وعليكم السلام
هلا عزيزي
بطاقة برقان انا مجربها
وما ياخذون عموله نهائيا
هذي ميزتها
بس طبعا هذا الشي لما تستخدمها بشراء بالعملة الامريكية
لكن انت بتشتري من استراليا يعني الدولار الاسترالي
لذلك راح يكون فيها فوائد وعموله !!
اسأل بنك برقان يمكن عندهم بطاقة للدولار الاسترالي
لأن عندهم بطاقة للدولار الامريكي وعندهم بطاقة لليورو أيضا
فيمكن عندهم للدولار الاسترالي ؟؟؟

تسلم على الرد اخوي
بس ضروري تجاوب سؤال 4
اهم سؤال بالنسبة لي

1- نعم لا يوجد عموله إذا استخدمتها للشراء بالدولار الامريكي
أما الاسترالي فيوجد فرق وعموله بسيطه
2- نعم الاحرف بارزه
3- مافي حدود للبطاقة على حسب علمي ، لكن ما تقدر تعبيها أكثر من 1000 دينار باليوم
تعبئه مو استخدام !!!
4- انا عندي البطاقة من سنتين ورحت فيها مرتين أمريكا واستخدمها بكل شي
بالحجز بالدفع بالفندق بالمطعم بالسوق بالآوت لت ب ب ب ب ب كل شي ما عندهم مانع ولا فيها أي مشاكل نهاائيا
باستراليا جربتها بالصيف الي طاف واشتريت فيها بالاسواق والمحلات وما كان في اي مشكله نهائيا
بس ما جربتها بالمطاعم باستراليا ولا الكافيهات
بس اتوقع ان مافيها اي مشكله نهائيا حالها حال امريكا
5- فرق التحويل مو كبير
بس إذا استخدمتها بكل حجوزاتك للتذاكر والسكن والشراء والاكل و و و فأكيد شي طبيعي ان الفرق هذا بيكون كبير لأنه يتزايد
بس تظل أفضل من بطاقات التمويل أو الوطني أو غيرها ، يعني البطاقات العادية لأنهم بالدينار وهذي بالدولار فاتوقع انها افضل منهم بالتعامل وبالعموله
انا مجربها حتى بسنغافورة هم ماكان في أي مشكله
بس لو تبيها حق استراليا فانصحك دق على برقان واسألهم إذا عندهم بطاقة تتعبى دولار استرالي بدلا من الامريكي

على راسي والله
للأسف ما عندهم دولار استرالي
انا موجود الحين بالمطار وتوني قدمت على بطاقة الدولار واليورو والباوند
ومشالله بالمطار استلام البطاقة فوري
ما تقصر اخوي

كلمت بنك برقان بعد جهد جهيد
( المشكلة طلعتها من فرعهم بالمطار ونسيت لا اسألهم عن اللمت ! )
اللمت للبطاقة :
الحد اليومي : للسحب كاش من الماكينة 1000 دينار كويتي او ما يعادلها بالعملات الثانية ،، للمشتريات بالبطاقة ( بالنت / الحجوزات / نقاط البيع ) : 5000 دينار كويتي باليوم أو ما يعادلها بالعملات الثانية
الحد العام للمبلغ بالبطاقة : 10000 دينار كويتي أو ما يعادلها بالعملات الثانية ( ما تقدر تحط اكثر من هالمبلغ بالبطاقة )
وتعديل لكلام الاخ ابو سعود : عادي تقدر تعبيها اكثر من 1000 دينار باليوم ، اهم شي المبلغ الاجمالي بالبطاقة ما يعطي 10000 دينار
لو عبيتها بأكثر من 10000 دينار كويتي بيتم رفض العملية
مثال : البطاقة فيها 8000 دينار وجيت وعبيتها ب2500 دينار راح تنرفض العملية من الكي نت وتبقى 8000 دينار مثل ما اهي
اللمت ممتاز !
تجربة البطاقة :
توني جربت البطاقة ، عبيتها بقيمة 3000 دينار كويتي بدون مشاكل
سعر الصرف بالضبط من قوقل : 10649 دولار
المبلغ اللي صار بالبطاقة : 10622 دولار ( ممتاز ! ) ، الله العالم جم بتنحسب لو مستخدم بيت التمويل!
ودفعت دينار زيادة رسوم تعبئة البطاقة
حجزت رحلتين طيران داخلي بأمريكا + فندقين بقيمة 2300 دولار من موقع orbitz بدون أي مشاكل
واللي انسحب بالضبط 2300 دولار
حجزت سيارتين تأجير من اكسبيديا بقيمة 890 دولار واللي انسحب بالضبط 890 دولار !
لو مستخدم بطاقة فيزا الخير من التمويل بهالحجوزات راح ياخذون عمولة أقل شي أقل شي 25 دينار ! ويقولك بنك اسلامي!
البطاقة لما تعبيها يقولك جم تبي فيها بعملة البطاقة ، يعني بحط 100 دولار امريكي يقولك بيتم خصم هالمبلغ الفلاني
قبل ما تعبي تعرف اللي لك واللي عليك
والأروع ان مو لازم يكون عندك حساب ببنك برقان!
البطاقة خرافية وممتاازة ، غريبة مالها انتشار او سمعة بالكويت؟؟؟
أنصح كل كويتي ياخذها !!
وتحية للموظف اللي نشفت ريجه ههه
العيب الوحيد اللي شفته اهو عدم الرد على المكالمات
فوق 10 مكالمات ومحد يرد عالتلفون !!
المبلغ الباجي من البطاقة بشتري فيه هناك وانشالله تمر بدون مشاكل
اذا مرت بدون مشاكل بتكون احسن بطاقة بالكوييت بدون منازع

الله يعطيك العافية ياخوي
ومبروك على اصدار البطاقة
البطاقة هذي جديده مو قديمة
سبق وأن تكلمت عنها بتقريري السابق بأمريكا وشرحت مواصفاتها ومميزاتها للكويتيين المسافرين لأمريكا
بس مثل ما قلت غريبه مو منتشره بالكويت !!
حتى الاعضاء أحس انهم متخوفين منها مع انها توفر عليهم وايد فلوس
انا من طلعتها وانا استخدمها لكل سفراتي
بأمريكا أعتمد عليها اعتماد كلي للحجوزات وللمشتروات من الاسواق والآوت لت
ووايد فكرتها حلوه ونفعتني وايد
بس غريبه شلون عبت أكثر من ألف دينار !!
ماشاء الله عليك بالعافية ، انا قبل شهر تقريبا كنت بأمريكا وهناك صارتلي ظروف وكنت برجع الكويت بنفس اليوم وكان مجموع تذاكرنا أكثر من 1800 دينار
حاولت اعبيها ما قدرت تصدق !!
عبيتها الف ونطرت ثاني يوم عشان اعبيها المبلغ الباقي
عموما عليك بأف عافية
ولا تنسى تقدر تدخل على موقعهم بالانترنت وتشوف شكثر فيها وشكثر سحبت ومن وين بأي محل وبأي تاريخ ...... تفاصيل حلوه
تشكر على التوضيح

والله التعبئة عادي مرت بدون أي مشاكل3001 دينار بالضبط
يمكن توهم زايدين اللمت من 1000 دينار خلوه مفتوح المهم ما يعدي 10000 دينار بالبطاقة على كلام الموظف؟