المانيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
romh ..
14-12-2022 - 02:51 pm
..
السلام عليكم ورحمة الله .
هذا الموضوع راح يكون استكمال لتقرير بدأته بالبوابه الفرنسيه :
https://artravelers.com/p/re/899033
اولا احب اشكر عضو هنا كان الوحيد للامانه اللي ساعدني اني اطلع بشيء عن فرانكفورت
وهو *ولد فرانكفورت* في هذا الموضوع
https://artravelers.com/p/re/896292
نجي الى الرحله :
كانت محطتنا الاخيرة فرانكفورت ومنها الى ارض الوطن *السعودية*
كثير منا سمع ب فرانكفورت *مدينة المال والاعمال* بس نادرا جدا من جرب يستكشفها .
والاغلب تكون فرانكفورت محطة البداية والوصول ليس ألا والتوجه مباشره لمدينه ولا قريه مجاوره.
كثير بحثت بالمنتدى عن شيء بهالمدينه وما طلعت الا بالشيء القليل
ولان الاغلب كان يقولون *مافيها شيء يستاهل يقعدك 4 ايام*
قررت امشي على جدول لقيته هنا بالمنتدى لاحد الاخوان
هذا هو هنا :
اعجبني المخطط وشفت فيه اشياء ما سمعت عنها انها بفرانكفورت وقلنا يلا نمشي عليه
..
اول شيء نبدأ كيف وصلنا لفرانكفورت ؟
وصلنا لها من القطار الالماني من بروكسيل .. كان فيه محطة توقف في كولن
اقل من ساعه التوقف .. القطار اللي ركبناه لفرانكفورت يختلف تماما عن القطارات اللي ركبناها من باريس الى بروكسيل - بروكسيل كولن
بالبدايه مااعجبنا صراحه , بالقطارات اللي قبله كان فيه وجبه مجانيه ويدوورن عليك فيها و وآي فآي مجاني وهالحركات
بهالقطار ماكان فيه كل هذا , مع انه كلهم درجه اولى , و التذكره من كولن لفرانفكورت كانت اغلى تذكره بفرق مو بسيط ؟
  • استغربت هالشيء صراحه*

المهم كان نظام القطار كبائن وكل كبينه فيها كرسين مقابله ل 3 كراسي .
دخلنا للمكان اللي مخصص لنا وكان مكتوب وواضح كل شيء بالتذكره .
كان فيه شايب وعجوز قاعدين قبلنا وماخذين الكراسي اللي ع الشباك
المهم كانوا هاديين وحبيتهم مره حتى لو تكلموا بشويش ولا احتكوا فينا وعادي
والشنط كان لها مكان فوق الكراسي حطيناها فيه .
المهم كان فيه مطعم بالقطار بس بمقطوره خاصه فيه .
رحنا له واخذنا لنا شيء ناكله وجلسنا بالمطعم لان كان فيه كراسي على الشباك وكانت مناظرجميله تفتح النفس وجلسنا هناك فتره طويله
يوم ما بقى غير نص ساعه ع الوصول رجعنا لاماكنّا عشان نشحن الجوالات .
اللي صار ان الحرمةة قامت تسولف معنا وتسألنا من وين انتوا ؟
قلنا من السعوديه . قامت تضحك وتأشر بيدها وتقول فلووسكم كثير انتوا !
سلكنا لها بضحكه ,ورجعت تقول كلمه قهرتني فيها وعلى السمعه اللي واصله لهم بهالشكل
قالت انكم تعبدون الحاكم حقكم ههه ,, قلنا لها ان ما نعبد غير الله
والحاكم نطيعه ونحترمه ونحبه ومانخرج عن حككمه بس ما نوصل لدرجه العبوديه .
  • اعرف اشخاص راحوا لكندا وناس لامريكا وناس لاوروبا قالوا ان قابلوا ناس قالوا لهم نفس هالكلام , اننا نعبد الملك استغفرالله *

