جاكرتا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
nmar904
17-11-2022 - 08:01 pm
السلام عليكم
حنا اربع شباب قررنا زيارة إندونيسيا للمرة الأولى في شهر أوغسطس بعد عيد الفطر تقريبا بعشر أيام لمدة من 16 إلى 18 يوم وميزانيتا من غير التذاكر كل شي السكن والأكل والشرب و التمشية و الطيران الداخلي 20 ألف كل واحد قطته 5 ألاف هل هي مناسبة ؟
وأتمنى تسون لي جدول ممتاز واهم المناطق الي ابي ازورها جاكرتا وبالي وبونشاك
كم تقريبا سعر السكن في اليوم ؟
كم يومية السواق في المناطق الي مافيها تكاسي ؟
كم المبلغ الي يكفي الشخص الواحد في اليوم غدا وعشاء واي شي يحتاجه خلال اليوم ؟
كم المبلغ اليومي التقريبي للتمشية فقط ؟
يعطيكم العافية


التعليقات (8)
بــــرزان
بــــرزان
وعليكم السلام ورحمة الله وبركاته
المده حلوه حيل من 16 الى 18 يوم
على العموم الميزانيه حلوه وتكفي ان شاء الله لكن ترا بالي غاليه علشان كذا نصيحتي لك تخلي بالي اخر شي
يعني تنزل بجاكرتا وتريح يوم وتروح للجبل واخر شي تروح لبالي
الجدول حط التواريخ الوصول والرجعه والاخوان مهم مقصرين معك
سعر السكن اليومي من 300 الى 500 ريال تقريبا
المنطقه اللي مافيها سواق بونشاك ويومية السواق من 500 الى 600 الف روبيه , (600 الف روبيه =200ريال )
غدا وعشاء لكم كلكم الاربعه تقريبا من 200 الى 300 ريال يومي ,,اذا كانت معكم عزبه بتوفرون كثير.
اذا كان قصدك بالمبلغ اليومي للتمشيه قصدك دخول الفعاليات فسعر التذاكر تختلف من منطقه لاخرى لكن تقريبا السعر من 100 ريال الى 200 ريال لكم الاربعه ماعدا سفاري تقريبا 85 ريال للشخص الواحد

nmar904
nmar904
يعطيك العافية أخوي برزان
تاريخ السفرة تقريبا من 10 أغسطس أو حوله لمدة من 16 إلى 18 يوم
انا وأخوياي نظامنا في سفراتنا أن المسؤول عن الفلوس يعطي يوميا لكل واحد مبلغ وهو يتصرف فيه على كيفه غدا عشاء وبيها او يجمعها بكيفه من غير مصاريف التمشية او دخول المنتزهات او الملاهي
مثلا في ماليزيا كنا نصرف لكل واحد 80 رنجت يوميا وكان النظام معجبنا ماشي تمام
فأبي اعرف كم أعطي لكل واحد يوميا وتكون كافية للأمور الي ذكرتها
المبلغ اليومي للتمشية الأشياء الترفيهية مثل دخول المنتزهات والملاهي و الحدائق وغيرها

البرنس المسافر
البرنس المسافر
وعليكم السلام ورحمة الله وبركاته
من وجهة نظري بالنسبة للمبلغ 5 آلاف ريال من غير التذاكر لمدة 16 الى 18 يوم اشوف انها قليله انصح بزيادة المبلغ لانك في السفر اذا ما استمتعت وفكرت في الاقتصاد ومن ذا الكلام راح تفوت على نفسك بعض المتعه
وبالنسبة للمصروف اليومي من 400الى 600ريال كحد معقول تمشيه واكل وزيارات وسكن
وان شاءالله تكون الحسبة صح واذا زادت فالزياده للاحتياط
والمبلغ كامل تصرفون كل يوم بيومه الا اذا صرفتو المبلغ اللي معكم كامل قسموه بينكم ولا تشيلون المبلغ كله يعني كل واحد يشيل معه شي بسيط حق اليوم
وبالنسبة للمبلغ تقسمونه بينكم بس اشوف لكم نظام مختلف كل واحد يصرف على مزاجه وهذا شيء راجع لكم
هذا رايي واختلاف الراي لا يفسد من الود قضية
وربي يوفقكم في سفرتكم
دمتم بود محبكم / البرنس المسافر

بــــرزان
بــــرزان
اخوي مميز اندونيسيا البرنس المسافر
هو يقول القطه من خمس الاف يعني اربعتهم تكون 20 الف وانا اشوف عشرين الف حلوه حيل
طيب انا مافهمت نظامكم الحين القطه من خمس الاف تمام طيب انتم يكون معكم فلوس غير فلوس القطه اللي هي للهدايا واغراضك الخاصه وزي كذا
والله يالغالي ان نظامكم اول مره يمر علي لان انتم تغدون جميع وتعشون جميع والمزارات اللي تزورونها جميع وكلها من القطه, اذا كنت تبي تعطي كل واحد وهو يتصرف اجل وشوله القطه من الاساس
اما اليوميه للشخص الواحد باستثناء بالي اذا طرحنا السكن والسواق تكون تقريبا 50 ريال فعاليات+50 ريال غدا وعشاء يعني اعط كل واحد 400الف روبيه الى 500 الف روبيه يوميا
(100 الف روبيه تساوي 30 ريال تقريبا )
بالي تكلف اكثر وخصوصا الفعاليات وماعندي خلفيه عنها اللي اعرفه انه غاليه
وبالتوفيق

