معليش يا أخوان أعذروني على النص ما ضبط معي ولكن أهم شي وصلكم الشيئ المطلوب

السلام عليكم
اخوي وصلنا مرادك ورحلة سعيدة
بالنسبة للصرف فعلاً الآن حسب البرنامج هو 3,087 روح واصرف اشوفه جداً مناسب
بالنسبة للجدول ام راح يكون السؤال اش هواياتك او وش اللي تبية من هناك
ولكن بالنسبة لي ( الجبل بنونشاك - باندونق - بالي )
شوف الثلاث مناطق هذه راح تعجبك
طبعاً بونشاك وباندونق تتميز بالطبيعة
وبالي بالشؤاطئ الجميلة..
واعذروني ترى ما عندي خلفية كبيرة ولكن هي ك مشاركة وان شاءالله تستفيد ونفيد ونستفيد

شكرا لمرورك ويعطيك العافيه

وعليكم السلام ورحمة الله وبركاته بخصوص ارقام السائقين هنا موضوع مليان ارقام وانا جربت منهم الكثير وكلهم ثقه وامانه
تفضل
https://travel.maktoob.com/vb/travel389407/
الصرف الاخ اللي فوق ماقصر جاوب
بخصوص الجدول على حسب مزاجك انت ايش تحب تروح وين تحب تتمشى
لو تحب مكان مليان حياه وانشطه وجمال لاتفوت بالي انصحك بقضاء اكثر الايام فيها وتروح بونتشاك وتسكن في سيرني
وموفق اخي الكريم

مثل ماقالوا لك الاخوان اللي قبلي هي تعتمد على جو الشخص اذا انت هادي وتحب الطبيعه والاجواء الزينه عندك بونشاك
واذا انت حق نشاطات وفعاليات وشواطي حلوه عندك بالي
واذا انت تبي تجربهن كلهن يكون افضل وافضل
انا اقتراحي لك 1 يوم بجاكرتا للراحه و 6 ايام بالجبل و 3 ايام بباندونق ومن باندونق الى بالي طيران 4 ايام واخر يومين بجاكرتا للراحه والتسوق والاستعداد للسفر
والسواق نزل اخوي الرابط وهم ان شاء الله امينين وثقاة واذا ماجازلك واحد منهم اكرشه وشف واحد غيره ,,, بس انتبه من اللي يعرضون خدماتهم عند المطار انحش منهم
يعني السواق اتفق معه قبل السفره بعشر ايام كذا وقبل السفره بيومين دق عليه وتاكد واذا وصلت المطار دق عليه مره ثالثه وقله انا آصل جاكرتا بالوقت الفلاني وتلقاه هو يستقبلك من المطار هذا اذا كنت تبي تروح علطول للجبل اذا تبي تريح بجاكرتا خذلك تاكسي بلو بيرد لونه ازرق وعلامته طير ازرق وخله يوديك للفندق اللي تبيه والسواق يكون من بكرا عندك علشان يوديك لبونشاك(الجبل)
والصرف زين حيل
وبالتوفيق

صراحة أشكر جميع من رد على موضوعي وبارك الله فيكم جميع يا اخواني
والله انكم تشرفون يا اعضاء المنتدى والزوار جميع وهذا طبعكم التوجيه والأرشاد للمسافرين الجدد وعن طريق تجارب لكم .
فشكرا فشكرا وشكرا لكم جميع ولاننحرم من توجيهاتكم بارك الله فيكم