بوابة الرحلات البريه و الرحلات البحرية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ياسمينة ستي
16-12-2022 - 07:02 am

اسعد الله مسائكم جميعا بكل خير
بمناسبة الربيع يعني تعرفون والنبت والحركات هذي الواحد يتشجع ع التصوير والكشتات
قلت اشارككم شوية من صوري هناك
نبدأ بروضة خريم
ماشاء الله تبارك الرحمن لايعلى عليها

وهذي هدية لكم

وكمان تعالو نشرب الشاي

وهذي الصور من روضة الخفس كلها خزامى

وحلفت ع الخزامى يتقهو

الجو كان روعة غيمة تروح وغيمة تجي
وسلامتكم
كانت كشتة ع الخفيف ابشركم لا ذبايح ولاهم
شاكرة لكم مروركم ويعطيكم العافية


التعليقات (9)
فيصل
فيصل
وعليكم السلام
ايه يا زمن اول يوم المرأه تقطع رأس الذبيحه
ناس عجازه الحين
الخزامي روعه
كيف لو تروحي قيصومة فيحان وتشوفي الخزامي هناك

زائر
والله حركات ,,,,, اكشن لطيف
صور حلوه الله يعطيك العافيه

زائر
ما شاءالله تبارك الرحمن
خوش كشته اهم شي الصور الحلوة للنوير والخزامى
ولازم تقهوين الخزامي ومو لازم ذبيحه وتغرقين الخزامى بالدم ما يصير ههه
بس وناسه الجو عليكم بالعافيه

عامر الزعابي
عامر الزعابي
ماشاء الله تبارك الرحمن
المنظر جميل ويفتح النفس وفوقه شاي يقند الراس
اما هالصورة اعجز عن وصفها

يعطيج العافية على هالصور الرائعة عن الربيع

tab_el
tab_el
ماشاء الله .. هنيكم ياهل الرياض كلش قريب منكم
الخفس مريتها هالسنة حسيت اني بمنتزه (كان ويكند)
الروضة الملكية كلام ثاني
يسلمو وهالوردة لك

F.A.H.D
F.A.H.D
وعليكم السلام ورحمة الله وبركاته..
يا عيني على الاجواء الحلوة..
يعطيك العافية مشرفتنا على مشاركتنا هاي الصورة الجميلة..
تحياتي لك.

# أبو نورة #
# أبو نورة #
ما شاء الله تبارك الله
ربيعنا بجده ((مرطب))
ولسا امس معزوم على كشته بالرياض اتمنى اني اقدر اروح
الله يهينكم ويزيدكم
والمكاشيت ماتحلى الا بالبذبايح والنفخ
مشكوره على الصور الجميله

ارمـــ ARMANI ـــاني
ارمـــ ARMANI ـــاني
ياهلا ومرحبا بمشرفتنا ياسمينة ستي
من طول الغيبات جاب الغنايم
يعطيك العافيه على هذا التقرير الرائع وصور ربيعية جميلة
ومشكورة على على الزهور والشاي
بلا ذبح وكرار في الخرفان وتطشر دم ولا يهرب منكم
وتلاحقونه في هالبر ويصيح ماء ماء
بالعكس كان جبتوا الخروف ووسعتوا صدره على هذا الربيع

ياسمينة ستي
ياسمينة ستي
فيصل
ههه شايف كيف
الحين الرجال هي اللي تذبح وتسلخ
يااخي ماتبغاني اتتدلع شوي حرام عليك لازم ذبيحة يعني
اي طلع طلع اللي عندك رايح القيصومة هاه وين الصور
وكمان المكان مكانها لو سمحت
شاكرة لك مرورك يامديرنا اقدع مدير والله
يعطيك العافية


خصم يصل إلى 25%