:
:
:
:
:
:
المهم نزلنا من القطار على خير
وشفنا الناس من وين رايحه ورحنا وراهم حتى طلعنا من المحطه وشفنا التكاسي وين واقفه
ورحنا لهم وركبنا واحد وطلعنا له عنوان الفندق من ورقه الحجز , كنا طابعين العناوين واسماء الفنادق ووصفها
بالالمانيه والانجليزيه للاحتياط اذا ما كان يعرف انجليزي التاكسي .
الفندق كان قريب جدا من محطة القطار كيلو ونص يمكن
كلف التاكسي تقريبا 9 يورو .
:
:
الفندق :
تم الحجز على فندق
https://www.booking.com/hotel/de/nh-frankfurt-messe.ar.html?aid=1300939
وكان الاختيار اكثر من رائع صراحه .
قريب جدا من محطة المترو *مع اننا ما استخدمناها ابدا*
قدام الفندق بالجهه المقابله مجمع تجاري جميل جدا جدا .
المجمع فيه مطاعم حلال وهنديه كنتاكي وماك ومحلات شاميه
الفندق بشكل عام غرفه وسيعه وشرح والوانه تجيب الراحه
ونظيف جدا وهااديء .
نت مجاني وفيه ميني بار , الاستقبال كان متعاون و24 ساعه مبتسمين
يعني لو فكرت ارجع لفرانكفورت ماراح اتردد اني احجز فيه مره ثانيه .
حجزنا فيه قبل 3 اشهر من السفره , الدفع لاحقا .
قبل السفره باسبوع الغينا الحجز وحجزنا ب ادفع الان ودفعنا .
كان الفرق تقريبا 600 ريال .
السعر كان لاربع ليالي : 372 يورو - 1911 ريال سعودي .
يعتبر سعر رخيص بالنسبه لمستوى الفندق صراحه .
:
:
:
:
:
:
:
منظر من شباك الفندق .
..
وصلنا للفندق على الساعه 3 ونص العصر وطلبوا مننا نعبي اوراق امنيه . بالاسماء والمدينه اللي جآيين منها
وومكان العمل ووش تشتغل و ..
عبيناها وشلنا الشنط *اخدم نفسك بنفسك*
ووصلنا لغرفتنا الوسيعه الشرحه
غسلنا وريحنا لنص ساعه وطلعنا نتمشى
كان يوم احد والكل مسكر رحنا للمجمع نشوف وش فيه
اعجبنا كثير وقررنا نرجع له نتقضى
كانت اغلب المطاعم هالوقت مقفله
شفنا مطعم بالدور الارضي اخذنا منه تاكو وشيبس وشاورما
الحساب تقريبا كان 30 يورو
المحاسب بالمطعم طلع عربي - مصري
شاب صغير بالعمر , وجلس يتكلم معنا ومن وين انتوا
وقال انه الماني وامه مصريه وكان بمصر وجاء يشتغل هنا من اسبوعين
و
اخذنا الاكل وحطيناه بالرسبشن وطلعنا لسوبر ماركت صغيره بنهاية الشارع اخذنا مويا وكولا ووافل عشان الفطور الايام الجآيه
ورجعنا للفندق ونمنا شوي وصحينا ع الليل واكلنا عشانا اللي اشتريناه من صاحبنا الجديد
وشغلنا لنا فيلم نسهر عليه مع الشيبس بما ان الدنيا مقفله هالوقت ورجعنا بعدها نمنا .
:
:
:
:
:
:
:
:
:
صديقي
:
اليوم الثاني :
طبعا التخطيط كان على هايدلبرغ بس يوم وصلنا لفرانكفورت احس وصلنا مرحلة الاكتفااء من التمشيات
ف ما كان بالبال اننا نبعد ودنا نفر حولنا ونرجع ههه
ف قلما يلا على شارع تسايل
طبعا ما قريت عن مترو بفرانكفورت ولا كنت اعرف المحطات وخفنا نضيع وننحاس واحنا مالنا خلق صراحه
ف اخذنا تاكسي ويلا ي الطيب ودينا له .
هالشارع حبيته جدا جدا جدا اجوائه جميله والحركه فيه جميله
ومن حسن حظي كان فيه تخفيضات على اغلب المحلات . لدرجه توصل القطعه ل 2 و 3 يورو !
تمشينا فيه ورجعنا بعدها على المجمع اللي جنب فندقنا مشي . كان الجو حلو ف ما حسينا بالتعب والمشي
رحنا للمجمع وتعشينا من مطعم هندي رائع جدا جدا . ما ينشبع منه خ
ورجعنا للفندق نريح شوي ,, وطلعنا على الساعه 6 ورحنا ع المجمع نتمشى ونشوف المحلات
وجلسنا بالعشق ستار بوكس وتقهوينا وجلسنا فيه يمكن ساعه ونص سوالف وطلعنا بعدها للدور الثاني عشان ناخذ لنا عشاء ونرجع.
اخذنا من المطعم الصيني مكرونه بالخضار ورجعنا فيها للفندق .
:
كوفي الصبااح .
:
:
:
:
:
:
:


