ميلانو المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
QueenB
17-12-2022 - 05:10 pm
  1. الدول : النمسا , ايطاليا , سويسرا , فرنسا

  2. خط السير المبدئي :

  3. استفسارات عامة :


السلام عليكم
عندي تخطيط مبدئي أبغى رأيكم فيه و مقترحاتكم
المدة : 30 يوم
الهدف : سياحة طبعا + أجواء + تسوق + طبيعة + ترفيه

الدول : النمسا , ايطاليا , سويسرا , فرنسا

خط السير المبدئي :

فيينا ( 5 أيام ) ->فينيسيا ( 3 أيام ) ->ميلانو ( 5 أيام ) ->جنيف ( 5 أيام ) ->باريس ( 5 أيام ) ^ راح يبقى معنا : أسبوع وين تقترحون نضيفه ..؟ و برضوا يمكن تنحذف باريس فبيصير معنا زيادة 5 أيام وين تقترحون تنضاف ؟
^ رأيكم باختيار المدن و المدة المحددة لكل مدينة ..؟
^ عطوني مدن جميلة و تستاهل الزيارة تكون على نفس خط السير ؟
^ قد يتم حذف باريس من خط السير ,, و الهدف كان زيارة دزني لاند ,, برأيكم ما البديل غير يورب بارك ؟؟

استفسارات عامة :

  • كيف أجواء ميلانو بالصيف ؟ و ايطاليا عموما ؟
  • هل يكفي ميلان 5 أيام تسوق ؟ يعني المدينة صغيرة او كبيرة ؟ اذا بنروح اوت لت و الخ لأننا ممكن نخلي لها أسبوع و الا كثير ؟
  • لاحظت ان فيه كذا مسمى لميلان فما أدري هل كل وحدة تختلف عن الثانيه و الا هو نفس الاسم ! أتمنى تعطوني مسمى ميلان السياحية المشهورة ( عشان ما تنحاس الدنيا علي بالحجوزات)
  • أسهل و أفضل دولة تستخرج منها فيزا الشنغن ؟ وخلال كم تطلع ؟

كل الشكر مقدما


التعليقات (8)
QueenB
QueenB
عفوا لكن ممكن مساعدة في خط العودة
لأن الذهاب و العودة صار من فيينا
و المشكلة المدن اللي اعرفها ع الطريق بالرجعة مثل ( ميونخ / زيورخ / زيلامسي / كابرون / لوزيرن / روشت / أنبسروك / ستراسبورخ / أنترلاكن )
ما نبيها
فممكن مقترحات لأربع مدن جميلة تكون ع طريق العودة من جنيف ل فيينا : - احداها يتميز بالطبيعة و الجو و البحيرات و الأنهار و الأكواخ و الخ - احداها يتميز بجو المدينة و التسوق - احداها يتميز بوجود مدينة ملاهي كبيرة ( غير يورب بارك )
هذي صورة توضح مسار الرحلة
و الباقي العودة من جنيف ل فيينا
نبغى محطات

nowf_24
nowf_24
انا بعطيك رأيي مع اني طارحه استفساري قبلك عن خطة سير ولا احد عبرني بس برأيي خطة سفر مدتها 30 يوم متعبه وشاقه جدا
لان وقت السفر مزدحم (يعني فيه حركه كثيره وطلعات ودخلات)
0يوم بتكون شاقه عليكم وممله
ثاني شي التنقل بين دول مسافاتها متباعده جدا يسبب الملل
من رأيي تكون الخطه
3 ليالي فينيا
5 ليالي زيلامسي (اعرف انك مستبعدتها بس من جد هي مطلبك اذا بحثتي عن الطبيعه والمتعه والاكواخ والاجواء في الصيف يكفي فيها متعة الثلج )
3 ليالي فنيسيا ( مع اني لا اجد شي فيها غير الغلا بس تنفع للتصوير )
3 ليالي فلورنسا مدينة جميله للتسوق
3 ليالي ميلانو
3 ليالي نيس وهي جنوب فرنسا
4 ليالي جنيف
5 ليالي باريس
باقي اربع ليالي مادري وين احطهم
وسفره موفقه ان شاءالله
واهم شي في التخطيط السفره الدعاء بتيسير الامر من الله والتوفيق

