وعليكم السلام ورحمة الله وبركاته
اذا كان قصدك هذا الفندق https://www.booking.com/hotel/kr/the-classic-500.ar.html?aid=1300939

صحيح هو نفس الفندق اعجبني حسيته نظيف وفعلا حجزته بس مسترد من بوكنق لاني احتاج للمطبخ وغسالة الملابس
انا بالانتظار اذا كان عند معلومات عن هذا الفندق وموقعة هل هو بعيد جدا وخدمة المترو الظاهر قريب منه الخط الاخضر

هذي صورة توضح موقع الفندق وموقع وسط المدينة
فندقكم عند المترو اللون الاخضر الغامق رقم 7
وكذلك المترو الاخضر الفاتح رقم 2
اقصد بالرقم هو رقم خط المترو
يعني سيول فيها تقريباً 9 او 10 خطوط
المهم اذا بغيت تروح لقلب المدينة تركب المترو الاخضر الفاتح
الفندق عند المحطة رقم 212 اسمها konkuk univ وتتجه الى محطة رقم 205
هذي اقرب محطة لوسط المدينة
لو تذكر لي الموقع اللي تبي تروح لها كاسواق ومنتزهات او اي شيء
كذا اقدر اوصف لك من الفندق حتى توصل للموقع
بس انت اذكر لي اللي بتروح له وابشر

الله يجزاك خير طبعا انا اختك معلمه متقاعدة وانا مسافرة انا وولدي وبنتي فقط طبعا مدن الملاهي والتسوق والعرض المسرحي
وما نستغني عن توجيهاتك
وهل فعلا حول الفندق مجمع اسواق وسوبرماركت
وبالنسبة للفاست فود برجر الدجاج هل صحيح يستورد من استراليا

الله يجزاك خير طبعا انا اختك معلمه متقاعدة وانا مسافرة انا وولدي وبنتي فقط طبعا مدن الملاهي والتسوق والعرض المسرحي
واياك
والله يحفطك ويحفظ اولادك
من ناحية الملاهي يوجد مدينتين
الاولى ملاهي اللوتي وورلد
وطريق الذهاب اليها من فندقكم
تركبون المترو الاخضر الفاتح طبعاً الفندق عند محطة رقم 212 اسمها konkuk univ وتتوجهون للمحطة رقم 216 اسمها jamsil
وتتوجهون للمخرج رقم 3 او 4
هذي صورة للمخرج وموقع اللوتي
وفيه ملاهي ايفر لاند وهي الاكبر والافضل لكن بعيدة والذهاب لها عن طريق الباصات او التكاسي تبعد تقريباً 50كم او اكثر او اقل مدري كم بالضبط
وتحتاج يوم كامل من الصباح لحد المغرب
اسمها بالانجليزي Everland
ويوجد بها العاب وكذلك حديقة حيوانات المعروف بسفاري
وما نستغني عن توجيهاتك
توجيهاتي اهم شيء تاخذون معكم الاكل
اكلهم ككل اعتماد على الخنزير او ذبح بطريقة غير اسلامية
فقط الاكلات البحرية هي الحلال او مطاعم الحلال في منطقة ايتوان وراح اوصفها لكم
ولا تنسون تاخذون احذية خاصة بالمشي
وكذلك القهوة لا تنسونها بما انك متقاعدة يعني كبيرة بالعمر فاكيد مدمنة قهوة
والاهم تحميل برنامج صلاتك salatuk الخاصة بمواقيت الصلاة وهو الوحيد اللي جربته بكوريا وكان دقيق
وهل فعلا حول الفندق مجمع اسواق وسوبرماركت
من ناحية السوبرماركت فيه خلف الفندق بين الاربع بنايات المتشابهة
اما الاسواق فيه سوق خلفكم بمسافة تقريبا 500 او اقل
وربما يكون فيه اسواق شعبيه بنفس شارعكم
وبالنسبة للفاست فود برجر الدجاج هل صحيح يستورد من استراليا
حسب ما سمعت وكذلك سألت بعض العرب هناك ممن تعرفت عليهم
بان جميع المطاعم ذات الوجبات السريعة مثل ماكدونلدز وغيرها وجباتهم غير شرعية
راح اوصف لكم الاماكن المهمة
اولاً: منطقة ايتوان وهذي المنطقة فيها مطاعم حلال وافضلها بنظري مطعم دبي
وكذلك فيها اسواق شعبية فيها ملابس وشنط
انتم الان عند الفندق تركبون المترو الاخضر الفاتح طبعاً رقم المحطة اللي انتم فيها 212 وتتوجهون للمحطة رقم 206 اسمها sindang
ثم تنزلون من المترو الاخضر وتتوجهون للمترو البني
تركبون المترو البني طبعاً انتم الان بمحطة البني يكون رقهما غير رقم الاخضر
راح يكون رقم البني 635 وتتوجهون للمحطة رقم 630 اسمها itaewon
هذي خريطة توضح من مكان الفندق لحد منطقة ايتوان
لما توصلون لمحطة ايتوان تطلعون مع مخرج 2 او 3
بيكون فندق هاملتون بجانبكم حطوا الفندق بيساركم والشارع باليمين شوي بيجيكم كوفي على اليسار بعده بشوي بيجيكم مطعم دبي على اليمين لاعني لازم تقطعون الطريق
هذي خريطة مقربة
الماكن الثاني هو نهر الهان وفيه نافورة جسر الهان
فيه قارب ياخذ بكم لفه على النهر ويوقف عند نافورة الجسر
هذي صورة النافورة
المهم طريقة الذهاب له من الفندق عن طريق المترو اللون الاخضر الفاتح
طبعاً انتم الان بالمحطة رقم 212 وتتوجهون للمحطة رقم 208 اسمها wangsimni
تنزلون من الاخضر وتتوجهون للمترو اللون البنفسجي طبعاً الان محطة البنفسجي راح يكون رقمها 540
تتوجهون للمحطة رقم 527 اسمها yeounaru تطلعون مع مخرج 2 او 3
وهذي صورة توضح المخرج ومكان القوارب
باقي الصور الاثرية
وبرج سيول
و النهر الصناعي في تشونغ جي تشون