التعليقات (9)
romh ..
romh ..
..
اليوم الثالث :
سوينا لنا الكوفي مع الوافل وخذينا راحتنا لان ايام فرانكفورت تبرمجت بروسنا انها للراحه اكثر من انها للاستكشاف .
وان دل هذا على شيء بيدل على الراحه والهدوء اللي لقيناها ب فرانكفورت , عكس صخب باريس .
وطلعنا مشي على شارع تسايل والوجهه كانت على حديقة الحيوانات .
من شارع تسايل سيدا حتى تجي بوجهك الحديقه المسافه ما كانت قصيره بس ممتعه .
رحنا للحديقه الدخول كان 8 يورو
الحديقه كانت جميله وممتعه ومرتبه الطاووس كان يمشي بينا
وفيها مباني صغيره مقفله للاسماك ومبنى للحشرات والحيات وهالاشياء
ومبنى مجهز بالكامل للقرده والغورلا كأنك بغابه لما تدخله
كانت جميله صراحه وماتتفوت
فيها بنهايتها مطاعم وجلسات حلوه .
بس رحنا لمطاعهم , طلعنا منها وعلى اليسار ع طول بيتزا هت
ورحنا نتغدى فيه ونكمل طريقنا للفندق مشي
وصلنا للفندق ريحنا شوي الى الساعه 6 المغرب
وعلى ستار بوكس بالمجمع وكوفي وتحليه وسوالف
وبعدها اشترينا اغراض من المجمع , واخذنا عشاء معنا للفندق .
وكذا خلصنا اليوم الثالث .
:
:
:
:
:
:
:
:
:
هذا معه عدة كاميرا كامله ويصور حسسني اني ولاشيء انا وجوالي
:
:
:
:
:
:
:
:
هالصوره للنصراويين ومبروك عليهم الدوري
:
..
اليوم الرابع :
كنا مخططين اصلا من السعوديه اذا جينا لفرانكفورت نروح على وكالة مرسيدس بنز
وخصصنا هاليوم لهالوكاله , اخذنا تاكسي ووصلنا لمكان الوكاله
الطريق اللي اخذنا منه صور لنا ان المسافه بعيده جدا
اخذ 25 يورو تقريبا
والمكان اللي كانت فيه حي بسيط وهادي
وصلنا ووصف لنا مجمع يقول انه حلو وصغير ولا يفوتنا ومدري ايش
دخلنا الوكاله تمشينا فيها اخذنا فكره عن الاسعار وما كان فيه فرق عن اسعارها هنا
ركبنا كم سياره وجربنا وكذا وطلعنا بعدها ندور ع تاكسي يرجعنا لفندقنا
واخذ هالتاكسي 13 يورو . جابنا من طريق فرعيه سريعه عكس خوينا الاول من الطرق العامه
ورجعنا للمجمع نتغدى واخذنا من المطعم الهندي وكان بهالوقت زحممه عند المطاعم
افترضنا انها استراحة غداء عندهم لان اغلبهم كاشخين بالبدل
وطلعنا للفندق نريح شوي ونطلع لستار بوكس المغرب ويتكرر سيناريو الليلتين السابقه
مع تجهيز الاغراض للعوده للسعوديه .
  • كان فيه باص سياحي ب 18 يورو للشخص بس ما اخذناه .

