ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
احمد ياهوو
08-12-2022 - 10:18 pm
السلام عليكم ورحمة الله الحمد لله حتى يبلغ الحمد منتهاه
تيسرت رحلتي الى ماليزيا وكانت جدا رائعه وهذا كله تيسير من ربي ثم رائي اعضاء المنتدى جزاهم الله كل خير
كتابه التقرير يبيلها وقت وروقان الصور كثيره والفتره هذي مشغول فحبيت اكتفي بكتابه ملاحظات لعلها تفيد المسافرين قريبا
كانت الخطه ليلتين في سيلانجور واربع ليالي في لنكاوي واربع ليالي في بينانغ وليلتين في كاميرون وخمس ليالي في كوالا
سيلانجور
الفندق براميد جيد جدا والفطور متنوع وممتاز
ملاحظتي كانت على رائحه الموكيت بالممرات وعدم نظافه موكيت غرفتي فقط اما بالنسبه للفرش والحمام ( وانتم بكرامه ) كان نظيف
واعتبر الفندق يفي بالغرض
انظباعي عن المدينه
جدا ممله ملاهي لاقون
اللي ماراح يسبح لا يروح لان قيمتها مبالغ فيها للي راح بس يتمشى بدون لعب
شغله ثانيه انا دفعت قيمه 5 اقسام اللي هي بالحديقه
والله لو دفعت قيمه ثلاث اقسام محد درى عنك مافي تفتيش ولا بوابات على الاقسام
منطقه برجايا مشوار على الفاضي
وانا كنت ملخبط في القوارب اللي حكو عنها الاعضاء
لان فيه في برجايا اللي عند المسجد وفيه قوارب عند السوق
اللي بالسوق افضل وارخص
مدينه الاضواء لاتستخق الزياره صغيره ومافيها حركه
السواقين استغلالين هناك مايروح مشوار الا 25 رنقت مو مشكله بس انو لازم مكانين قله حيا
انجبرت اروح معهم ولاني مو متخيل المسافه بين الاماكن راح اليوم كله خطوط
تكاليفي في سلانجور لمده ليلتين كلفتني اكثر من اربع ليالي في بينانغ
قد تكون اخطاء مني لكن لو صار ورحت ما راح امر عليها ابدا
تكاليفي في اليومين من 700 وفوق
في اشياء لا تستحق بنظري السواق اخذ 300 الملاهي 220
من غير دخول عالم الثلج ناسي كم سعره
ومشوار المطار 80 جاي و 80 رايح على اساس الطيران الداخلي
طبعا للعرسان ممكن تاخذون ليلتين اما اللي رايح يتمشى ويفلها اشوف ياخذ مكان قريب من المطار وحق ليله وعلى طول لنكاوي
اما بالنسبه لنكاوي
لنكاوي تيسرت ورزقني الله بسواق بالساعه 15 لفيتها كلها كانت ممتعه جدا
وانصح الشباب اللي يحبون يشترون ملابس واحذيه ماركات من نايك
ياخذونها من عندهم لان طايح من سعرهم الجمارك
صادف روحتي ان الامطار من ثلاث شهور مانزلت فما كان فيه شلالات
خيرها بغيرها
الاقامه كانت بلانجي بيتش جدا جدا رائع وكان مكلف
بس انصح فيه بقوه حق يوم تقعدون فيه طول اليوم ماينمل منه لا البحر والا المنظر
اه بس اتعب وانا اعبر
ولي رجعه فيه ان شاء الله لكن مثل ما قلت حق يوم سيده من المطار للمنتجع اليوم الثاني تطلع
وليلتين بفندق ثاني حق نوم لان اغلب الوقت بتكون برى تتمشى
راح تدعون لي
واما بينانغ
لاني قررت في اللحظه الاخيره انو ننتقل فيها بفيري من باب تغير واستخدام جميع الوسائل
راح علي اليوم الاول بالنسبه لي كان مرهق اتعبني مع انه ثلاث ساعات بس ما تحملت البحر
اقامتي في فندقين هوليدي ان وسويس قاردن
هوليدي ان جدار رائع مناسب جدا لسعره
انصحكم توفرون فلوسكم على سالفه مواجه للبحر لان منظر المسبح اقرب من منظر البحر
ولم تعجبني مناظر المسبح
لكن لايعيب ان الفندق ليس رائع
الجميل في شاطي باتوفرجيني كل الفنادق مفتوحه على بعض يعني خذ فندق في هوليدي ان وتقهوى في قولدن ساس ماعندك مشكله
شفت على الشاطي جميع الطبقات لان الشاطي مفتوح على بعض
اما سويس قاردن مدري ايش صار على حجزي ما فهمت الموضوع بس عوضوني في الاقامه بشنقريلا
ياخي احسن خطاء صار جدا جدا رائع المنتجع والاطلاله كانت جدا جميله والشاطي جميل
وبخصوص السوق الليلي هو لتسليه اما اللي يفكر يشتري منهم نصابين الى ابعد درجه البضاعه مكرره في كل مكان والاسعار عندهم نار ممكن اذا جادلتهم تاخذ بالسعر المناسب
لكن كل بضاعتهم راح تلقاها بالتايمز سكوير وباسعار افضل فلا تستعجل وتشتري منهم
كاميرون كان لي فيها نصيب
اعتذر للكل لاتستحق الزياره
اجمل مافيها مقهى بوه
لايعني انك تتعب نفسك بالطريق بذات انه كله لفلفه يجيب الدوخه على اساس تشوف منظر
اللي يحب يجبر خاطره يروح لكن يعمل حساب الطريق والدوخه اللي معاه خاصه بالنزول غثيان موب طبيعي
الفندق فاضي لدرجه الفطور قائمه مافيها الا كورن فليكس او بيض
ومربى وزبده
وقهوه او حليب
كان المميز بالفندق موقعه قريب من محطة الباص
كوالا لمبور
كانت مدينه الحركه جدا رائعه لكن اخر الايام خرب علينا الحرائق الجو طول الوقت كانه المغرب
دخان
ماليزيا مدينة جدا رائعه لايمل منها ابد يحن القلب لها من تودعها بالمطار
ادعو الله ان يسر لي عوده لها في القريب العاجل
اتمنى فادتكم ملاحظاتي واللي عنده استفسار لا يرده الا اصبعه
بالتوفيق
هذا اللي يحضرني باقي الملاحظات في اماكن الزيارات ان شاء الله بتقريري
و لاتخافون كلها ايجابيه
كل اللي ذكرته الان السلبي فقط


