عشقي جنوني
27-11-2022 - 04:48 pm
بسم الله الرحمن الرحيم
والصلاه والسلام على اشرف الانبياء والمرسلين سيدنا محمد وعلى اله وصحبه وسلم.. اما بعد
في البدايه انا ضيف جديد وان شاء الله افيد واستفيد
حقيقه الفيزا الامريكيه كانت فلم رعب لي من كثر ماسمعته ولكن اللي رايته مختلف تماما
كان موعدي بالسفاره الامريكيه 2 march بالرياض طبعا الكل قالوا الرياض افضل لان الاجراءت تتم
بسرعه قلنا الرياض الرياض وتوكلنا على الله موعدي كان 10 الصباح وصلت 9 ونص تعرفون زحمة الرياض
حقيقه كنت مستمتع ومرتبك في نفس الوقت لانها اول مره لي
قبل دخول السفاره اخذو جوالاتنا ومفتاح السياره وفحصوا الجسم ودخلنا داخل السفاره
سلمنا الاوراق وجلسنا ثم رحنا نبصم في البدايه اللي يبصم لك رجل في غاية الاحترام سوداني
انتظرنا طقطقنا اصابعنا وجاءت امراءه اردنيه تقول اللي يبي متحدث انجلش english speaker يرفع يده
طبعا انا كملت طقطقه اصابعي لين جاء دوري وجاء وقت الربكه بس في الثواني الاولى ثم اخذت اضحك
مع الامريكي وسالني عدة اسئله عاد اسمعه وهو يتكلم اللغه العربيه
ليش رايح؟ للمعلوميه انا رايح للسياحه فقط
هل لديك اقارب هناك ؟
وين تشتغل؟
تعطيه الاوراق اللي معك مغلفه بالمجلد وتبصم.
وفي نفس المقابله بيعلمك هل فيزتك مقبوله ام مرفوضه وليش عاد انت وحظك
طبعا انا قال لي قبلت فيزتك وراح تجيك بعد اسبوع للمعلوميه كلمة تنقال للجميع سواء امراءه او رجل
وبفضل الله سبحانه وصلت الفيزا لي بعد يومين مو اسبوع شكله غلط الامريكي
والسلام عليكم ورحمة الله وبركاته
للاستفسار انا موجود
تأشيرة
سعيدين بتواجدك بيننا
شكراً على عرض تجربتك فهي بالتأكيد مفيدة للكل
الاجراءات سهلة و ما فيها تعقيد
الف مبروك حصولك على الفيزا
و رحلة سعيدة