اللي يبيه بيلقاه قدام المحطه المركزيه للقطارات
:
:
:
:
..
:
اليوم الخامس والاخير في اوروبا :
صحينا افطرنا واخذنا الشنط وطلعنا من الفندق ووقفنا بانفسنا تاكسي
البدايه قال اي قسم بالمطار تبون ؟ فيه 2
الاول كبير والثاني اصغر منه ؟
قلنا والله ما ندري ؟ مكتوب مطار فرانكفورت الدولي غيره مو مكتوب
قال اي خطوط انتوا ؟ قلنا الخطوط السعوديه , دق على واحد يسأله
وقال المطار رقم 1
قلنا اوكي يلا ,, وصلنا للمطار واخدم نفسك , الله يرحم حالنا ب مطار الملك خالد
يجونك الهنود من كل هدب وصوب يبون يشيلون عنك الشنط ويوصلونك للمكان المخصص للجوازات بعد وب 15 ريال
المهم دخلنا واحنا نجر الشنط وما درينا عن العربيات وين مكانها , ما غير نشوفها مع العالم
والمطار كان كبير يضيع الواحد
ورحنا نسال قالوا لا انتوا بالقسم الثاني من المطار مو هنا ؟
بس الحمدلله كان فيه مترو بينهم وكان بالطابق العلوي اتوقع
ورحنا للمترو ويا كثر الخليجين والسعودين اللي معنا وضايعين نفسنا ههه
واغلبهم منقبات ومتغطيات , وكلنا كنا بنفس الطياره
المهم بالمترو رحنا للقسم الثاني وجلسنا ندور وين الخطوط السعوديه بين كل هالزحمه
دورنا حتى لقيناها بس باقي ما فتحوا نافذتهم .
  • وهالضيعه كلها تلزمك بالمرات الجآيه تجي للمطار من بدري*

انتظرنا ودخلنا الشنط وطلعنا بعدها لمطعم ماك كان بطابق لحاله علوي
تعشينا بمكان كان قدام المدرج
جلسنا حتى 2 ونص ب ماك وطلعنا بعدها داخل الصالات عشان السوق االحره ونشوف اللي عندهم
دخلنا وفرينا لساعه ونص واشترينا اغراض وطلعنا
منها ع طول ع الطياره , كان الاقلاع الساعه 4 وربع
قبلها عشان نمر ونروح لصاله الانتظار للطياره لابد من التفتيش
وياالله من عقدتهم هالالمان
مسكوا واحد واحد تفتيش مو طبيعي حتى الجزم اكرمكم الله يفصخونها
الحمدلله مامكسونا بهالتفتيش رغم توقعت انهم ينبشوني نبش عشاني لابسه عبايه ومتحجبه
وكانت وراي بعد وحده لابسه عباية راس ومشوها بعد
بس الشنط اللي كانت معنا مدري وش طلع لهم بالجهاز ورجعوا فتشوا وحده بانفسهم وطلعوا كل شيء منها
اللي اعجبني انه رجعها هو بنفسه الاغراض وبنفس الترتيب واعتذر .
وطلعنا ع طول ع الطياره .
كانت صغيره مره درجه رجال الاعمال وبعدها ع طول درجه الضيافه فقط
ونظامها 3 -3
ما كان فيه نظام تسليه وولاشيء وانا كنت متحمسه ماخذه معي من المطار كولا وبطاطس عشان اضيع الوقت ع فيلم خ
اعطونا وجبه وحده وكانت البطانيات والمخدات موجوده من دخلنا ووزعوا سماعات وهالاشياء الاعتياديه
:
..
صور عامه :
:
الهلال دآيم وابدا : بكل مكان وأي زمان
:
:
:
:
عشانا بأحد الايام : فلافل من مطعم ب المجمع .
..
زي ما شفتوا بالتقرير ما طلعنا من فرانكفورت , اخذناها للاستراخاء والراحه بعد ساعات العمل الطويله ب السعوديه
ووبس : بكذا انتهينا من فرانكفورت والرحله الاوربيه الخفيفه الهاديه بسلام .