التعليقات (9)
misshnowo211
misshnowo211
وعليكم السلام
هلا استاذ احمد نورت والحمدلله ع السلامةوان شاءالله ننتظر و بداية التقرير مشوقة جدآ ننتظر ماتبقى تقبل مروريأختك في الله .... هنو

HONOR
HONOR
الحمد لله على سلامتك اخي
ممكن تفيدنا باسعار الوجبات ان امكن في حي العرب بينتانج
وان وفقني الله بروح لها

sh0sh01406
sh0sh01406
بس انصح فيه بقوه حق يوم تقعدون فيه طول اليوم ماينمل منه لا البحر والا المنظر
اه بس اتعب وانا اعبر
ولي رجعه فيه ان شاء الله لكن مثل ما قلت حق يوم سيده من المطار للمنتجع اليوم الثاني تطلع
وليلتين بفندق ثاني حق نوم لان اغلب الوقت بتكون برى تتمشى
راح تدعون لي
معليش مافهمتها يعني قصدك.لو بنمشئ ناخد فندق اي كلام.لان دا غالي
انا عموما.حجزت فيه فيلا شاطئيه.لانو لنكاوي يقولو هدوء وبالليل ماش فقلنا نبي مكان.مريح فيها بما اننا حنكون فيها من المغرب
وبانتظار تقريرك والحمد لله ع سلامة الاسفار

AL3DNI
AL3DNI
  1. اسمح لي اناقشك ببعض النقاط


هلا اخوي
الحمد الله على السلامه
انت اشتقت لماليزيا هذا وانت جبت عليها سلبيات كثيره
فكيف مثلي انا الليما جبت ولا سلبيه لها فتخيل شوقي لها

اسمح لي اناقشك ببعض النقاط

ملاهي الصن واي لاقون مبالغ بسعرها و ممله للي ما يسبح اجل ليش دخلت اصلا حلاتها بالسباحه و الالعاب المائيه انا دخلتها من الساعه 10 وطلعت منها 6 المغرب وانا زعلان ههه
بعدين مافي عاد تختار 3 حدائق كلها صارت 5 التذاكر موحده وبسعر 120 للشخص تقريبا ً والسعر مو مبالغ فيه تعال عندنا شوف 220 درهم حديقة الوايل وادي وفيها خمس العاب فرحانين فيها فما بالك بسعر 120 خمس حدائق ما تخلص بيوم
اما اي سيتي وغيرها هذه كلام فاضي مافي احلى من يومين تقضيهم هناك يوم للملاهي ويوم لبتروجايا او شلالات كوالا
بالنسبه للسويس قاردن تقول في بينانج ما فهمت قصدك وين يقع هذا الفندق ؟
مافي سويس قاردن في الباتو فرينجي ؟ وكيف راح عليك و عوضوك بفندق ثاني ؟
بالنسبه للكاميرون انت زعلتني ياخي هذه الجميله من يراضيها اني بها مغرم
جو حلو و مزارع و اهلها طيبين
مدري هل اخذت جوله كامله عليها ولا لأ
وكم كان سعر التاكسي
بالنسبه للدوخه نحن نبهنا انه لازم تاخذوا حبتين دوا مانع للدوخه وانت و الخير حبايب
لهذا استمتعت فيها ولي عوده لها للريلاكسيشن
ممكن اسم الفندق في الكاميرون ؟
منتظرين تفاصيل رحلتك في تقريرك القادم
لا تنسانا وتختفي