nmar904
nmar904
يعطيكم العافية
اخوي البرنس المسافر 5000 من كل شخص وحنا 4 والمجموع 20000 ريال من غير التذاكر . إذا كانت قليلة ما نقدر نزود القطة كم نقدر نقلل الأيام كم المدة المناسبة لهذه القطة ؟
أخوي برزان حنا جربناها في ماليزيا وأعجبتنا هاذي الطريقة ولكن ناخذ في عين الأعتبار رايك مشكور
سؤال انا كلمت البراح يمني عايش في الجبل سمسار ويجيب فلل وسألته عن الأسعار في مجمع كوتا بونقا قالي سعرها لليلة 1 مليون مكونة من 4 غرف وسألته عن السواق قالي 600 ألف لليوم
وعن البرامج لبالي قالي من350 إلى 400 دولار ل4 أيام وثلاث ليالي شامل التذكرة والسكن والسواق
هل أسعاره مناسبة ؟
يليت تعطوني جدول ترتيب للمناطق وعدد الأيام في كل مدينة و هل تنصحون بمدن اخرا ولا جاكرتا وبونشاك وبالي كافية ؟
ماعليش غثيتكم بكثرة الأسئلة
شكرا

سلطان500
سلطان500
حبيب قلبي اسئل ولا تتردد ولو تبي مئة سؤال
شف وانا اخوك انا لي اقل من اسبوع جاي وكانت رحلتنا عشر ايام وقطتنا كانت 3 الاف ريال وكل واحد شايل في جيبه الفين ريال
ولا كفت زودنا كل واحد تقريبا الف وخمس او الفين بس مافي شي خطر في بالنا الا وسويناه يعني عايشين ببذخ ولاحظ ان هذي المبالغ صرفناها مابين الجبل وجاكرتا فقط
بالنسبه لمجمع كوتا بونقا بعيد جداً وعلى حسب ماسمعت من الكثير هناك ان المشاكل فيه واجد من سرقات مانصحك بالسكن فيه تلقى في مجمع قولف اربع غرف ب 900 الف
وفيه مجمع شكروا بس ماادري فيه اربع غرف او لا بالنسبه للسواق حده ب 500 الف والسواقين واجد وغير كذا المشاوير القريبه الدباب ارخص لكم بالنسبه لبرنامج بالي خذ لك بكج كامل من مكتب بافقيه ولا عليك من السماسره بالنسبه للميزانيه مرة اخرى ترى كل واحد يقدر يحكم كيف يصرف وطريقتكم يمكن واحد يصرف عن الاخر اكثر وتراها حلوه انا بالنسبه لي اعجبتني وشكلي بطبقها في السفره القادمه مع اني ناوي اروح وحداني بالنسبه للجدول انا اشوف المناطق الي قلتها كافيه إلا اذا بتضيف باندونق او لمبوك
واي استفسارات اخرى موجودين في خدمتك

ابو رهف الحربي
ابو رهف الحربي
المدة طويلة ماشاء الله اهم شي خذوا معكم العزبه والورقه ( بلوت ) ههه

nmar904
nmar904
يعطيكم العافية
أخوي سلطان 500 مجمع كوتا بونقا نصحني في ولد عمي كل مايسافر يسكن فيه
واكيد اباخذ معي فلوس احتياط
اخوي ابو رهف الحربي ههه
المشكلة مانا راعين طبخ اندومي ويالله نسويه ههه
ومشكلة الي معي ما يديرونها في البلوت بس انا الي اعرف لها
على العموم انا سويت جدول مبدأي عدلوا عليه إذا تشوفون فيه مشكلة او اي نصيحة
الرحلة على خطوط الكاثي باسيفك لأنها ارخص شي موجود
الرحلة من يوم 10 أغسطس إلى 28 اغسطس
الوصول إلى مطار جاكرتا يوم 11 اغسطس الساعة 7:10 مساءا تقريبا
تقريبا عدد الليالي 17 ليلة
من 11 إلى 13 في جاكرتا يومين
من 13 إلى 21 في بونشاك 8 ايام
ومن 21 إلى 26 في بالي 5 أيام
ومن 26 إلى 28 في جاكرتا يومين
وحساب الميزانية
السكن متوسط 300ريال لليوم * 17 يوم = 5100 ريال
ضربتها في كل أيام الرحلة
تمشية 300 ريال لليوم * 12 يوم = 3600 ريال
ضربتها في الأيام الي بنقضيها في جاكرتا و بونشاك
سواقين 200 ريال لليوم * 8 أيام = 1600
ضربتها في عدد الأيام الي بنقضيها في بونشاك
عشاء وغدا 300 لليوم * 17 يوم = 5100 ريال
ضربتها في كل ايام الرحلة
مجموعها 15400
يبقى من ال 20 ألف 4600 هل تكفي لبالي 5 أيام تمشية فقط لأربعة أشخاص ؟
طبعا هالأرقام تقريبية وماحسبت التذاكر الداخلية لأني ماأدي عن أسعارها ممكن في أشياء اخرى ما ادري عنها
اتوقع اني في بعض الأشياء بالغت في الثمن
يليت تعطوني رايكم في الميزانية والجدول وعدد الأيام في كل مدينة وهل يفضل احذف يوم عشان تظبط الميزانية او اسوي اي تعديل في الجدول
شكرا ماقصرتواا


خصم يصل إلى 25%