- السلام عليكم ورحمة الله وبركاته
- خامسا جميع ماكتبته يعبر عن وجهة نظري فقط
- والحين نبدا بالتقرير
بسم الله الرحمن الرحيمالحمد لله والصلاة والسلام على رسول الله
السلام عليكم ورحمة الله وبركاته
اولا ابي اشكر كل القائمين والمشرفين والاعضاء الكرام على المنتدى الذي كان له الفضل بعد الله بنجاح الرحله والذي كان ولا يزال يقدم خدمات وإجابات للكثير من الاستفسارات واشكرهم على سعة صدرهم وطول بالهم.
ثانيا اخص بالشكر للمشرفين والاعضاء الكرام ( المصباح , طارق 2004 , العمده جاكا , سلطان 500, الشمالي سلطان , حيو مافي زيو , ام عزيز , الطائر الجريح ) حيث انهم لم يقصروا ابدا بالمساعده وبينوا ووضحوا الكثير عن اندونيسيا ومواضيعهم و ردودهم خير شاهد.
ثالثا اشكر العضوين الكريمين ( رجل شرقي و هدوء العالم ) على توضيح طريقة انزال الصور وعمل تقرير حيث اني لاول مره اعمل تقرير مدّعم بالصور.
رابعا ارجوا التماس العذر لاخيكم في حال لم يحوز التقرير على رضاكم فكما اسلفت هذه اول مره اعمل تقرير وحبيت اني اشارككم بهذا التقرير وهذا ابسط شي اسويه.
خامسا جميع ماكتبته يعبر عن وجهة نظري فقط
والحين نبدا بالتقرير
بالبدايه عدد المسافرين 2 و كانت الرحله على الخطوط السعوديه يوم 23 مارس من حايل الى الرياض الى جاكرتا وكان الاقلاع من الرياض على الساعه 12 بالليل تقريبا والوصول لجاكرتا على الساعه 1 الظهر بتوقيت جاكرتا.
وصلنا المطار ومسكنا سرا وكان السرا طويل لين وصلنا للموظفين بالمطار وكنا معبين الكروت بس غلطتنا اننا قصينا الكرت قبل لاناصل لهم وهو اول ماشاف الكرت مقصوص قال روحوا عبوا كرت ثاني رحنا وعبينا كرت ثاني ومسكنا السرا مره ثانيه وحنا للحين مافيّزنا احسب التفيز من عنده
المهم قبل لاناصل شافنا واحد الله يجزاه خير وقال التفييز من هنا ورحنا وفيزنا ومسكنا السرا يوم وصلناه شاف الكرت وقال وين تبون تسكنون قلنا ببونشاك مكتوب بالكرت مكان السكن بونشاك قال وين ببونشاك وين حجزكم اذا انتم حاجزين فهمناه اننا لاوصلنا نبي نشوف لنا فله يعني للحين ماحجزنا قال لازم تكونون حاجزين بعدين شاف لي قال معك احد؟؟؟ استغربت سؤاله فهمت انه يقصد مع عايله قلت لا بعدين التفت لخويي وقال هذا خويي عند الكاونتر الثاني قلت هذا خويي قال ايهن الصدق مامعك احد او معك خويك فهمته اني احسبه يقصد معك عايله لان سؤاله غريب المهم مشى الموضوع وقال وين حجزكم للرجعه للسعوديه وحنا حاجزين بالنت قال ابي اشوفه طلعنا الحجز له من الجوال وهذا خذا وقت بعدين قالنا المره هذي بمشيكم المره الثانيه لازم يكون معكم حجز للمكان اللي تبون تجلسون فيه الوكاد قلنا زحلقناه وختم ومشينا
وحنا عنده كان السواق يدق والسواق اسمه منصور وخذيت رقمه من الموضوع المثبت
طلعنا خذينا عفشنا ولقينا السواق ينتظرنا ومشينا للجبل
يا اخوان انا اذكر التفاصيل علشان الاخوان اللي يبون يجون يستفيدون مثل ماستفدت انا
وهذي صورة السواق
وهذولن صور بالطريق بجاكرتا
يتبع
الحلو في الموضوع اننا نشارك بعض التجارب حتى يستفيد الغير منها
فمثلاً سؤال الموظف عن حجز السكن غير نظامي وهو مجبر غصب عن خشمه يمشيك لان اوراقك ووضعك سليم
متابعين معك يا بطل لا تتأخر بإكمال الموضوع