a7mad abdallah
a7mad abdallah
السلام عليكم
يسعدني يوم اشوف اسامي كانت تسأل في قسم الإستفسارات و بعد السفر يجون و يشاركونا و يكتبون مواضيع
في البدايه اخ احمد مبروك عليك الزواج من الفاتنه ماليزيا و صدقني كل سنه راح تحن لها و تبي شوفتها
الله يعينك عالإدمان
فيما يتعلق ب سيلانجور انا من الناس اللي ما ينصح بالسكن فيها
إلا إذا كانت هذه اول زياره ل ماليزيا + عرسان
تراها فرة حصاه عن كوالا و يكفيها يوم كامل من ايام كوالا
اما الألعاب المائيه فهي جميله و تستحق الزياره خصوصاً للرحلات الشبابيه و اللي فيها اطفال
وصحيح الحين التذكره تشمل جميع الألعاب و لك خصم 20% لو حجزت عن طريق النت
في السابق لما كانت هناك فئات مختلفه من التذاكر كانوا يميزون من لون الساعه اللي يعطونك إياها و اللي هي بمثابة تذكره
ننتظر تقريرك اخوي عشان نفهم ليش ما عجبتك مرتفعات الكاميرون
شكلك تحب المولات و الحركه و الربشه و هذا لم تجده في الكاميرون
sh0sh01406
الأخ يقصد انه للتوفير بإمكانك حجز ليله واحده فقط في البيلانجي و تستمتع بالإسترخاء فيه يوم كامل
اما الايام المتبقيه ل لنكاوي تحجز فندق ارخص لأنك راح تنام فيه بس و الوقت الباقي كله رحلات و لفلفه

Usas
Usas
وعليكم السلام , الحمد لله على السلامة , وشكرا لذكر الانطباعات والمعلومات المفيدة ,,,

احمد ياهوو
احمد ياهوو
sh0sh01406
اه بس اتعب وانا اعبر
ولي رجعه فيه ان شاء الله لكن مثل ما قلت حق يوم سيده من المطار للمنتجع اليوم الثاني تطلع
وليلتين بفندق ثاني حق نوم لان اغلب الوقت بتكون برى تتمشى
راح تدعون لي
معليش مافهمتها يعني قصدك.لو بنمشئ ناخد فندق اي كلام.لان دا غالي
انا عموما.حجزت فيه فيلا شاطئيه.لانو لنكاوي يقولو هدوء وبالليل ماش فقلنا نبي مكان.مريح فيها بما اننا حنكون فيها من المغرب
وبانتظار تقريرك والحمد لله ع سلامة الاسفار
مراحب اخوي
الفندق غالي وهو منتجع بس جدا رائع ويستحق ومن باب المتعه اقولكم لو تاخذون فيه يوم بس
ولنكاوي مو هاديه مثل ما قالو بالعكس المحلات مفتوحه الى 11 هذا اللي شفته بس المولات بكل ماليزيا تقفل 10
فيها حركه وممتعه
ام اشوف انك تاخذ فيه ليله وصولك مبكر من المطار والليلتين الباقيه في باي فيو لاباس به موقعه حلو وخدماته حلوه بس الافطار عندهم مايناسب ذوقنا لكن انا بكل الفنادق فطوري معجنات وبيض اذا ما عجبني الفطور وهي تكفي والحق ينقال بكل الفنادق طعمها لذيذ
اتمنى لك رحله موفقه

احمد ياهوو
احمد ياهوو
AL3DNI
مراحب اخوي وانا اقولك اشتقت لها وانا توي جاي منها
اما حديقة الالعاب انا وضحت للي ما راح يلعب العاب مائيه تحتها ميه خط ماتستاهل وهالشي محد وضحه
لكن ما انكر انها جميله جميله لكن بنظري ماتستاهل المبلغ اذا مو لاعب هذا اللي بوصله للاعضاء يعني فيه عرسان ممكن زوجته ما راح تسبح او عندهم تحفظ يتكلف ويدفع ليه
وجهه نظر يمكن ماتعني لك بس متاكد تعني لناس
ومابنقعد نقارن بسعر ملاهي ديرتنا بملاهي ديرتهم هم لهم اهتمامات تختلف عن اهتماماتنا
وبخصوص الفندق بعد انت خلك بديهي
لخبطت بالاسم الفندق التابع لشنغريلا هوقولدن ساس انا لخبطت وقلت سويس قارن
وسويس قاردن فندق رائع وموقعه رائع في كوالا لمبور كان من ضمن اختياراتي
اما المشكله اللي صارت والله مافهمت عليهم هم قالو فايف ستار جمعت عفشي ومشيت
هو شكله مزحوم لان وقت دخولي فيه قروبات كثيره حتى تحطمت من الاعداد والزحمه اول ما دخلت مدري وش سالفتهم
الفندق اللي بكاميرون ودي اسوي له تقرير في القريب العاجل لان ماله مواضيع ودي الكل يستفيد
بس والله نصيحه العوائل تعب عليهم المشوار
انت بعد لاتصير متهور والله لازم الكل يعرف ايش راح يواجهه

احمد ياهوو
احمد ياهوو
HONOR
ام مافي شي في بينانج اسمه حي العرب هذا شارع العرب اللي تقصده في كوالا لمبور
اما بينانج فيها سوق صيني على امتداد الشارع الباتوفرجيني


خصم يصل إلى 25%