلة ( النمسا وألمانيا )
وفيه بعد شنو الأماكن السياحية لكل مدينة
الميزانية 40 ألف
ممتازة
شوف المصروف اليومي
( للدخول النشاطات و المطاعم ) للشخصين بين 100 و 150 يورو
ومرات اقل على حسب دخول النشاط و المطعم
وعند حجز فندق زيلامسي او كابرون
الحرص على حجز الي يوفر بطاقة زيلامسي وكابرون الصيفية
طوال الرحلة تدخلون النشاطات مجانا وفي زيلامسي وكابرون بس تدفعون المطاعم والبانزين للسيارة
وكلفة السكن
بين 10 ألف و 15 ألف ( حسب النجوم و التاريخ ) ل 14 ليلة
شنو تحجزون في السعودية غير الفنادق والتذاكر
تأجير سيارة خاصة فيكم
ورحلة موفقة بإذن الله