إذا كنت العام الماضي مبصم بالفرنسية هل لازم بصمه بالسويسرية

^^
شكراً لك .. آمين
انا سالتها لانها طلبت مني اشيل شماغ عشان تصوير قلت لها عندك صورتين ليش اتصور مرة ثانية قالت الصور تكون للابليكيشن
التصوير يكون للفيزا حسب كلامها ..
لو كنت ادري مالبست شماغ احس الصورة بتطلع مو حلوة ههه
التصوير لي ولزوجتي ..

الله يعطيكم العافية شكراً على مروركم ..
وإن شاء الله تتسهل ..

الله يعطيك العافيه ويسهل أمورك
بس غريبه ليش التصوير ما يكفي الصور الشخصيه اللي عطيتهم وهل التصوير لك وللزوجه أو انت فقط ..

السلام عليكم ..
تجربتي في التقديم على الشنقن من السويسرية في المكتب الموحد - الرياض - اليوم ..
لان سويسرا لها 3 ايام بس في المكتب الموحد ما فيه الا موظفة للعائلات وموظف للافراد انتظرت بس عشان دوري ساعتين تقريباً وواضح ان الموظفة لسه جديدة ..
ما قدرت اطبع الموعد كان يطلب مني رقم المرجع ومو موجود عندي رحت وعند الارقام اعطيته اسمي الثلاثي عنده قائمة بالاسماء لمواعيد اليوم ..
وقت تقديم الاوراق ما تحتاج الزوجة او الاخت او البنت تحتاجهم وقت البصمة فقط ..
الا اذا كان فيه اوراق ما توقعت ..
الاوراق اللي استلمتها مني الموظفة :
1-الجواز والتوقيع عليه + نسخة
2- الابليكيشن + موقع
3- حجوازات بوكينج .. طبعتها ملون للشخصين
4-نسخة من حجز الطيران للشخصين + نسحة من طيران ايزي جيت لاني من بازل رايح الى لندن حطيتها احتياط ..
5- صورتين شخصية
6-كشف الحساب الاصل لازم صورة ما تنفع
7- تأمين من التعاونية 255 ريال شهر تأمين عائلي
8-زوجتي مو سعودية طلبت صورة من الاقامة + نسخة من تأشيرة خروج وعودة
ما طلبت خطاب العمل او صورة الهوية او كرت العائلة الافضل تكون معاك احتياطاً ..
رسوم الفيزا : 295 + 129 لمكتب الموحد + 5 للرسائل مع اني ما طلبتها
شخصين =858 ريال + 255 تامين
المجموع = 1113 ريال
عند البصمة لازم تصوير مرة ثانية ..
3 ساعات وربع تقريباً عشان اخلص من تقديم الاوراق والتبصيم ..
هذا اللي صار معاي اليوم وإن شاء الله اني ما نسيت شيء ..
وإن شاء الله تطلع الفيزا بعد كل هالتعب ..
واحب اشكر آخر فرصة على سعة صدره واجاباته على الاسئلة وكل من ساعدني ..

تسهلت ولله الحمد
شكرا على الافادة
بالتوفيق

الف مبروك
شكرا لسرد تجربتك

شكراً لعرض تجربتك
موفقين ان شاء الله