واحب اوضح نقطة
انا ذكرت لكم الوصف عن طريق المترو
كذلك فيه باصات تنقل للاماكن بس مشكلة الباص تتعلق برقم الباص
يعني المنطقة الفلانية يذهب لها باص رقم كذا
وهنا بتتعبون وانتم تراقبون الباصات
كذلك احرصوا على سؤال الاستقبال بالفندق قبل الخروج عن الاماكن اللي بتروحون لها وكتابتها باللغة الكورية
وللمعلومية يوجد خريطة للمترو للاجهزة الذكية انصح بتحميلها
وانصحكم
اول ما توصلون لكوريا بالمطار يوجد منشورات عن العروض والمهرجانات وخرائط للمترو باللغة الكورية والانجليزية
اكحشوا من المنشورات 3 او 4 نسخ كثروا منهن لو ضاعت وحدة واثر عندكم ثانية
عموماً انا اجتهدت بالتوصيف
فان كان توصيفي صحيح فقول الله يوفقك وجزاك الله خير تكفيني
وان كان توصيفي خطأ فاعذروني نحن الان بوقت الظهيرة وصاحي من الفجر وفيوزي ضاربه

الله يجزا خير والله اخجلتني بذوقك طبعا هالصفحات ابصورها وامشي على وصفك
وتوجيهاتك في الحفظ
وتراي ماني كبيرهمتقاعدة مبكر علشان اتفرغ لعيالي
وطبعا ما استغني عن معلوماتك كل شوي ابنط هنا اسال

الزنون
الصراحة غيرت السكن لاني حسيته بعيد عن وسط المدينة والحركة وحجزت في فريزر بلس
https://www.booking.com/hotel/kr/fraser-place-central-seoul.ar.html?aid=1300939
لاني تابعت تقرير خبيرتنا هداوه فحسيت الفندق حلو وفيه كل احتياجاتي