تقدر تسوي كل شي تغير تلغي تقدم تأخر وبالنسبة للمبالغ الاضافية هذا يعتمد على نفس الحجز ف انت شوف ايش الحجز الجديد اللي تبيه وتمم الحجز واتصل على 920022222 واعطيهم رقم التذكرة اللي انت اشتريتها واعطيه رقم الحجز الجديد وهو ساعتها بيقولك اللي لك وعليك

# أبو نورة #
تغير تلغي تقدم تأخر وبالنسبة للمبالغ الاضافية هذا يعتمد على نفس الحجز ف انت شوف ايش الحجز الجديد اللي تبيه وتمم الحجز واتصل على 920022222 واعطيهم رقم التذكرة اللي انت اشتريتها واعطيه رقم الحجز الجديد وهو ساعتها بيقولك اللي لك وعليك
يعطيك العافيه ياغالي بس ايش يعني رقم الحجز الجديد؟
هل لازم احجز حجز جديد واعطيهم رقمه

اخي الكريم
يختلف الموضوع حسب الدرجة التي قمت بالحجز عليها
اذا كانت الضيافة التشجيعية فلا تستطيع استرجاع المبلغ و لا تغير خط السير
تستطيع تغير موعد الرحلة فقط عن طريق مكتب الخطوط وتجعلها باي تاريخ و اي مدة مع ضرورة الترفيع للمستوى الاعلى
اذا ضيافة اقتصادية او مميز تستطيع فعل اي شي مع دفع رسوم
و بكل الاحوال اتصل على الخطوط اعطيه رقم حجزك و هو يشرحلك التفاصيل
دمت بخير

Wal3100eed
شوف بالطيب
أفضل شي تتصل على الخطوط الرقم اللي فوق بعد ما تتأكد من مسارك الجديد او التاريخ الجديد
او انك تشوف مسارك الجديد اللي تبيه وتحجز من الموقع الالكتروني وراح يصدر لك رقم حجز مستقل وهذا هو رقم الحجز الجديد
وتتصل على الخطوط السعودية وتعطيه حجزك القديم وحجزك الجديد وهو بيكمل الإجراءات
بالنسبة للرسوم او الغرامات فهي مفروضة عليك في الحالات التالية
اذا بتعدل على نفس حجزك اللي انت دافع قيمته،، حتدفع رسوم 250 ريال وهذا يشمل جميع حجوزات دول أوربا
اذا بتلغي الحجز نهائي وتسوي لك حجز جديد حتدفع رسوم 350 ريال
وممكن تدفع فرق اذا كانت قيمة الحجز اعلى من الحجز الجديد وهذا الشي يسمونه (قيمة فرق التذكرة)
ف انت عشان ما تجيب العيد بحجزك فكر وقرر بخطتك الجديده واتصل على الخطوط وأعطيه رقم حجزك اللي انت دافعه وقوله انك بتعدل على هذا الحجز
او راجع مكاتب الخطوط السعودية

# أبو نورة #
اخي العزيز ابو نورة
فضلا لا أمرا هل هذه الأسعار لكل الدرجات سواء الاقتصادية او السياحية او الاولى وهل هي رقم ثابت
سؤال اخر هل يشمل هذا العرض الضيافة التشجيعية؟؟؟
نحاول الوصول معا للمعلومة الصحيحة
تقبل مروري
شاكر لك تعاونك

إبشر اخ طارق راجع على العصر من السفر ان شاء الله
وبشرحها بالتفصيل

شوف اخ طارق جميع المعلومات اللي بكتبها تتعلق بالسفر الى اوربا وامريكا للبالغ فقط اللي هي فحوى الموضوع يعني ما تشمل اسيا وافريقيا والشرق الاوسط ولا تشمل الرضيع والطفل والفرق في الرسوم تقل حاجه بسيطه وبعض المصطلحات بشرحها قبل ابدأ بالشرح إعادة حجز : تعني تعدل الحجز على نفس الوجهه تغيير الحجز : تعني تعدل الحجز إلى وجهه أخرى ............... درجة الضيافة تنقسم الى ثلاث درجات أولا / تشجيعي : إعادة الحجز تدفع فرق الدرجة + رسوم 250 ريال وغير مسموح تغيير الحجز لوجهه ثانية يعني تحجز على جده جنيف فقط وغير مسموح إعادة المبلغ بعطيك مثال : الان انت حجزت مثلا جده جنيف سعر تشجيعي وصار لك ظرف ما ، وتبي تلغي الحجز وتحجز لوقت ثاني بهذه الحاله ما تقدر تاخذ سعر تشجيعي حتى لو توفرت المقاعد وتضطر تاخذ الدرجة اللي بعدها اللي هي اقتصادي او مميز وتدفع الفرق + رسوم 250 ريال ولازم ولازم ولازم يكون تعديل الحجز قبل موعد اقلاع رحلتك مثال ثاني عند رحلة جده جنيف سعر تشجيعي وتأخرت عن الرحلة وما لحقتها بكذا طار الحجز وتنسى دراهمه ثانياً / إقتصادي : إعادة الحجز : رسوم 250 ريال على نفس درجة الاقتصادي تغيير الحجز : رسوم 250 على نفس درجة الاقتصادي اذا ما توفرت مقاعد بالاقتصادي تقدر ترفع الدرجة الى مميز وتدفع فرق سعر الدرجات + 250 ريال إعادة المبلغ قبل موعد السفر : رسوم 350 ريال تتأخر عن خصم 350 ريال ثالثاً / مميز : إعادة الحجز 250 ريال تغيير الحجز 250 ريال إعادة المبلغ خصم 350 ريال تتأخر عن الرحلة : رسوم 350 ريال بالنسبة لدرجة رجال الاعمال تجي درجتين اقتصادي والشروط والقيود نفس شروط السياحي الاقتصادي والمميز ما عليه أي رسوم ولكن اذا راحت عليك الرحلة تخصم منك 25% من قيمة التذكرة الدرجة الاولى تجي درجة وحده بس ما عليها أي رسوم بالتعديل والالغاء ولكن تخصم 25% اذا راحت عليك الرحلة اتمنى ان الشرح واضح واني مالخبطت بشي واذا في أي نقطة مش واضحه نوضحها يا عم تقديري واحترامي

الان الشرح واضح وتمام
لان في البداية كان تأكيدي على عدم امكانية التغير و الاسترداد لدرجة الضيافة التشجيعية
هذا رابط للشرح
http://imageshack.us/a/img823/8971/7ecw.jpg
جزاك الله خيرا للايضاح