nasoor_5100
11-12-2022 - 06:20 am
السلام عليكم
مساء الخير عليكم يا اخوان
اهلا بكم انا كنت بينكم قبل مده وسبب انقطاعي هو اني ضيعت الرقم السري
المهم انا رحت مصر ثلاث مرات قبل عيد الفطر الي قبل الماضي وعيد الاضحى وبعد عيد الاضحى الي فات تقريبا 15يوم
خلوني اكلمكم عن اخر مره
اقترح علي رفيق دربي ان نروح مصر وكنت رافض رفض غير طبيعي واقوله في الوقت الراهن مستحيل ولاتناقشني جلس اسبوع يقنعني لان خواله في القاهره والفيوم ويدق عليهم ويسمعني وبعد كذا اقتنعت
بالنسبة لي كنت متخوف كثير من الاوضاع الامنيه في مصر وكنت خايف الى ان طلعت من مطار القاهره وبعده كنت اتلفت حوالين نفسي هل صدق مافيه شي وان الاعلام يضخم الامور واقسم بالله اني طلعت مرتاح نفسيا والوضع غير عن كل الكلام الي ينقال
وانا جلست تقريبا12 يوم وكان الوضع كله تمام
حتى اني اصريت اني اروح لرابعه العدويه وكان مافيه احد والمنطقه الي حواليه كلها عليها حواجز
والمهم اني رحت كل الاماكن وكنت اطلع من القاهره الى الفيوم في الليل والوضع عادي جدا
عموما الي يبي يروح يروح ولايفكر في الامور الامنيه ان شاء الله الامور طيبه
اسف على الاطاله وعلى الحوسه لاني اول مره اكتب تقرير
وياليت الاخوان الي في مصر او توه جاي يتكلم ويعطينا الاخبار
وشكرا