nowf_24
nowf_24
ارجو قبول رأيي في خطه السير مع اني كاتبه قبلك استفسار عن خطة سير ولا احد عبرني
اولاً
السفره 30 يوم متعب جدا وشاق لان السفر مزدحم بوقته (يعني فيه حركه وطلعات ودخلتها اذا طالت المده بيكون فيها مشقه )
خطة السير
3 ليالي فينيا
5 ليالي كابرون ( استغربت من استبعادك لها المدينه هذي هي طلبك في الاجواء والطبيعه والاكواخ والمتعه خاصه بالثلج )
3 ليالي فنيسيا ( ماشفت فيها غير الغلا )
3 ليالي فلورنسا (مدينة التسوق )
4 ليالي ميلانو
3 ليالي نيس جنوب فرنسا
4 ليالي انترلاكن
3 ليالي جنيف
5 ليالي باريس
ارجو تقبل رأيي
اضفت مدن كنتي مستبعدتها بصراحه تحسفت عليها واشوفها من اهم المدن
وسفره موفقه يارب
واهم شي الدعاء بالتيسير الامور من الله والتوفيق

Turki Musa
Turki Musa
استفسارات عامة :
  • كيف أجواء ميلانو بالصيف ؟ و ايطاليا عموما ؟
  • هل يكفي ميلان 5 أيام تسوق ؟ يعني المدينة صغيرة او كبيرة ؟ اذا بنروح اوت لت و الخ لأننا ممكن نخلي لها أسبوع و الا كثير ؟
  • لاحظت ان فيه كذا مسمى لميلان فما أدري هل كل وحدة تختلف عن الثانيه و الا هو نفس الاسم ! أتمنى تعطوني مسمى ميلان السياحية المشهورة ( عشان ما تنحاس الدنيا علي بالحجوزات)
  • أسهل و أفضل دولة تستخرج منها فيزا الشنغن ؟ وخلال كم تطلع ؟

كل الشكر مقدما
راح اقولك بحكم تجربتي السنه الي فاتت تقريبا كانت سفرتي قبل رمضان بشهر 8 هجري
جو ميلان راح يكون حار بس حرارته مقبوله وفيها نامس كثير ومافيها شي بس اسواق والا سواق نفسها موجوده عندنا بالسعوديه وغاليه اغلى من هنا بحكم انها مدينه الموضه عشان كذا غاليه
5 ايام كثيره عليها بس تقدر تروح لبحيرة كومو وبحيرة لوقانو السويسريه وقريبه تقريبا ساعه بالقطار عن ميلان وتستاهل الزياره من الصباح الى العصر كفايه لكل بحيره
اسمها ميلان Milan
اول دوله راح تدخل فيها اذا كانت ايطاليا لازم تطلع الشنقن من السفاره الايطاليه وتقريبا من 3 الى 4 ايام تكون جاهزه

Turki Musa
Turki Musa
ابي اضيف نقطه مهمه واساسيه الي هي التنقلات التنقلات والشك ان والشك اوت من الفنادق متعبه جدا وراح تاخذ وقت يعني بيطير عليك نص يوم كله في التنقلات واذا وصلت بتكون تعبان وكذا بيروح يوم كامل

QueenB
QueenB
nowf_24
الله يعطيك الف عافيه
و جزاك الله خير مشكوره ما قصرتي

QueenB
QueenB
Turki Musa
راح اقولك بحكم تجربتي السنه الي فاتت تقريبا كانت سفرتي قبل رمضان بشهر 8 هجري
جو ميلان راح يكون حار بس حرارته مقبوله وفيها نامس كثير ومافيها شي بس اسواق والا سواق نفسها موجوده عندنا بالسعوديه وغاليه اغلى من هنا بحكم انها مدينه الموضه عشان كذا غاليه
5 ايام كثيره عليها بس تقدر تروح لبحيرة كومو وبحيرة لوقانو السويسريه وقريبه تقريبا ساعه بالقطار عن ميلان وتستاهل الزياره من الصباح الى العصر كفايه لكل بحيره
اسمها ميلان Milan
اول دوله راح تدخل فيها اذا كانت ايطاليا لازم تطلع الشنقن من السفاره الايطاليه وتقريبا من 3 الى 4 ايام تكون جاهزه
مشكور جزاك الله خير

tab_el
tab_el
ماقصروا الاخوان ..
ديزني لاند إذا معاكم صغار بتكون مناسبة .. إذا لا مروا على يوروبا بارك
أتمنى تخلون العودة غير فيينا عشان ما تضطرون ترجعون نفس المكان ..
5 أيام كافية للتسوق في ميلان يوم للسيرفالي ويوم لفوكس تاون
أنتم ناوين تستأجرون سيارة ولا قطارات ؟


خصم يصل إلى 25%