قايد
قايد
الحمد لله على السلامه
وتقرير حلو وممتع
واشكر اخوي ولد فرانكفورت على اللي قدمه (يعطيه مليون عافيه)
تحياتي

oceanus
oceanus
واضح من الصور ان فرانكفورت هادئة بشكل كبير
حتى حديقة الحيوانات مافيها احد
يعني الان الخطوط السعودية في مطار فرانكفورت تكون في الترومل 2
سؤال /
اغلب الاخوان يشتكون من التعامل السيئ لموظفي مطار فرانكفورت
هل لاحظتم هذا الشي ؟
او
ان التعامل كان هو التفيد بالانظمة والتعليمات وتنفيذها بشكل كامل
شكرا لك romh..

romh ..
romh ..
..
شكرا لكم على تواجدكم ..
وعن موظفين المطار لا ابدا والله ما شفت هالشيء
صارمين بالتفتيش بس ما يشمل الكل التفتيش
ما كانوا مبتسمين بس مو مكشرين بعد
عاديين جدا
اقولك يوم فتش الشنطه رجع الاغراض هو ويعتذر واتمنى لكم رحله سعيده بأبتسامه
يمكن حالات فرديه صادفت اللي يقول كذا
وعن هدوء فرانكفورت : جدا هادئه ورايقه
جوها كان معتدل يوم واحد صادفنا بررد
وحديقة الحيوانات كلهم اطفال مع عائلاتهم وزي ما قلت ما فيها احد

Omar F1
Omar F1
الله يعطيكم العافية
شكرا على التقرير وبالذات انه عندي ليلة أخيرة للسفرة القادمة ان شاء الله ومحتار احجزها بفرانكفورت, هيدلبيرج, أو غيرهم.

romh ..
romh ..
الله يعطيكم العافية
شكرا على التقرير وبالذات انه عندي ليلة أخيرة للسفرة القادمة ان شاء الله ومحتار احجزها بفرانكفورت, هيدلبيرج, أو غيرهم.
اهلين ااخوي : نورتني
وربي يعافيك م سوينا شيء .

فيصل
فيصل
هي هاديه فرانكفورت او انتم ما حبيتوا تتمشون كثير
يعني ما راح نقولك خبيره فرانكفورت ..........
شكلكم تشبعتا بقوه او ما هنا لياقه للمشي
شكرا لك ولا قصرتي علي التقرير والشكر موصول لولد فرانفكورت

romh ..
romh ..
..
هي هاديه فرانكفورت او انتم ما حبيتوا تتمشون كثير
يعني ما راح نقولك خبيره فرانكفورت ..........
شكلكم تشبعتا بقوه او ما هنا لياقه للمشي
شكرا لك ولا قصرتي علي التقرير والشكر موصول لولد فرانفكورت
كانت هاديه نسيبا وما كان فيها سواح ابدا
ما شفناهم الا بالمطار
وهي كلها اجتمعت التشبع واللياقه والتعب والاصابه اللي جتني ههه
بس كانت هايدلبرغ بالخطه وفيسبادن
حتى اني قريت عنهم وكيف نوصل للاماكن السياحيه فيهم وخلاص عازمين النيه
بس ما صار شيء من ذا
والحمدلله عشان ان رجعنا مره ثانيه نلقى شيء نروحه فيها < تواسي نفسها خ
ونورتني والله
شكرا لك

Usas
Usas
تقرير ممتع ورائع
فرق كبير بين سعر الذهاب والعودة لوكالة المرسيدس
هل لاحظتم تواجد للثلوج اثناء الرحلة؟
تسلم الايدي على التقرير ,,,


خصم يصل إلى 25%